LUKA 2
2
Jisua suak thu
(Mat.1:18-25)
1Kha lâiah khan, Kaisara Augusta khan Rom.ram op murdia mihei riming riziak riai rangin thu a pêk a.#Lk.3:1. 2Hi riteppui masatak hih Suria ram optu Kurinia a chang lâia a nit. 3Khanchu, mi murdi mahni khua chitah riming riziak rangin an fe tâk a. 4-5Josefa khom, Davida insungkua neh archia mi a nit sikin, Galili ram Nazaret khua rithokah khan, a nupui hual Mari thlîngino rilâ ngitkan riming riziak rangin Judai ram, Davida khua Bethlehem an iti-ah khan an fe tâk a. 6Khante, Bethlehemah an om lâiin nai nei zoron a de tâk a. 7Nai lutîr ipa a nei a, puanzêlin a tuam a, khualbûkah an keng khâi no sikin sakhêngah ân zâl a.
Berapuhei neh vântirtônhei
8Kha ramah khan berapuhein phûlah an bera an ngâk a, zânah an riak a. 9Pumapa vântirtôn an ziangah a zuang inlâr a, Pumapa roinpuina vâr khan a zuang el a, rilônthingin an ṭi tak tak a. 10Vântirtôn khan an ziangah, “Ṭi no unla, ringai rei, Thurchi Ṭha lômiom tak nin ta rang neh mi tin ta rang ki zuang îthlun a nit. 11Vuanah hin Davida khuaah Minringpu, Pumapa Krista a suak tâk.#Joh.4:42; TS.2:36; 5:31; Mat.16:16. 12Nin risin sia theina rang chu, naisen, puanzêla tuam, sakhênga zâl mûng nin ti,” a ti a. 13Voikarengin, vântirtôn kôlah khan, rivân mi lômpuihei an zuang om a, Pathian an inpâk a:
14“Rivân inchung takah khin Pathian chu roinpui takkan om sela,
Rinênga ai lôm tak tak miriamhei lâiah ringei lêng riseh,” an ti a.
15Khante, vântirtônhei kha rivânah an kîr a, an mâk kaneh chu berapuhei khan, “Tho, Pumapan a ne iril thil zuang itlung ien rangin Bethlehemah fêng ei ti u,” an ti a. 16Khanchu, an fe vak vak a, Mari neh Josefa neh sakhênga zâl naite khah an va mu a. 17Berapuhei khan an va mun chu naite chungchâng vântirtôn îsîr khah an iril a. 18Â ria murdi khan berapuhei thu sîr khah arkhêl an ti tak tak a. 19Mari khan kha thuhei khah lungrila ngaituan a vong mai a.#Lk.2:51. 20Vântirtônin â ril lam angkah takin thil tinrêng an va mu a, an riat sikin berapuhei kha Pathian chôiinrisâng neh inpâk pumin an kîr nôk tâk a.
Jisua riming an sak
21Khante, a sertan rang nî sûn iriat a hong tlukin chu, sungah ân zir ma renga vântirtôn isak sai, arming Jisua an sak tâk a.#Lev.12:3; Mat.1:25.
Jisua Tempilah an lan
22Mosia Dân angkan rithârna nî a hong tlukin chu Josefa neh Mari khan naite khah Pumapa zianga lan rangin Jerusalemah an hongpui a. 23Pumapa Dân thu-ah, “Nai lutîr ipa kangân chu Pumapa ta rang a nit,” iti a nit a.#Fes.13:2,12. 24Khante, Pumapa Dân angkan vaṭhu bopka manih, pharvali bopka manih, ribôlnan an lan sa rang a nit.#Lev.12:6-8.
25Kha zoroah khan Jerusalemah mi khatkah, arming Simeona a om a. Kha mi khah mi ṭha, Pathian ingaisak mi tak a nit a, Israelhei inzôktu rang khah a ngâk mai a; a chungah Rithla Rithiang a om a. 26Pumapa înkung Mesia a mu mâkah chu thi no nih itia Rithla Rithiangin a lei îril pial tâk a nit. 27Rithla îruaiin Simeona kha Tempilah khan a fe a. Dân angkana a chunga sin rangin a nu neh a pan naite Jisua kha Tempilah an hongpui a. 28Simeona khan naite khah a lei ipom a, Pathian ziangah lômthu â sîr a:
29“O Pumapa, atûn chu ni ṭonginkung angkan,
Ne som hih rithla ringamin ni înfe rang tâk a nit.
30Ni saninringna mi tin mu ranga nî siam kha,#Isa.52:10.
31Ki mit ngêiin a mu tâk.
32Jentailhei zianga ni lungdo inlang rang ivâr neh,
Ni mi Israelhei roinpuina rang chu,” a ti a.#Isa.42:6; 49:6; TS.13:47; 26:23.
33A nu neh a pa khan naite chungchâng thu Simeona îsîr khah an ringai arkhêl tak tak a. 34Khante, Simeona khan anni chu ṭhat a vur a, a nu Mari ziangah, “Ringai roh, hi naite hih Pathian izen, Israel lâia itam takka rimangna rang neh zôkna rang a nit. Pathian risinsiana mi itam takkahei sêl rang nîng a ti. 35Mi ngaitua rithup inlang a ta, nang khom khandai ingaih angkan ngaisiatnan ne lung sun ikhoi a ti,” a ti a.
36-37Zânthla khatkah, arming Annii, Asera nama mi Fanuela nainu, itar tak hi a om a. Kum sarikah bang pasal a nei a, kum sômiriatkah ilikah numeiin a om tâk a. Ani khan Tempil kha mah tlak loiin buhei a ngei ngai a; a sûn a zânin Pathian chubai iûnin a ṭongṭai ngai a. 38Kha lâi takah khan ani khah a hong a, Pathian ziangah lômthu â sîr a, Jerusalem zôkna ranga Pathian lei ingâktuhei murdi ziangah Jisua thurchi â sîr pêk tâk a.
Nazaret khuaah an kîr nôk
39Pumapa Dân thupêka, an thotum an tho zoiin chu Josefa neh Mari khah Galili ramah, an khua Nazaretah khan an fe nôk tâk a.
40Khante, naite khom khah a hong thuar tîr tîr a, a hong rât tîr tîr a, vârnan a sip a, Pathian ṭhatvurna a chungah a om mai a. #Roi.13:24; 1 Sam.2:26.
Naipang Jisua Tempilah
41Jisua nu neh pa khah kum tin Kalkan Kût imang rangin Jerusalemah an fe ngai a.#Fes.12:1-27; 23:15; Dn nik.16:1-8. 42Jisua khah kum sômleiinikah a nitin dân ngai angkan Kût imang rangin an hang fepui a. 43Kût a hekin chu an zuang kîr nôk a, khan Jisua khah a nu neh pa riat loiin Jerusalemah a la châm a. 44An lômahei lâia fe nîng a ti an tûng a, sûnkah lam an fe nungin, an suapuihei neh an rualhei lâiah an zong a, 45khan lak mu mak a, izong mai pumin Jerusalem tiang an kîr nôk tâk a. 46A sûn thum nin chu Tempilah, Juda minriseituhei zianga ṭhungin, an he ringai neh ridonin an va mu tâk a. 47A ṭong dân iriakan, a vâr tlia neh a sâm thiam tlia khah arkhêl an ti tak tak a. 48A nu neh a pa khan an va mun chu arkhêl an ti a, a nu khan a ziangah, “Tôite, ithôm hingkana ni ne itho? Ni pa neh rithlavâi vîkkan nang kin izong mai tâk kêng,” a ti a.#Mk.3:31-35.
49Ani khan, “Ithôm nin ne izong? Ki pa ina om ngêt rang ki nit iti hih nin iriat ino mani?” itin a sâm a. 50Khannisela, a sâmna khah arngai tlia reh mak a.
51Khanchu, an ziangah Nazaretah a fe a, an thu zômin a om a, a nu khan kha thuhei murdi khah a lungrilah a vong mai a.
52Khante, Jisua kha taksa tiang neh vârna tiang a hong thuar tîr tîr a, Pathian lungkhamna neh Miriam ditsakna a dong mai a.#1 Sam.2:26; Thuv.3:4.
Currently Selected:
LUKA 2: BIATBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
