MATHAIA 6

Lungkham thilpêk chungchânga inriseina

1“Nin sin ṭhat sinhei khah miriam mitmuah, mi mu rangin sin no rei. Mi mu rangin nin sinin chu nin Pa rivâna mi zianga rithokin loman mu no tin u.#Mat.23:5.

2“Khaangkan, miriam inkhôkhei thilpêk nin pêkin, vârrilethein inpâk an lo theina ranga inkhôm inhei neh lam ilianheia an itho ngai angkan tho no rei. Nangni ke ril, an loman chu an imu zoi tâk a nit. 3Khanniseh, nangni chu miriam inkhôkhei thilpêk nin pêkin, nin rual ṭhahei #6:3 ‘Nin kut changtianga isin khah nin kut voitianga khomin reh no riseh,’ iti thei a nit. tak khomin an riat no rang lamin tho rei. 4Khanchu, inrûkka sin itho nîng a ta, inrûkka nin sintho mu ngaitu nin Pa khan loman nangni pêng a ti.

Ṭongṭai chungchânga inriseina

(Lk.11:2-4)

5“Nin ṭongṭaiin vârrilethei angkan tho no rei. Mîn an mu theina rangin inkhôm inheiah neh lamilianheiah idinga iṭongṭai an inlut ngai a. Nangni ke ril, an loman chu an imu zoi tâk a nit.#Mk.11:25; Lk.18:10-14. 6Khanniseh, nangni chu nin ṭongṭaiin, nin chontanah lût unla, in khâr unla, nin Pa, mita mu thei ino ziangah ṭongṭai rei. Khanchu, inrûkka nin sintho mu ngaitu nin Pa khan loman nangni pêng a ti.

7“Nin ṭongṭaiin, Jentailhei angkan ṭong, omzia boi mang no rei, anni khan an ṭongṭai sôt sikin an pathianin reh ual a ti an isôn a nit.#1 Rêng.18:25-29. 8Anmani angkan om no rei. Nin ngên man nin Pa khan nin înkhôk chu ai riat kêng ai nit. 9Khasikin, nangni chu hingka hin ṭongṭai ngai rei:

“‘Kin Pa, rivâna mi,

Ner ming rithiang marit om riseh;

10Ni ram zuang tlung riseh;

Ni lungdo rivâna mîn an isin angkan rinênga mîn sin riseh.

11Vuansûna kin fâk rup ne peh roh.#6:11 ‘Nîn tin kin fâk rup ne peh roh’ iti thei a nit.

12Kin chunga thonsualhei kin îzâ angkan,

Kin thonsualhei ne zâ roh.#6:12 ‘Kin lâkai ritânghei kin îzâ angkan nang khomin kin lâkai ritâng ne zâ roh,’ iti thei a nit.

13Thlêmnaah ne ṭhui inlût non la,

Mi Suala #6:13 ‘Sual’ iti thei a nit. rithoka khan ne hoih roh.’ #6:13 Mss ṭhenkatah chu ‘Ram hei, sinthotheina hei, roinpuina hei, kumtluangin ni ta a nit, Amen’ iti a kop.

itin.

14“Nin chunga thonsualhei nin izan chu nin Pa rivâna min nangni zâ a ti.#Mk.11:25,26; Efes.4:32; Kol.3:13. 15Khanniseh, mi nin izâ non chu nin thonsualhei nin Pan nangni zâ ual no nih.

Bu ngei chungchânga inriseina

16“Bu nin ngeiin, vârrilethei angkan ingûi mêl ripuh no rei. Anni khan chu mi mitmuah bu ngeia an ilang theina rangin an mêl an inngûi ngai a. Nangni ke ril, an loman chu an imu zoi tâk a nit.#Isa.58:5. 17Nangni chu bu nin ngei zoro khomin nin mâi phi unla, nin sam khui rei. 18Khanchu, bu nin ngei iti min reh thei no nia, nin Pa, mita mu thei ino bangin riang a ti. Khante, inrûkka nin sintho mu ngaitu nin Pa khan loman nangni pêng a ti.

Rivâna richon ibûm

(Lk.12:33-34)

19“Rinêngah, ringe neh ithimin a fâk isiat theina, inruhein an irûk theinaah hin nin ta rangin richon bûm no rei.#Lk.12:33,34; Mk.10:21; 1 Tim.6:17-19; Jak.5:1-3. 20Rivânah, ringe neh ithimin a fâk isiat thei khâi nonah neh inruhei khomin an irûk thei khâi nonah nin ta rangin richon bûm rei. 21Nin richon omna takah nin lungril khom om a ti.

Takpum vâr

(Lk.11:34-36)

22“Mit hi takpum ranga meiser angkah a nit. Nin mit a felin chu nin takpumkan invâr a ti. 23Khanniseh, nin mit a siatin chu nin takpumkan zîng khap a ti. Khasikin, nin sunga vâr khah izîng ni sela, ingka dôra zîng richel im ai nit rang tâk na!

Pathian neh sum

(Lk.16:13; 12:22-31)

24“Tutên puma inika sin inrikop thei no nih; khatkah nel a ta, khatkah lungthlung a ti; anitnole, khatkah thlop a ta, khatkah enkhûm a ti. Pathian sin neh sum sin inrikop thei no tin u.

25“Khasikin, nangni ke ril, ‘Im ki fâkin ki in rang tâk na?’ itin nin ring tlia thu neh ‘Im ki silin ki bom rang tâk o?’ itin nin takpum rangin lunginkâng no rei. Ifâk nêkan ringna lu ual mak im a? Isil ibom nêkan takpum lu ual mak im a? 26Chungavuang ivahei hih en ta u: bu tu mak a, bu ât ual mak a, fasiarah bu bûm ual mak e; khan khoma nin Pa rivâna mîn a donsui mai ngai. Nangni vâng teh ivahei nêkan nin ilut ual ok ni mak im a? 27Tûm nin lâiah â lung kâng sika a ringna insei #6:27 ‘Mûkka a dung inrisâng thei’ iti thei a nit. viat thei?#Lap.39:5. 28Silbom rang sikin îrang im nin ilung nin înkâng? Rama pârhei thuar dân hih en ta u: an ta rangin sin khom zong mak a, puan khom không mak. 29Nikhomseh, nangni ke ril, rêng Solomona lua khom a roinpuina murdia arvoah khan hi pâr khatka dôra lua khom hih â en hoi mak e.#1 Rêng.10:4-7; 2 Rich.9:3-6. 30Loisûl vuaninta om a, naktûka ram nôk a, lungthua tua rip rang ilua khangkah takin Pathianin a von teh, iamna chînhei o, khahei nêkan isil ibom nangni peh ual no nîm a? 31Khasikin, ‘Im kin fâka kin in rang itin neh im kin sila kin bom rang?’ itin nin ilung inkâng no rei. 32Sanonghein khahei bang kha kêng an ibuaipui ngai. Khahei murdi khah nin nang iti nin Pa rivâna mi khan ai riat mai a nit. 33Pathian ram neh a felna khah zong masa rei;#6:33 ‘Pathian ram neh nangmania ai nuam khah ngaitua bak rei,’ tina a nit. khanchu, hi thil danghei murdi hih nangni ai pêk sa rang a nit.#Lap.37:4. 34Khasikin, naktûka rangin lunginkâng no rei, naktûk khan ama ta rangin ngaituang a ti. Sûnkah dengthei hih ibôk nang mak e.

Currently Selected:

MATHAIA 6: BIATBSI

Highlight

Copy