JOHANA 7
7
Jisua neh a urênghei
1Kha rizoiin chu Jisuan Galili ram arfang a; Judahein amah ithat an tum sikin Judai ram chu a irfang nuam khâi ino a nit.
2Khante, Judahei Dângdi Kût #7:2 Ramchâra an om lâi riat lengna kût, dângdi nuaiah an om ngai. khah a nâi tâk a.#Lev.23:34; Dn nik.16:13,16. 3Khanchu, Jisua urênghei khan a ziangah, “Hi mun hih man la, Judai ramah fe roh, ni kôilômhein ni sintho an mu theina rangin. 4Tutên mahni riming inthang inuam chakkan inrûkkan thil tho ngai mak e. Hi sinhei hih nî sin a nitin teh rammualin nang reh riseh,” an ti a. 5A urênghei iluan amah iam mak a.
6Jisuan an ziangah, “Ki zoro la tlung mak, nangmani zoro chu tiklâi khomin ai tlung mai a nit.#Mat.26:28; Joh.2:4; 7:30. 7Rammualin nangni nel thei mak; khanniseh, keimah chu a ne inel a nit, a sinthohei ân sual iti ke ril ngai sikin.#Joh.15:18-21. 8Kûtah khan nangmani lei hang fe rei. Kei chu la fe no #7:8 Mss ṭhenkatah, ‘Fe no ning e,’ iti a nit. ning e, ki zoro a la tlung no sikin,” a ti a.
9Khangkah khan a ti a, Galili ramah a la om mai a.
Jisua Dângdi Kûtah a ṭang
10Khante, a urênghei Kût imang ranga an fe zoiin chu Jisua khom inrûkkan a fe sa tâk a. 11Judahein Kût lâiah khan amah an zong a, “Taktiang im ai om?” itin mi an ridon vêl a.
12Mipuihei khan a chungchâng thu an isîr suai suai a. Ṭhenkan, “Miriam iṭha a nit,” an ti a; a ṭhenin, “Ni mak e, amah kêng mîn buai ngai,” an ti a. 13Khannisela, Juda thuneituhei an ṭi sikin tutên â langin chu a chungchâng thu isîr ngam mak a. #Joh.19:38; 20:19.
14Kût khah artenna dôr an mang tenan chu Jisua Tempilah a fe a, mihei ân risei tâk a. 15Judahei khan, “Hi mi hih riseina boi riakan ingkam hingka dôr dôr ai riat hi,” an ti a, an ringai arkhêl tak tak a.
16Jisuan anni khah a sâm a, “Ki thu inrisei hi keima inriseina ni mak a, Pathian ne tirtu ata suak a nit. 17Tukhom Pathian lungdo sin nuam kan chu ki thu inrisei hih Pathian zianga rithok im ai nit, keima iphuatot im ai nit iti riang an ti. 18Tukhom mahni iphuatot thu sîr chu mahni roinpuina ai zong a nit. Khanniseh, â tirtu roinpuina zongtu chu dikna a nei a, amah-ah diknona rêng rêng omak e. 19Mosian, Dân nangni ai pêk ni mak im a? Nikhomsela, nin lâiah tutên Dân khah zôm mak chei. Ithôm ne that nin itum hi?” a ti a.
20Khante, mipuihei khan an sâm a, “Ramrili iman ni nit hite; tûm nang ithat itum?” an ti a.#Mat.11:18; Mk.3:22; Joh.8:48; 10:20.
21Jisuan anni khah a sâm a, “Sinrikhêl khatkah ki sin a, nin rêngkan nin ringai nin inrikhêl a. 22Mosian nin naiipahei ser itan rangin thu nangni a pêk sikin (Mosia iphut ni mak a, nin chibulhei iphut kêng ai nit,) sabatnî khomin ser nin itan ngai a nit.#Riph.17:10; 21:4; Lev.12:3. 23Mosia Dân ikhiak nona rangin sabatnî khomin ser nin tan ngai inteh, ithôm keiman sabatnin mi ken dam sikin ki chungah nin ilung ai hoi ino? #Joh.5:9. 24Putianga lang dân ringot ienin thu rêl no unla, a nitna dik tak ienin rêl rei,” a ti a.#Isa.11:3; Zak.7:9.
Hi mi hih Mesia a nit im?
25Khante, Jerusalema mi ṭhenkahei khan, “Hi mi hih ithat an itum khah ni mak im a? 26En ta u, vântlâng riatah thu â sîr a, tutên rikôk mak a. Ani hih Mesia chu a nit ngêt iti an iriat tâk manih o? 27Khanniseh, Mesia chu a zuang tikah khan taktianga mîm ai nit tutên an iriat ino rang a nit a. Hi mi hih chu taktianga mîm ai nit ei rêngkan ei iriat a nit,” an ti a.#Joh.6:42; 7:41; 9:29.
28Khasikah khan Jisuan Tempilah ân risei lâiah khan iring takkan â khêk a, “Tûm kî nit neh taktianga mîm kî nit hih nin riat titak im a? Mahni richama zuang ni mang e. Ne tirtu chu mi diktak a nit. Nangmanin chu ani khah reh mak chei. 29Keiman chu ki riat, a zianga zuang rithok neh ama ne itir ki nit sikin,” a ti a.
30Khanchu, iman an tum tâk a; nikhomseh, a zoro a la tlung no sikin tutên tôn mak a.#Joh.7:44; 8:20; 10:39; Mk.12:12. 31Mipui lâia mi itam takkan chu amah an iam tâk a, “Mesia a zuang tikah hi mi hin ai sin nêka tam sinrikhêl sin ual a tîm a?” an ti a.
Jisua man rangin manmihei an tir
32Khante, Farisaihei khan Jisua chungchâng mipuiin an îsîr suai suai khah an riat a; khanchu, thiampu lalhei neh Farisaihei khan Jisua man rangin manmihei an tir tâk a. 33Jisuan an ziangah, “Itôitekah nin lâiah la om ki ta; khanungchu, ne tirtu ziangah fêng ki ti. 34Nangmanin ne zong nin ta, ne mu no tin u, ki omna rangah khan nin fe thei no rang sikin,” a ti a.
35Judahei khah an khâtin an risôn a, “Ei mu thei nona rangah taktiang im ife ai tum hi? Grik khopuiheia Juda rithekindarhei ziangah ife a, Grikhei inrisei ai tum im ai nit rang?#Jak.1:1; 1 Pet.1:1. 36‘Nangmanin ne zong nin ta, ne mu no tin u, ki fena rangah hong thei no tin u,’ ai ti hih îtina mani?” an ti a.
Tui iring dunghei
37Khante, Kût ṭin rang nî, nikhua roinpui takah khan Jisua â ding a, rôl iring takkan â khêk a, “Tukhom a tuirihâl kangân chu ki ziangah hong sela,#7:37 ‘Ne iamin chu in riseh,’ iti thei a nit. in riseh.#Lev.23:36. 38Pathian Thubûn ai ti angkan, tutu ne iam chu a sunga rithokin tui iring dunghei luang suak a ti,” a ti a.#Isa.44:3; 55:1—58:11; Ezek.47:1; Zak.14:8.
39Jisuan kha thu khah ama iamhein Rithla an la dong rang thu â sîrna a nit. Kha zoroah khan Jisua khah roinpuinaa kâiithoi a la nit no sikin Rithla kha ipe a lai nit ino a nit.
Mipui lâia inṭhenna
40Mipui lâia ṭhenkan kha thuhei khah an riatin chu, “Hi mi hih zânthla chu a nit ngêt hite,” an ti a.
41Ṭhenkan, “Mesia chu a nit,” an ti a. Khanniseh, ṭhenka nôkin chu, “Mesia chu Galili rama rithokin hong suak no nih. 42Pathian Thubûn, ‘Mesia chu Rêng Davida richi nîng a ta, Davida omna khua Bethlehemah ai suak rang a nit,’ ai ti ni mak im a?” an ti a.#2 Sam.7:12; Mik.5:2. 43Khanchu, Jisua sikin mipui lâiah inṭhenna a hong om tâk a. 44Mi ṭhenkan ani chu iman an tum a; khannisela, tutên a chungah kut iṭhum mak a.#Joh.7:30; 10:39.
Juda ulianhei iam nona
45Khante, manmihei khah an hong nôk a, thiampu lalhei neh Farisaihei khan an ziangah, “Ithôm nin hong ṭhui no?” itin an lei ridon a.
46Manmihei khan an sâm a, “Hi mi thu sîr angkah hin tutên thu la sîr ngai mak e,” an ti a.
47Khante, Farisaihei khan an ziangah, “Nangni khom ilêmin nin iom sa tâk mani? 48Ulianhei neh Farisaihei lâia mi khatka lua khomin amah an iam tâk iti nin riat im a? 49Hi mipui Mosia Dân ria nohei hih Pathian vânisâm nuaia om an nit,” an ti a.
50Farisaihei lâia mi khatkah, Nikodema, Jisua zianga fe tâk khan mi danghei ziangah, #Joh.3:1,2; 19:39. 51“Ei Dân angkan chu mi tukhom a ṭongbâi suak ei riat man neh a sintho ei mu suak man chu thiamno inchang zel loi rang ni mak im a,” a ti a.
52Anni khan a ziangah, “Nang khom Galili rama rithoka hong im nî nit? Pathian Thubu iṭha takkan tep inla, Galili rama rithokin zânthla suak ngai mak iti riang ni ti,” an ti pêk a.
53Khante, mi tin mahni in chitah an fe tâk a.
Currently Selected:
JOHANA 7: BIATBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
