Popular Bible Verses from MATHAIA 7

Share

“Ngên rei, nangni pêng a ti; zong rei, mûng nin ti; ikik rei, nangni ong pêk a ti.

Tukhom â ngên murdi chu ipe nîng an ta, â zong murdi kan chu mûng an ta, â kik murdi chu inkhâr iong pêk nîng an ti.

“Khaangkan tukhom hi ki thuhei iria a, zôm murdi chu mi vâr, lungpui chunga in isintu angkah a nit.

“Mîn nin chungah sin sela nin inuam tak khah mi chungah khom sin rei; amakhah Mosia Dân neh zânthlahei inriseina thu chu a nit.

Khanniseh, ringna kotbâi chu archêp a, a lampui khom ân tak a, â mutuhei khom mi iroichekah an nit.

“Kotbâi richêpah khan lût rei, dûkmun kotbâi chu arzat a, a lampui khom a hoi a, kha lampuia fehei chu itam takkah an nit.

Nangmani mi siahei manin nin naihei thil iṭha pe nin riatin teh, nin Pa rivâna mi vângin chu â ngêntuhei chu thil iṭha ai pêk intam rang vang na!

“Mi sêl no unla, isêlin om no tin u. Mi nin sêl lam takin Pathianin nangni sêl a ta, mi chunga dân nin imang tak khah nin chungah khom mang an ti.

“Khanniseh, tukhom hi ki thuhei iria a, zôm ino chu intlo ṭiaidôka in isintu angkah a nit.

Ithôm ni mita thingtum iom khah ngaitua loiin, ni suapui mita inim lekte om khah nî mu hi? Ingkan im ni mita thingtum iom ṭiankan ni suapui ziangah, ‘Ni mita inim lekte khah nang lei kêl pêk rong’ ni ti ngam tlia?

“Zânthla lemhei ata ridîn rei; putiang chu bera vun isilin nin ziangah an hong ngai a; nikhomseh, sungtiang chu inia inruak tak angkah an nit. Khahei kha chu an sinthoah reh zel nin ti. Riling bukah grep irâ ngai mak a, riling kungah khom theichâng irâ ngai mak e.

Thing iṭha chu â râ khom a ṭhat ngai a, thing isia chu â râ khom a siat ngai.

Thing iṭha â râ seh ngai mak a, thing isia khom â râ ṭha ngai mak e.

Thing tin â râ ṭhano chu an iphûr a, meiah an tua ngai.