MATHAIA 3

Baptistu Johana thu sîr

(Mk.1:1-8; Lk.3:1-18; Joh.1:19-28)

1Kha lâiah khan Baptistu Johana chu Judai ramchârah a hong a, thu â sîr a. 2“Rilet ta rei, rivân ram chu a nâi tâk e,” a ti a.#Mat.4:17; 10:7; Mk.1:15.

3Johana hi a nit, zânthla Isaian,

“Ramchâra mi khatka khêk rôl khan,

‘Pumapa lamilian siam unla,

A lampuihei khom intlûn rei,’ a ti,”

itia a lei îsîr khah a nit.#Isa.40:3.

4Khante, Johana kha saringsei mul puan a sil a, savun kongkhit a vong a; a fâk chu khâifapôl neh rama khuaitui a nit.#Lev.11:22; 2 Rêng.1:8; Zak.13:4. 5Kha lâiah khan Jerusalemah neh Judai ram pumpuia omhei neh Jordan vadung vêla ram pumpuiah khan ani khah an pan zut zut a. 6An sualhei thupha an chôi a; khanchu, ani khan Jordan dungah khan a lei baptis a.

7Nikhomseh, Johana khan Farisaihei neh Sadukaihei itam takkah a zianga baptis ichang ranga hong a mu kaneh chu an ziangah, “Irûl richihei o, Pathian ningthik zuang iṭum ranga rithokah hin zôk thei nin ti iti tûm nangni ril? #Mat.12:34; 23:33. 8Nin sualhei ata nin rilet tâk iti riat theina rang sinhei khah tho rei. 9‘Abrahama richi kêng ei init,’ itia ningthikna zôk rangin ritûng no rei. Nangni ke ril, Pathianin hi lunghei khom hih Abrahama richin ai siam thei a nit. #Joh.8:33,39. 10Atûn zelah hin thing bul tinah reipui iseh ṭian a nit tâk, thingkung tin irâ ṭhaa râ no kah chu iphûr an ta meiah hâl an ti.#Mat.7:19. 11Keiman chu nin rilet tâk iti riatna rangin tuiin nangni ki baptis ngai a; nikhomseh, ke nunga zuang rangtu hin chu Rithla Rithiang neh meiin nangni baptis a ti. Amah chu keima nêka roinpui ual a nit a; kei chu a pheikok rui isût rang iluan ritluk mang e. 12A rîzôla buhei zâp infâi liai a, a buhei pang sunga thun rangin a zâpna rilei khah a chôi ṭian tâk a, arsihei kha chu mei thi ngai inoah hâl inrimang a ti,” a ti a.

Jisua baptisma chang thu

(Mk.1:9-11; Lk.3:21,22)

13Kha lâiah khan Galili rama rithokin Johana zianga Jordan dunga baptisma chang rangin Jisua kha a hong a. 14Khanniseh, Johana khan ikhap a tum a, a ziangah, “Keimah kêng ni ne baptis inang, ingkam ki ziangah teh ni hong tlia?” a ti a.

15Nikhomsela, Jisuan a ziangah, “Atûn inbei ngêt roh, hingkan Pathianin ai nuam murdi #3:15 ‘Felna dân murdi ilen suak hih ei ta rangin ai ṭhat a nit,’ iti thei a nit. ei tho vang rang a nit?” a ti a. Khanchu, Johana khan ân bei tâk a. 16Khante, Jisua khah baptisma a chang zoi kaneh chu tui ata a hong suak a. Khanungchu, a ta rangin rivân a zuang ri-ong a, Pathian Rithla khah vaṭhu angkana #3:16 Mss ṭhenkatah chu ‘Rivâna rithokin’ iti a kop sa. zuang iṭuma a chunga zuang ifu a mu a. 17Khante, rivâna rithoka rôlin, “Ani hih ki Naipa lungthlung tak, a chunga kî lôm tak takah chu a nit,” a ti a.#Riph.22:2; Lap.2:7; Isa.42:1; Mat.12:18; 17:5; Mk.1:11; Lk.9:35.

Currently Selected:

MATHAIA 3: BIATBSI

Highlight

Copy