1 Kauleethaus 10

Tej Lus Ceebtoom Txog Kev Pe Mlom

1Cov kwvtij, kuv xav kom nej ncontsoov tias peb cov yawgkoob puavleej nyob hauvqab tauv huab, thiab lawv puavleej hla dhau Hiavtxwv Liab mus huv tibsi lawm. #Khiav 13:21-22; Khiav 14:22-29 2Lawv txhua tus puavleej ua kevcai rausdej nyob rau hauv tauv huab thiab hauv hiavtxwv nrog rau Mauxes. 3Lawv txhua tus puavleej tau noj tib cov mov ntawm sab ntsujplig, #Khiav 16:35 4thiab tau haus tib cov dej ntawm sab ntsujplig. Lawv tau haus cov dej uas tawm hauv lub pobzeb sab ntsujplig uas nrognraim lawv nyob los, lub pobzeb ntawd yog Khetos. #Khiav 17:6; Teev 20:11 5Txawm yogli ntawd los Vajtswv tsis txaussiab rau lawv feem coob, lawv thiaj tuag pawglug tom tiaj suabpuam. #Teev 14:29-30

6Zaumno, tej xwmtxheej ntawd yog ua yamntxwv qhia rau peb kom peb tsis txhob muaj lub siab ntshaw yam phem ib yam li lawv tau ntshaw los lawm. #Teev 11:4 7Tsis txhob pe mlom ib yam li lawv tau pe los lawm. Vajtswv Txojlus tau hais tias, “Cov neeg ntawd zaum noj zaum haus, thiab lawv sawv los dhia seevcev.” #Khiav 32:6 8Peb yuavtsum tsis txhob ua kev nkauj kev nraug ib yam li lawv ibtxhia ntawd tau ua, tibhnub xwb lawv tau tuag 23,000 leej. #Teev 25:1-18 9Peb yuavtsum tsis txhob sim tus Tswv#10:9: tus Tswv; tej phau ntawv qub uas xuas tes sau, muaj Khetos. siab ib yam li lawv qeeleej tau sim los lawm, nab thiaj tom lawv tuag pawglug. #Teev 21:5-6 10Peb tsis txhob yws-yws ib yam li lawv qeeleej tau yws los lawm, tus Timtswv uas kav txoj kev tuag thiaj ua rau lawv puastsuaj tag huvsi. #Teev 16:41-49

11Tej xwm uas lawv raug ntawd twb yog ua yamntxwv qhia rau lwmtus, thiab tau muab sau cia ua kev ceebtoom qhia rau peb, rauqhov peb nyob rau tiam uas lub sijhawm kawg twb los yuav txog.

12Yogli ntawd, tus uas xav tias nws twb sawv khovkho lawm, tus ntawd yuavtsum ceevfaj zoo nws thiaj tsis ntog. 13Txhua yam kev simsiab uas nej raug, puavleej yog tej uas sawvdaws ibtxwm raug. Vajtswv yog tus ncajncees, Nws yuav tsis cia nej raug kev simsiab dhau qhov uas nej nyiaj taus; tiamsis thaum nej raug kev simsiab, Vajtswv yuav pub lub zog rau nej kom nej tiv taus thiab yuav tho ib txoj kev rau nej kom nej tawm tau.

14Yogli ntawd, cov phoojywg uas kuv hlub, nej yuavtsum khiav tawm ntawm txoj kev uas pe mlom. 15Kuv hais rau nej ib yam li hais rau cov neeg uas paubtab; nej ciali khaws kuv tej lus coj mus ua tibzoo xav. 16Lub khob uas peb siv thaum peb noj tus Tswv Rooj Mov uas peb ua Vajtswv tsaug: thaum peb txais lub khob los haus, yog peb koom nrog Khetos cov ntshav. Thaum peb ntais lub ncuav los noj, yog peb koom nrog Khetos lub cev. #Math 26:26-28; Malak 14:22-24; Lukas 22:19-20 17Rauqhov tsuas muaj tiblub ncuav xwb, txawm yog peb muaj coob leej los sawvdaws yog ib lub cev, rauqhov peb koom noj tiblub ncuav xwb.

18Ua tibzoo saib cov neeg Yixalayees; cov uas noj tej khoom fij ntawm lub thaj yeej muaj feem ua haujlwm rau ntawm lub thaj puas yog? #Levi 7:6 19Puas yog kuv suav hais tias tej mlom lossis tej zaub-mov uas muab fij rau tej mlom ntawd tseemceeb heev? 20Tsis yog li ntawd! Kuv hais tias tej uas cov neeg tsis paub Vajtswv nqa tuaj fij rau saum lub thaj yog lawv fij rau dab xwb, tsis yog fij rau Vajtswv. Kuv yeej tsis xav kom nej muaj feem koom nrog dab kiag li. #2Kev 32:17 21Nej yuav haus tus Tswv lub khob thiab haus dab lub khob yeej tsis tau hlo li. Nej yuav noj tus Tswv rooj mov thiab noj dab rooj mov yeej tsis tau hlo li. 22Puas yog peb xav ua kom tus Tswv khib? Peb xav tias peb tseem muaj hwjchim dua Nws no lov? #2Kev 32:21

23Sawvdaws pheej hais tias, “Peb yeej muaj cai ua tau txhua yam,” tiamsis tsis yog txhua yam ntawd yuav muajnqis huv tibsi. “Peb yeej muaj cai ua tau txhua yam,” tiamsis tsis yog txhua yam ntawd yuav pab tau peb huv tibsi. #1Klt 6:12 24Nej tsis txhob xam pom yam uas zoo rau yus xwb, tiamsis yuavtsum xam pom yam uas zoo rau lwmtus thiab.

25Txhua yam nqaij uas luag muag hauv tej kiab tej khw nej noj tau huv tibsi, tsis tag yuav nug, es ua rau nej nyuajsiab, 26rauqhov Vajtswv Txojlus hais tias, “Lub ntiajteb thiab ibpuas tsavyam uas nyob hauv lub ntiajteb puavleej yog tus Tswv li.” #Nnkauj 24:1

27Yog ib tug uas tsis tau ntseeg hu nej mus noj mov thiab nej yeej txiavtxim siab mus, nej ciali noj tej uas luag rau rau nej noj, tsis tag uas yuav nug, es ua rau nej nyuajsiab. 28Tiamsis yog muaj neeg qhia rau nej hais tias, “Tej zaub-mov ntawd twb muab fij rau tej mlom lawm,” ces nej tsis txhob noj, vim saib rau tus uas qhia rau nej kom tsis txhob nyuajsiab. 29Kuv hais li ntawd tsis yog hais txog nej qhov kev nyuajsiab, tiamsis yog hais txog tus uas qhia rau nej ntawd qhov kev nyuajsiab.

Qeeleej nug hais tias, “Vim licas kuv txoj kev ywjpheej ho raug tavkev los ntawm lwmtus txoj kev nyuajsiab? 30Yog kuv twb ua Vajtswv tsaug rau kuv tej zaub-mov tag lawm, leejtwg tseem yuav muaj cuabkav hais tsis zoo txog tej zaub-mov uas kuv twb ua Vajtswv tsaug ntawd lawm thiab?”

31Yogli ntawd, txawm nej yuav noj yuav haus lossis yuav ua ib yam dabtsi, nej yuavtsum ua txhua yam kom Vajtswv tau ntsejmuag. 32Tsis txhob ua ib yam dabtsi uas yuav ua rau cov neeg Yudais lossis Lwm Haivneeg lossis Vajtswv pawg ntseeg xav yuamkev. 33Nej yuavtsum ua li kuv ua; kuv yeej ua txhua yam npaum li yuav ua tau kom haum sawvdaws siab, tsis yog kuv xav ua kom zoo rau kuv xwb, tiamsis ua kom zoo rau sawvdaws huv tibsi, kom lawv thiaj yuav dim tau.

Currently Selected:

1 Kauleethaus 10: MWW2022

Highlight

Copy