LOBMUNG 26
26
1O Subraiyung ano sutrang hwnwi sakhlai di
tamni hwn ba ang sói khe tong kha,
tei Subraiyungni aroni yang ayang
lama phér yaui tong kha.
2O Subraiyung, ano amjogwi nai di, ano nai ja di;
ani bwkhano tei muchungmarokno amjogwi nai di.
3Tamoni hwn ba nini pái phlai ya hamjakma ani mokol bwskango nugo,
tei ang kubui khe nini thani himwi tongo.
4Ang tatal sanairok bai achuk ya,
tei phatrarok baibo tong ya;
5Ang samung hamya tangnairokni bodolrokno naislero,
ang borok hamyarok bai achuk glak.
6Ani majra kwrwi saui ang yak súnai,
tei nini háyáno kitingnai o Subraiyung,
7khorang tisaui hambai rwnai tei nini uanamasingcha samungrokni kókrokno sanai.
8O Subraiyung, ang nini tongma nokno tei aro nini bórom tongmano hamjago.
9Sumsok gwnangrok hai khe ano ta sátok ja di,
borok butharnairok bai pal khe ano ta khop ja di,
10bórokni yakrok hamya samung bai kupulung,
tukjakna bagwi bórokni yak hal-hal wngo.
11Tamo khe ang le sói khe tongnai;
ano phiyók ja di ano khairok ja di.
12Ani yakung ha miligo bachaui tongo;
motha bodolo ang Subraiyungno hambai rwnai.
Lobwi surimani
Daudni rwchapmung
Currently Selected:
LOBMUNG 26: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
