MATHAIA 5

Itlâng chunga thu sîr

1Jisuan mipuihei khah a mun chu itlângah a lui a, amakhan â ṭhung a. A kôilômhei a ziangah an hong ribûm a. 2Khanchu, anmani a lei inrisei a:

Hamṭhatna diktak

(Lk.6:20-23)

3“Rithla tianga an inriangzia #5:3 An lungrila inrianghei’ iti thei a nit. ririahei chu an ham a ṭhat; rivân ram chu an ta a nit.#Thuv.16:19; 29:23; Isa.57:15; 66:2.

4“Ringaiinsiahei chu an ham a ṭhat; Pathianin thlangam la sak a ti. #Isa.61:2; Joh.16:20; Thup.7:17.

5“Ringai ichînhei chu an ham a ṭhat; Pathian ṭonginkung #5:5 ‘Ram chu la luang an ti,’ iti thei khom a nit. kha la dong an ti.#Lap.37:11.

6“Felna sika voniṭâma tuirihâlhei chu an ham a ṭhat; ikhop takkan la om an ti.#Isa.55:1,2; Joh.4:14.

7“Mi lung inkham ngaihei chu an ham a ṭhat; Pathianin lung inkham a ti. #Jak.2:13.

8“Lungril rithianghei chu an ham a ṭhat; Pathian la mûng an ti. #Lap.24:4; Heb.12:14; Thup.22:4.

9“Ringeina siamtuhei chu an ham a ṭhat; Pathianin ama naihein la bêng a ti.

10“Pathian lungdo sin sika nuamlo tuanghei chu an ham a ṭhat; rivân ram chu an ta a nit.#1 Pet.3:13; 4:14.

11“Keima sika min nangni an nel a, an nuam nangni an lo a, milak #5:11 ‘Dik ino takkan’ iti thei a nit. sual tinrêngin nangni an no tikah chu nin ham la ṭhâng a ti.#1 Pet.4:14.

12“Lôm unla, râi ifân takkan om rei, rivânah nin ta rangin loman iliantak ai om a nit. Khangkah ngirah khan nin matona zânthla lei iomhei khom kha an nuam an ilo ngai a nit. #2 Rich.36:16; TS.7:52.

Ichi neh ivâr

(Mk.9:50; Lk.14:34,35)

13“Rinêng ichi nin nit; khanniseh, ichi hih a dong tâkin chu in-al nôk thei ni khâi mak e. Mangmunboi a chang a; khanungchu, an pai a, mîn an isirpol ngai a nit.#Mk.9:50; Lk.14:34,35.

14“Rammual vâr nin nit. Itlângsîpa khua om chu ithup thei ni mak e.#Joh.8:12; 9:5; Efes.5:8; Fil.2:15. 15Tutên meiser ichokin khamlu nuaiah seh ngai mak, a sianah kêng an isia ngai; khanchu, in sunga mi murdi a elinvâr ngai.#Mk.4:21; Lk.8:16; 11:33. 16Khangkah ngirin nin vâr khah mi mitmuah vâr riseh; khanchu, nin sin ṭhathei mûng an ta, nin Pa rivâna mi inpâk thei an ti. #1 Pet.2:12.

Dân chungchânga inriseina

17“Mosia Dân neh zânthlahei inriseina thu inboi ranga zuangin ne iam no rei, khahei inboi ranga zuang ni mang a, an inriseinahei inrikip ranga zuang kêng kî nit. 18Thutak nangni ke ril, rinêng neh rivân a om kârkah chu Dan thua sun induk hatte manih, thâi inhâng riakte manih khom hih boi no nih, a rêngkan a tlung rikip riai mâkah chu boi tlak no nih iti remai rei.#Mk.13:31; Lk.16:17. 19Khasikin, tukhom hi thupêk lâia khatkah khom a zôm noa, khangkana tho sa ranga mihei inrisei chu rivân ramah khan mi chîn tak nîng a ti. Nikhomseh, tukhom Dân a zôm a, khangkana tho sa rangin mihei ân riseiin chu rivân ramah khan mi lian nîng a ti.#Jak.2:10. 20Pathian lungdo sinna lama dân inriseituhei neh Farisaihei nêkan iiam nin om bangin kêng rivân ramah nin ilût thei rang iti nangni ki îril a nit.

Ningthik chungchânga inriseina

21“Tianlâia mihei ziangah chu, ‘mi that no roh, tukhom mi that chu roirêlna makungah iding a ti,’ an ti ngai iti nin riat a.#Fes.20:13; Dn nik.5:17. 22Khanniseh, keiman chu tukhom a suapui chunga ningithik chu #5:22 Mss ṭhenkatah chu ‘asan om loia,’ iti a kop. roirêlna makungah iding a ti; tukhom a suapui ‘Mangmunboi’ iti chu roirêlna makungah iding a ti; khabanah, tukhom a suapui ‘Intlo’ iti chu meidîla #5:22 Gehena mei. fe rang a nit iti nangni ke ril. 23Khasikin, Pathian zianga ni thilpêk mâichâmah ni lan rang lâi tak khomin ni suapuiin ni chungah lung hoinona a nei iti ni riatin chu, 24mâichâm bula ni thilpêk khah marak inla, fe zel inla, ni suapui neh ringei bak unla, kha rizoiin ni thilpêk khah Pathian ziangah khan lan roh.

25“Mîn nang a no a, roirêl munah nang a ṭhuiin chu roirêl mun nin tlung ma, zoro a la om lâiin ringeipui roh; khanonchu, roirêltu kutah nang bâng a ta, ani khan manmihei kutah nang bâng nôk a ta, tâng inah ikhum nî nit rang a nit.#Lk.12:57-59. 26Thu dik nang ke ril, tangka dârkah ten khom ne tluk riai mâkah chu kha munah khan om mai ni ti.

Inrêna chungchânga inriseina

27“‘Inrê no roh’ iti a nit nin riat.#Fes.20:14; Dn nik.5:18. 28Keiman chu tukhomin nupang idit enin a enin chu a lungrilah khâmnu neh khan an înrê tâk a nit iti nangni ki îril a nit. 29Khasikin, ni mit changtiangân nang ân ban chu ikhel pai inla, pai zel roh. Ni takpuma dûkmuna pai nêkan chu ni takpuma iṭang khatka boi chu ni ta rangin a ṭhat ual.#Mat.18:8; Mk.9:47. 30Ni kut changtiangân nang an ban chu tan pai inla, pai zel roh. Ni takpuma dûkmuna pai nêkan chu ni takpuma iṭang khatka boi chu ni ta rangin a ṭhat ual.#Mat.18:8; Mk.9:43.

Rimâkna chungchânga inriseina

(Mat.19:9; Mk.10:11-12; Lk.16:18)

31“‘Tukhom a nupui ima kan chu mâkna lekha a pêk rang a nit,’ iti a nit sa a. 32Keiman chu tukhom inrê sik ni loia nupui ima chu kha a nupui khah inrêa ai siam a nit; khante, kha mi nupui mâk tâk inei nôktu khom khah a înrê sa a nit iti nangni ke ril.#Mat.19:9; Mk.10:11,12; Lk.16:18.

Ṭongrikhâm chungchânga inriseina

33“Tianlâia mihei ziangah, ‘Ni ṭonginkung iseh non la, Pumapa zianga ni ṭongrikhâm khah ni len rang a nit,’ an ti iti khom nin riat a.#Lev.19:12; Rit.30:2; Dn nik.23:21. 34Keiman chu ṭong nin inkung zoron vâni rêng rêng risâm no rei. Rivân iching khomin vâni risâm no rei, Pathian rêngṭhungmun kêng ai nit;#Isa.66:1; Mat.23:22; Jak.5:12. 35rinêng iching khomin vâni risâm no rei, a ke siana kêng ai nit. Jerusalem isâm khomin vâni risâm no rei, Rêng roinpui tak khopui kêng ai nit. 36Nin lu sâm khomin vâni risâm no rei, samzâi khatkah khom inṭekin, nin înduk thei ni mak e. 37Nin ṭongbâi suak khah, ‘A nit’, manih ‘Ni mak’ manih ringot ni riseh, khabana kha chu suala rithoka suak a nit.

Phuba lâk chungchânga inriseina

(Lk.6:29-30)

38“‘Mit sika mit, ha sika ha,’ an ti iti nin riat a.#Fes.21:24; Lev.24:20; Dn nik.19:21. 39Keiman chu nin chunga thonsualhei chungah phuba lah no rei. Tukhomin ne biang changtiang â bênin chu voitiang khom do pêk sa roh. 40Tukhomin ni sunglût rang sikin roirêl munah nang a ṭhuiin chu ni zakochung khom peh sa roh. 41Mîn a puak kilomitar khatka pêl pêk rangin nang a dânden chu kilomitar inikah pêl pêk roh. 42Thil nang initu khah pen la, lâkai nang izongtu khah inmang roh.

Irâl lung ithlung rang thu

(Lk.6:27-28,32-36)

43“‘Ni rualhei lungthlung inla, ne râlhei nel roh,’ an ti iti nin riat a. 44Keiman chu nin irâlhei lungthlung unla,#5:44 Mss ṭhenkatah chu ‘vâni nang isâmtuhei ṭhatvur inla, nang ineltuhei chungah thil iṭha thon la, deng nang intheitu neh nuam nang ilotu khah ṭongṭai pêk roh,’ iti a kop. an nuam nangni lohei khah ṭongṭai pêk rei.#Thuv.25:21,22; Rom.12:14,20. 45Khanchu, nin Pa rivâna mi naihei ni thei nin ti. Ani khan mi siahei neh mi ṭhahei chungah a nîsa khah â sua ngai a, iṭha sinhei neh isia sinhei chungah khom rua ân sûr pêk ngai. 46Lung nangni thlunghei bang lung nin ithlungah hin Pathianin loman nangni ai pêk rang mani? Amakhah chu siadôltuhei khomin an itho ngai kêng ai nit. 47Khante, nin rualhei ziang banga nin iṭongah hin im nin ithôn liap uala? Amakhah chu sanonghei #5:47 Mss ṭhenkatah chu ‘Jentailhei neh mi sualhei khom,’ iti a kop. khomin an itho ngai a nit. 48Nin Pa rivâna mi ai ṭhat rikip angkan nangni khom nin ṭhat rikip rang a nit.#Lev.19:2; Dn nik.18:13.

Currently Selected:

MATHAIA 5: BIATBSI

Highlight

Copy