Piiligu 21

Yisaaka dogim yela

1Duuma nafa Saara, a maa seema o ti noori la, 2o mari puwa, a dogi biduu ti Ibrahim jemanso o n kurigi. Ba daa n dogini bii maa jemanso Naawun n daa zaali maa ba n di n dogi u. 3Ibrahim digili o yuuri Yisaaka. 4O dabaanii daari Ibrahim ŋma o yoori, a maa seema Naawunni n zaali u la. 5Ba n daa dogi Yisaaka maa, ka Ibrahim daa n niŋini yuma koowa. 6Saara yeli, “Naawunni mari sufupeelim ni laari ti ti ma, niso zaa ni wumi n ŋa ni paa ma la.” 7Niŋi n na, o lee n maali n yeli, “Ŋani n di n tee n yeli Ibrahim maa Saara ni dogi biisi? Ama a zaa jaga, m dogi biduu ti u, a yi o nivukuritiri jemani.”

8Niŋi n na, bii maa n karigi, dindaso ba n ŋma u bisiri, Ibrahim daa n ti ba di sufupeelim bindirigbaliŋu.

Ba kari Heega ni Isimeel

9Ama, Saara nyeya maa, biduso Heega, Yijipiti poga la n dogi n ti Ibrahim la n deemina. 10Saara nye ba, ka yeli Ibrahim, “Ti guruŋpogaa ni o biyaa ba wara. Pogaa biyaa bi daga o barigi e bini, kapete seesi m bii Yisaaka ni ya n ti di.” 11N ŋa yelaa niŋi Ibrahim sufusaaŋu ga, a kpali Isimeel gba niŋini o biya. 12Ama Naawunni yeli Ibrahim, “Da ti bii maa ni e guruŋpoga Heega yela tiri i. Niŋi bunso zaa Saara ni yeli i la, a kpali Yisaaka niŋi n na, e ni dolli n nye e yaŋseesi ni digili i noori la. 13M ni ti e guruŋpoga bii maa gba bidamta, ba gba ba niŋi baligu. O gba niŋini e biya.”

14A chee bee boguuniŋi, Ibrahim naa bindira, a ni koom loŋkoŋŋu, a nyegi Heega, ka yeli o ni bii maa, ba wara. O yi n wa ti ba Beesiiba tiirigu puu chaŋina. 15Koom maa n ti baasi, o naa bii maa digili tii maasim, 16ka larimi u wa ti zi, ka yeli, “M ki tee n nyaasira m biya, ka o kpiira.” Ka zi niŋi kumina.

17Naawunni wumi bii maa ni chaatira. Malaaka togsi n ti Heega a yi saazu, “Heega, bo n niŋi i sufusaaŋu? Da zora dabeem, Naawunni wumi bii maa kumsi. 18Nyisigi saa wa ti naa bii maa, ka yeli u o sabi. Ni dolli o niŋi ti u balitintaa.” 19Niŋi n na, Naawunni ti o nufu yoo, o nye bulugu. O naa loŋkoŋŋu la ŋoo koom paali u, a naa n ŋuusi bii maa. 20Naawunni daa bani bii maa saani, halli o ti karigi, a yi Paran tiirigu puwa, a baŋŋi toosim yela ga. 21O ma naa Yijipiti poga ti u.

Ibrahim ni Abimeliki sunsuuniŋi naŋgbandigiligu

22A jemani maa, Abimeliki ni Fikoli n niŋi o soojasi kpeema we Ibrahim saani wa ti yeli u, “Bunso zaa e n niŋina, Naawunni ba ni e saani. 23A zu, pe Naawunni maa, e ki yomsi m ni m biisi ni m yaŋsi zaa. Jemandamta zaa, m paasira e niŋi, a zu, pe n ti ma maa, e ni paasi m ni m paaligu so niŋi e n niŋi saanaa.”

24Ibrahim yeli u, “M digili i noori lala.”

25Niŋi n na, Ibrahim yeli Abimeliki seema o gurunsi n fa o bulugu,

26Abimeliki yeli u, “M bi baŋŋi o yela, e bi yeli ma, m na si n wumina u ni n na la.”

27Niŋi n na, Ibrahim naa peeri ni naagi ti Abimeliki, ba bayi maa zaa niŋi naŋgbanluŋko. 28Ibrahim barigi pesaasi ayapoin yi o peeri niŋi.

29Abimeliki boosi u, “Bo n na e niŋi lala?”

30Ibrahim yeli u, “Dee pesaasi ayapoin ŋa. Ka e niŋi lala, e sagini maa mani n gbi bulugu a.” 31Lala zu, nisaaniŋi yuuri n niŋi Beesiiba#21.31 Beesiiba gbinni n niŋi naŋgbandigiligu bulugu., a kpali, niŋi n na ba bayi maa zaa digili naŋgbana.

32Ba n sagi n ti taaba yi Beesiiba maa, Abimeliki ni Fikoli pori n gaari Filisiti dima paaligu.

33Niŋi n na, Ibrahim buri tiya, a yi Beesiiba, ka puusi Duuma, Naawunni so n ba niŋi wara saŋa ni saŋa zaa la. 34Jemanwogili n na Ibrahim daa zi Filisiti dima paaligu.

Currently Selected:

Piiligu 21: hag

Highlight

Copy