MATHAIA 4

Jisua thlêmna tong thu

(Mk.1:12-13; Lk.4:1-13)

1Kha rizoiin chu Jisua kha Diabola îthlêma om rangin ramchârah Rithlân a ṭhui zel tâk a.#Heb.2:18; 4:15.

2Khante, sûn sômilikah neh zân sômilikah bu a ngei tenan chu a von a hong ṭâm tâk a.#Fes.34:28; 1 Rêng.19:8; Dn nik.8:3; Neh.11:1; Dan.9:24; Mat.27:33; Thup.21:10. 3Khanchu, Diabola khah a hong a, a ziangah, “Pathian Naipa ni nit titakin chu hi lunghei hih ibai ichang rangin thu peh roh,” a ti a.

4Khanniseh, Jisuan a ziangah, “Pathian Thubûn, ‘Miriam hi ibai bangin ring no nia, Pathian bâia rithoka thu suak tinrêngin kêng ring an ti,’ ai ti a nit,” itin a sâm a.

5Khanungchu, Diabola khan Jisua khah Jerusalem, Khopui rithiangah a ṭhui a, Tempil sîpah ân ding a, 6a ziangah, “Pathian Naipa ni nit titakin chu zuk richôm roh; Pathian Thubûn,

“‘Ni chungrichânah chu Pathianin a vântirtônhei thu pêng a ta,

An kutin nang idom an ta,

Ni ke lua khom lungah de tlak no tin e,’

ai ti a nit,” a ti a. #Lap.91:11,12.

7Jisuan a ziangah, “Pathian Thubûn, ‘Pumapa ni Pathian rinak no roh,’ iti khom riziak a nit sa,” itin a sâm a.#Dn nik.6:16.

8Khanchu, Diabola khan Jisua khah itlâng risâng takah a ṭhui a, rammuala ram murdi neh an roinpuinahei ân en a; 9A ziangah, “Rikhûk idilin chubai ne ûn inla, hihei murdi hih nang pêng ki ti,” a ti a. 10Khatenan chu Jisuan a ziangah, “Soitan, ro zel roh; #4:10 Mss ṭhenkatah chu ‘Ke nungah lôn roh’ iti a nit. Pathian Thubûn, ‘Pumapa ni Pathian chubai ûn inla, ama sin bang tho roh,’ a ti,” itin a sâm a. #Dn nik.6:13; Mk.8:33. 11Khanungchu, Diabola khan a mâk tâk a. Vântirtônhei an zuang a, a sin an zuang tho pêk tâk a.

Jisuan Galili ramah sin a phut thu

(Mk.1:14-15; Lk.4:14-15)

12Khante, Jisuan Johana an man iti a riat kaneh chu Galili ramah a thleng thal a.#Mat.14:3; Mk.6:17; Lk.3:30; Joh.1:43. 13Nazaret khah a mâk a, Kapernaum khuaah a om mai tâk a, amakhah Zebulun neh Naftali ramhuala Galili dîl rikama om a nit.#Mk.1:21; Lk.4:23; Joh.2:12.

14-16Zânthla Isaian,

“Zebulun neh Naftali rama,

Tuipui panna lampui, Jordan râl,

Jentailhei omna ram Galili;

Izîng nuaia ṭhunghei khan ivâr roinpui tak an mu a,

Thina ram izîng nuaia ṭhunghei chungah khan ivâr a zuang suak tâk,”

itia a lei îsîr khah a hong tlung idikna rangin amakhah a hong iom a nit.#Isa.9:1,2.

17Kha zoroa rithokah khan chu Jisuan, “Rilet ta rei; rivân ram chu a nâi tâk e,” itin thu sîr a phut zel tâk a.#Mat.3:2; 10:7; Mk.1:15.

Jisuan inga man ngai mi ilikah a koi

(Mk.1:16-20; Lk.5:1-11)

18Khante, Jisuan Galili dîl rikamah a lôn vêl lâiin inga man ngai urnaikah, Simona (Petera an iti) neh a unaipa Andria kha an lên idêngin a mu a. 19Jisuan an ziangah, “Ne zui rei; khanchu, miriam imantun nangni siam ki ti,” a ti pêk a. 20An lênhei an mâkrak a, ani khah an zui zel tâk a.

21Khantak ata a hei fe nôk ual viatin chu urnaikah dang Zebedaia naihei, Jakoba neh Johana khah a mu nôk a. Khahei khah an pa Zebedaia lômin an inthumkan an rikuangah an lei om a, an lênhei an lei siam a. Anni khah Jisuan a koi a. 22Khanchu, rikuang neh an pa khah an mâk a, Jisua kha an zui zel tâk a.

Jisuan ân risei, thu â sîr, ân dam

(Lk.6:17-19)

23Khante, Jisuan Galili ram pumpui arfang a, Sinagogheiah #4:23 Judahei inkhômna In, skul neh ribukna muna an imang ngai a nit. ân risei a, Ram Thurchi ṭha khah â sîr a, mihei lâia natna tinrêng neh râtnona tinrênga nâhei khah ân dam thiai a.#Mat.9:35; Mk.1:39. 24Khanchu, Suria ram pumpuiah a thurchi khah ân thang tâk a; dam ino murdi, damnona neh natna tinrêng ituanghei, ramrili imanhei, risengol rivoihei, izenghei a ziangah an hong ṭhui a, aman a lei indam a. 25Galili rama rithok hei, Dekapolia (Khopui sômka) rithok hei, Jerusalema rithok hei, Judai rama rithok hei neh Jordan râla rithok heiah khan mipui itam takkan amah an zui a.

Currently Selected:

MATHAIA 4: BIATBSI

Highlight

Copy