LOBMUNG 27
27
1Subraiyung se ani pohor tei ani mwthangnai;
sabono ang kirinai?
Subraiyung ani langmani phan
sabono ang kirina nangnai?
2Borok hamyarok ano kebengnai arirok ano músúnairok
ani bahan chána hwnwi phai khe bórok usta khu-ui klainai.
3Sengkrakrok ani ari wngwi gerep saui phai
phano ani bwkha-o kirima phai glak;
ang bai choba nang laina bacha phano ani bwkha kwrak wngwi tongnai.
4Subraiyungni thani ang mungsa san kha,
Abono’-no ang nainai;
abo khe ani thangsungo sal brúm Subraiyungni nogo tong mannani tei
Subraiyungni naithokmano tẃi manna tẃi khe phiya
bini noktharo naitugwi tongwi mannani.
5Tamoni hwn ba bo ano ani digi-sigini jora bo ano huiwi tonnai;
bo ano bini háyá-o kotonwi tonnai;
bo ano holongthai kuchuk saka-o songchanai.
6Tabuk ani bokhorok ano kitingjak kebengnai arirokni slái
kuchugo tei ang khorang kotor khe tongthokma bai
bini noktharo ratharwi yapharnai; rwchapmung khnathok khe Subraiyungno lob di.
7O Subraiyung ang chirigwi ringmano khna ja di,
ano khairok ja di tei sanmano khna ja di!
8“Phai di, ano naisik di” hwnwi nwng hwn khe
“Ang nini mwkhang naisigwi tongnai o Subraiyung hwnwi” ani bwkha-o sa kha.
9Nwng ang bai nukjak ya khe huijagwi ta tong di.
Nini selengno joliui ta khibi ja di,
nwng se ano chubaui phai-o.
Ano yakarwi ta rw ja di, o ani mwthangnaisa
Kaitor ano ta khibi ja di!
10Ani apha bai ama ano yakar phano,
Subraiyung nwng ano khochaui nanai.
11O Subraiyung,
nini lamano ano phrwng di,
ano kebengnai arirok tongo
hakhe lama srai-srai tẃi ano tẃi ja di.
12Ano kebengnai arirokni muchungjak tẃi ano ta khiklai ja di,
tamni hwn ba tatal khe kók ruju sanairok ano kebengwi
bachasa kha tei bórok hama pho-pho wngwi tong lai kha.
13Ang kwthangrokni ha-o Subraiyungni kahamno nuknano bwkha butharjak.
14Subraiyungno naisingwi tong di; kwrak wng di,
tei bwkha ragwi nwng Subraiyungno naisingwi tong di!
Ang hwno Subraiyungno naising di.
Chubamung sanwi surimani
Daudni rwchapmung
Currently Selected:
LOBMUNG 27: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
