JOHANA 6

Jisuan mi sângringakah a vâi

(Mat.14:13-21; Mk.6:30-44; Lk.9:10-17)

1Kha rizoiah khan Jisua kha Galili dîl râl tiang a fe tâk a. (Tiberia dîl khom an ti sa ngai.) 2Dam inohei chunga a sinrikhêl sinhei an mu sikin mipui itam takkan an zui a. 3Khante, Jisua khah itlângah a lui a, a kôilômhei neh an iṭhung a. 4Judahei Kalkan Kût khah a nâi tâk a. 5Khante, Jisuan a hei thlîr vêl a, mi itam takkah amah hong ipun kha a mu a, Filipa ziangah, “Hi mihei fâk rangin takâm ibai ei richôk rang?” a ti a. 6Kha ṭong khah Filipa rinakna ranga ai ti a nit, a tho rang chu aman a riat ṭian a.

7Filipan a sâm a, “Mi tinin ichîntek teka an dong rang khomin duli rizanikah man ibai khomin dum no nih,” a ti a.

8A kôilômhei lâia khatkah, Simon Petera inzirpuipa Andria khan, 9“Barli bai ringakah neh inga inika nei naipangte khatkah hin a om a; nikhomsela, hi zâka mihei fâk rangin chu îte chang no nih,” a ti a.

10Khante, Jisuan “Mipuihei hih inṭhung rei,” a ti a. Kha munah khan loisûl itam takkah a om a. Mipuihei khah an iṭhung tâk a, patling ringot khom sângringakah vêl an nit. 11Jisuan ibai khah a lâk a, Pathian ziangah lômthu â sîr a, khantaka ṭhunghei khah a sem pêk tâk a; khangkah ngirin inga khom khah a sem a; an nuam dôr dôrkah an rêngkan an chang pak a.

12An khop khai nungin chu a kôilômhei ziangah, “Ite ripai loi rangin fâk bân khah bûm riai rei,” a ti a. 13Khanchu, an rifuang riai a, barli bai ringaka fâtuhei fâk bân khah khamlu sômleiinikah a la sip a.

14Khante, kha mipuihei khan Jisua sinrikhêl sin khah an mun chu, “Hi mi hih zânthla, rammuala zuang rang khah a nit ngêt hih,” an ti a.#Mat.21:11. 15Khanchu, ani khah zâlrâta mana rênga siam an tum iti Jisuan a riat sikin ama khât bangin itlângah a fe#6:15 Mss ṭhenkatah ‘lâizâm a tho’ iti a nit. nôk tâk a.#Joh.6:3; 18:36.

Jisua tui chungah a lôn

(Mat.14:22-33; Mk.6:45-52)

16Khante, kholoi a hong nitin chu kôilômhei khah dîlah an zu fe a, 17rikuangah an chuang a, dîl râl Kapernaum tiang an pan a. Zân a hong zîng tenan khom Jisua kha an ziang la hong tlung mak a. 18Thlipui a hong râng sikin tui kha a hong rifôn natinsat tak tak a. 19Khante, kôilômhei khan mêl ithum mêl ilikah vêl an hei zâp tenan chu Jisua tui chunga lôna rikuang tianga hong ipun khah an mu a, an ṭi tâk a. 20Jisuan an ziangah, “Keimah kêng kî nit, ṭi no rei,” a ti pêk a. 21Khanungchu, rikuangah khan an inchuang a, rikuang khan an ipan imuang khah an tlung zel tâk a.

Mipuihein Jisua an zong

22Atûkah chu, dîl râl kiangtianga mipui iomhei khan rikuang khatkah bang ti no chu rikuang dang omak iti an mu a, Jisua chu a kôilômhei ziangah rikuangah chuang mak a, a kôilômhei khah an khâta fe an nit iti an riat a. 23Pumapan lômthu â sîr zoia ibai an fâkna mun kôlah khan Tiberi khua rithoka hong rikuang danghei kha an hong tlung a. 24Mipuihein Jisua neh a kôilômhei khah kha munah khan om khâi mak iti an riatin chu anni khom rikuangah an chuang a, Jisua zongin Kapernaumah an fe tâk a.

Jisua, ringna bai

25Khante, mipuihein Jisua kha dîl râl kiangtiangah khan an hong mun chu a ziangah, “Minriseitu, tik zoroah khan im hi tiang râl ni hong itlung?” an ti a. 26Jisuan a sâm a, “Thudik tak nangni ke ril, sinrikhêl nin mu sika nin ne izong ni mak a, ibai nin fâk sik neh nin irsam murdi nin mu sika nin ne izong kêng ai nit. 27Ifâk rimang thei zel rizûlin rivâk rivâk no unla, kumtluang ringna dai rang ifâk rizûlin rivâk lem rei. Kha fâk khah Miriam Naipan nangni pêng a ti, Pa Pathianin ani khah risin ai sia tâk a nit,” a ti a.#Isa.55:2.

28Khanchu, anni khan a ziangah, “Pathian lungdo kin sin theina rangin im kin sin rang?” itin an ridon a.

29Jisuan a sâm a, “Pathianin isin ranga nangni ai nuam chu amahih a nit, a mi tir hih iam rei,” a ti a.

30Anni khan a ziangah, “Kin mua kin iam theina rangin î sinrikhêl im ni sin rang? Im ni sin rang tâk?#Mat.12:28; Mk.8:11. 31Kin chibulhein chu ramchârah Manna khah an fâk a, Pathian Thubûn, ‘Rivâna rithokin ifah rang ibai a pêk,’ ai ti angkah khan,” an ti a.#Fes.16:4,15; Rit.11:8; Neh.9:15; Lap.78:24; 105:40.

32Jisuan an ziangah, “Thudik tak nangni ke ril, Mosian ibai nangni ai pêk khah rivâna rithoka ni mak e; ki Pa khan kêng rivâna rithokin ibai dik nangni ai pêk a nit. 33Pathianin ibai nangni ai pêk chu rivâna rithoka zuang iṭum a, rammual zianga ringna petu hih a nit,” a ti a.

34Anni khan a ziangah, “Epu, kha bai khah ne peh mai roh,” an ti a.

35Jisuan an ziangah, “Keimah hih ringna bai chu ki nit. Tukhom ki zianga hong kangân chu an vonṭâm no nia; tukhom keima ne iam chu an tuirihâl khâi no nih. 36Khanniseh, nangmanin chu nin ne mu khomin ne la iam mak chei iti nangni ke ril. 37Pan a ne ipêkhei murdi chu ki ziangah hong an ta, ki zianga hong kangân chu tute ûmisua tlak no ning e.#Joh.17:2. 38Mahni lungdo sin ranga rivâna rithoka zuang ni mang a, ne tirtu lungdo sin ranga zuang kêng kî nit. 39Ne tirtu lungdo chu amahih a nit; aman a ne ipêk murdi tute inrimang loia nikhua nungkhônah an rêngka kâiithoi rang hi a nit. 40Ki Pa lungdo chu amahih a nit; Naipa mua ama iam murdîn kumtluang ringna nei sela, anni khah nikhua nungkhônah keiman kâiithoi inlang iti hih a nit,” a ti a.

41Khante, “Rivâna rithoka ibai zuang iṭum ki nit,” a ti sikin Judahei kha a chungah an riphun tâk a. 42Khanchu, “Hi mi hih Josefa naipa Jisua khah ni mak im a? A nu neh a pa khom ei riat a. ‘Ingkan im rivâna rithoka zuang iṭum ki nit,’ ai ti thei hi?” an ti a.#Lk.4:22.

43Jisuan an ziangah, “Riphun kikêng khâi no rei. 44Pa, ne tirtûn arkuai non chu tute ki ziangah hong thei no nih; keiman nikhua nungkhônah â honghei kha kâiithoi ki ti. 45Zânthlahein, ‘Pathian înriseiin om khai an ti,’ iti an riziak a. Mi tin, Pa thu riaa, a zianga rithoka riseihei chu ki ziangah an hong ngai.#Isa.54:13; 1 Thes.4:9; 1 Joh.2:27. 46Pa mu tâk an om tina ni mak e; Pa ziang ata zuang bang hih Pa mutu om sun chu a nit. #Joh.1:8. 47Thudik tak nangni ke ril, â iamtu #6:47 Mss ṭhenkatah ‘Ne iamtu, Pathian iiamtu’ iti a nit. khan kumtluang ringna a nei tâk. 48Keimah hi ringna bai chu ki nit. 49Nin chibulhein ramchârah Manna an fâk a; nikhomseh, an ithi ngir a nit. 50Khanniseh, rivâna rithoka ibai zuang iṭum hi chu tukhomin a fâkin chu thi khâi no nih. 51Keimah hi rivâna rithoka ibai iring zuang iṭum chu ki nit. Hi bai hih tukhomin a fâkin chu kumkhuantluangkan ring mai a ti. Ibai ki pêk rang chu ki taksa hi a nit, rammual ringna ranga kî pêk chu,” a ti a.

52Khanungchu, Judahei khah an khâtin an rikhal tâk a. “Ingkan im hi mi hin a taksa ifah rangin a ne pêk thei rang?” an ti a.

53Jisuan an ziangah, “Thudik tak nangni ke ril, Miriam Naipa taksa hih nin fâk noa, a thisen khom nin in non chu nin khâtin ringna nei no tin u. 54Tukhom ki taksa faa, ki thisen iinin chu kumtluang ringna a nei tâk, keiman nikhua nungkhônah ani khah kâiithoi ki ti. 55Ki taksa hih bu diktak a nit a; ki thisen hih iin rua tak a nit. 56Tukhom ki taksa faa, ki thisen iin chu keimaah a om mai a, kei khom amah-ah kî om mai a nit.#Joh.15:4; 1 Joh.3:24. 57Pa, â ring khan a ne tir a, Pa sika khan kei khom kî ring a nit. Khangkah ngirin tukhom ne fa chu keima sikin ring an ti. 58Amahih rivâna rithoka ibai zuang iṭum chu a nit; nin chibulhein an fâk a, an thi ngir nôkna angkah kha ni mak e. Hi bai ifah murdi chu kumkhuantluangkan ring mai an ti,” a ti a.

59Jisuan Kapernaum inkhôm inah ân risei lâia hi thu hih â îsîr a nit.

Kumtluang ringna Thu

60A kôilômhei lâia itam takkan kha thu khah an riat a, “Hi inriseina hih thu khir tak a nit. Tûm a rethiam rang?” an ti a.

61Khanchu, kha thu-ah khan a kôilômhei an riphun iti Jisuan a lungrilin a riat a, an ziangah, “Kha thu khan nin ilung a înhoi ino mani? 62Miriam Naipa hih masaa a omna ngaiah a kîr nôk mu ta unla ingkam nin tho rang? 63Ringna petu chu Pathian Rithla a nit; miriam ritha chu îte â mangna omak e. Nin zianga thu ki îsîr hih Rithla neh ringna a nit.#2 Kor.3:6. 64Nikhomsela, ṭhenkan chu nin iiam ino a nit,” a ti a. Jisuan a tîr ata tuhei im â iam nuam ino rang neh tukhôk im amah ân man rang ai riat ṭian a nit. 65Khante, amah ngirin an ziangah, “Hi sik takah hin a nit, ‘Pan fe theina a pêk non chu tute ki ziangah hong thei no nih,’ kî ti kha,” a ti a.

66Khasikah khan Jisua nung izuituhei lâia itam takkan nungkîr an tho a, amah zui khâi mak a. 67Khanchu, Jisuan kôilôm Sômleiinikahei ziangah khan, “Nangni khom iro nin nuam im?” itin ardon a.

68Simon Peteran a sâm a, “Pumapa, tu ziangâm kin rot ranga? Kumtluang ringna thu nangman nî nei a nit.#Mat.16:16; Mk.8:29; Lk.9:20. 69Pathian Mi Rithiang #6:69 Mss ṭhenkatah ‘Krista’ iti a kop. kha ni nit iti atûn chu kin iam a, ireh khom kin iriat tâk a nit,” a ti a.

70Jisuan anni khah a sâm a, “Nangmani Sômleiinikahei hih keima nangni irthlang ni mak chei im a? Khan khoma nin lâia mi khatkah chu diabola a nit,” a ti a.#Joh.15:16,19. 71Ani khan Simon Iskariota naipa Juda thurchi a îsîr a nit. Juda khah Kôilôm Sômleiinikahei lâia mi ni khom seh amah ân mantu rang a nit a.

Currently Selected:

JOHANA 6: BIATBSI

Highlight

Copy