Popular Bible Verses from MATHAIA 6

Share

Pathian ram neh a felna khah zong masa rei; khanchu, hi thil danghei murdi hih nangni ai pêk sa rang a nit.

Khasikin, naktûka rangin lunginkâng no rei, naktûk khan ama ta rangin ngaituang a ti. Sûnkah dengthei hih ibôk nang mak e.

“Khasikin, nangni ke ril, ‘Im ki fâkin ki in rang tâk na?’ itin nin ring tlia thu neh ‘Im ki silin ki bom rang tâk o?’ itin nin takpum rangin lunginkâng no rei. Ifâk nêkan ringna lu ual mak im a? Isil ibom nêkan takpum lu ual mak im a?

Khanniseh, nangni chu nin ṭongṭaiin, nin chontanah lût unla, in khâr unla, nin Pa, mita mu thei ino ziangah ṭongṭai rei. Khanchu, inrûkka nin sintho mu ngaitu nin Pa khan loman nangni pêng a ti.

Khasikin, nangni chu hingka hin ṭongṭai ngai rei: “‘Kin Pa, rivâna mi, Ner ming rithiang marit om riseh; Ni ram zuang tlung riseh; Ni lungdo rivâna mîn an isin angkan rinênga mîn sin riseh.

Vuansûna kin fâk rup ne peh roh.

Kin chunga thonsualhei kin îzâ angkan, Kin thonsualhei ne zâ roh.

Thlêmnaah ne ṭhui inlût non la, Mi Suala rithoka khan ne hoih roh.’ itin.

“Nin chunga thonsualhei nin izan chu nin Pa rivâna min nangni zâ a ti.

Chungavuang ivahei hih en ta u: bu tu mak a, bu ât ual mak a, fasiarah bu bûm ual mak e; khan khoma nin Pa rivâna mîn a donsui mai ngai. Nangni vâng teh ivahei nêkan nin ilut ual ok ni mak im a?

“Rinêngah, ringe neh ithimin a fâk isiat theina, inruhein an irûk theinaah hin nin ta rangin richon bûm no rei. Rivânah, ringe neh ithimin a fâk isiat thei khâi nonah neh inruhei khomin an irûk thei khâi nonah nin ta rangin richon bûm rei. Nin richon omna takah nin lungril khom om a ti.

“Tutên puma inika sin inrikop thei no nih; khatkah nel a ta, khatkah lungthlung a ti; anitnole, khatkah thlop a ta, khatkah enkhûm a ti. Pathian sin neh sum sin inrikop thei no tin u.

Loisûl vuaninta om a, naktûka ram nôk a, lungthua tua rip rang ilua khangkah takin Pathianin a von teh, iamna chînhei o, khahei nêkan isil ibom nangni peh ual no nîm a?

Khanniseh, nangni chu miriam inkhôkhei thilpêk nin pêkin, nin rual ṭhahei tak khomin an riat no rang lamin tho rei. Khanchu, inrûkka sin itho nîng a ta, inrûkka nin sintho mu ngaitu nin Pa khan loman nangni pêng a ti.

“Nin sin ṭhat sinhei khah miriam mitmuah, mi mu rangin sin no rei. Mi mu rangin nin sinin chu nin Pa rivâna mi zianga rithokin loman mu no tin u.

“Bu nin ngeiin, vârrilethei angkan ingûi mêl ripuh no rei. Anni khan chu mi mitmuah bu ngeia an ilang theina rangin an mêl an inngûi ngai a. Nangni ke ril, an loman chu an imu zoi tâk a nit. Nangni chu bu nin ngei zoro khomin nin mâi phi unla, nin sam khui rei. Khanchu, bu nin ngei iti min reh thei no nia, nin Pa, mita mu thei ino bangin riang a ti. Khante, inrûkka nin sintho mu ngaitu nin Pa khan loman nangni pêng a ti.