مَتّا 8

گرّیێئے دْرهبکشی#8‏:0 دْرهبکشی، بزان دْراهی و سلامتیئے بَکشگ، اربی و پارسیا ”شفا“.

(مَرکاس 1‏:40‏–44؛ لوکا 5‏:12‏–14)

1وهدے ایسّا چه کۆها اێر کپت، مردمانی مزنێن مُچّیے آییئے رندا گۆن کپت. 2یکّ مردے که آییا سْیَه‌گَرّئے#8‏:2 اَسلیگێن یونانی زبانئے لبز، په سْیَه‌گَرّ و بَگ، بزان جُزام و په دگه تَهر تَهرێن گَرّان هم کار بندگَ بیت. نادْراهیا گپتگ‌اَت ایسّائے کِرّا آتک، آییئے پادان کپت و گوَشتی: ”او واجه! اگن تئو بلۆٹئے، منا وشّ و پَلگار کرتَ کنئے.“ 3ایسّایا دست شهارت، دستی پِر مُشت و گوَشتی: ”منَ لۆٹان، وشّ و پَلگار بئے.“ هما دمانا مرد چه سْیَه‌گَرّا پَلگار بوت. 4گڑا ایسّایا گۆن آییا گوَشت: ”هُژّار بئے! هچکَسا چه اے هبر و هالا سهیگ مکن، بله برئو، وتا دینی پێشوایا پێش بدار و هما کُربانیگا بکن که موسّائے شَریَتا نبیسگ بوتگ، تانکه په آیان گواه و شاهدیے ببیت.“

پئوجی اَپسرئے باور

(لوکا 7‏:1‏–10)

5وهدے ایسّا کَپَرناهومئے شهرا رَست، یکّ رومی پئوجی اَپسرے آییئے کِرّا آتک، مِنّتگیری کرت و گوَشتی: 6”او واجه! منی هِزمتکارێن بچکّ لۆگا لَنگ و مُنڈ اِنت و کپتگ، سکّێن درد و دۆران دُچار اِنت.“ 7ایسّایا گوَشت: ”گڑا منَ کایان، آییا دْراهَ کنان.“ 8پئوجی اَپسرا پَسّئو دات: ”او واجه! منَ نکرزان که تئو منی لۆگا بیائے، تئو تهنا هُکم بکن، منی هِزمتکار دْراهَ بیت. 9چێا که من هم وتی مسترانی هُکمئے چێرا آن و منی دستئے چێرا هم سپاهیگ هست. اگن کَسێا هُکم بکنان: ’برئو،‘ آ رئوت و اگن کَسێا بگوَشان: ’بیا،‘ آ کئیت. اگن وتی هِزمتکارا بگوَشان: ’اے کارا بکن،‘ آ کنت.“ 10وهدے ایسّایا اے هبر اِشکت، هئیران بوت و گۆن وتی همراهان گوَشتی: ”شمارا راستێنَ گوَشان که اِسراییلیانی نیاما هم من چُشێن مُهرێن سِتک و باور ندیستگ. 11بزانێت که چه رۆدراتک و رۆنِندا#8‏:11 رۆنند، بزان هما نێمگ که رۆچَ نندیت، مَگرِب. بازێن مردمَ کاینت و گۆن اِبراهێم، اِساک و آکوبا آسمانی بادشاهیئے مهمانیا یکّێن پَرزۆنَگئے#8‏:11 پَرزۆنَگ، بزان سُپره. چپّ و چاگردا نندنت، 12بله اے بادشاهیئے چُکّ و اۆبادگ#8‏:12 اے بادشاهیئے چُکّ و اۆبادگ، بزان اِسراییلیانی چُکّ و چُکّزاتک. ڈنّا تهاریا دئور دئیگَ بنت. اۆدا گرێونت و دنتان په دنتانَ درُشنت.“ 13گڑا ایسّایا گۆن پئوجی اپسرا گوَشت: ”برئو، اَنچُش که تئیی باور اِنت، گۆن تئو هما ڈئولا بیت.“ آییئے هِزمتکارێن بچکّ هما دمانا دْراه بوت.

نادْراهانی دْرهبکشی

(مَرکاس 1‏:29‏–34؛ لوکا 4‏:38‏–41)

14وهدے ایسّا پِتْرُسئے لۆگا شت، دیستی پِتْرُسئے وَسّیگ تپیگ اِنت و نِپادئے سرا وپتگ. 15ایسّایا وتی دست آییئے دستئے سرا پِر مُشت، تَپی سِست، آ پاد آتک و ایسّائے هِزمت کنگا لگّت.

16بێگاها مردمان بازێن جِنّی گنۆک ایسّائے کِرّا آورت، آییا گۆن وتی یکّێن هبرا جِنّ چه آیان کَشّتنت و سجّهێن نادْراه وشّ و دْراه کرتنت. 17اے ڈئولا اِشئیا نبیئے پێشگۆیی پوره و سَرجم بوت: آییا مئے نِزۆری دور کرتنت و نادْراهی برتنت.#8‏:17 اِشئیا نبیئے کتاب 53‏:4.

کئے ایسّائے مرید بوتَ کنت؟

(لوکا 9‏:57‏–60)

18وهدے ایسّایا وتی چپّ و چاگردا مردمانی مُچّی دیست، پرمان دات و گوَشتی: ”بیاێت، گوَرمئے دومی نێمگا رئوێن.“ 19شَریَتئے زانۆگرے آییئے کِرّا آتک و گوَشتی: ”او استاد! هر جاه که تئو رئوئے من تئیی همراهَ بان.“ 20ایسّایا گوَشت: ”رۆباهان هۆنڈ و جاگه هست و بالی مُرگان کدۆه و کُدام، بله منا که انسانئے چُکّ#8‏:20 دانیال نبیا اے پِرنام په یکّ هَستیێا کار بستگ که آ چه آسمانا کئیت. ایسّا مَسیها اے پِرنام په وت زرتگ تان مردم بزاننت که آ چه آسمانا آتکگ و هما واده داتگێن مَسیه اِنت. آن په سرئے اێر کنگا هچّ جاگه نێست.“ 21دگه یکّ مریدێا گۆن آییا گوَشت: ”او واجه! منا مۆکل بدئے پێسرا رئوان وتی پتا کبرَ کنان.“ 22ایسّایا گوَشت: ”بیا، منی رَندگیریا بکن، بِلّ که مُردگ وتی مُردگان وت کَبر و کَپنَ کننت.“

توپّانئے اێرمۆش کنگ

(مَرکاس 4‏:36‏–41؛ لوکا 8‏:22‏–25)

23ایسّا بۆجیگا سوار بوت، مرید هم سوار بوتنت. 24یکّ اَناگت#8‏:24 اَناگت، بزان یکّ اَناگت، اَچانَک، ناگهان. تْرندێن توپّانے بوت و چئول و مئوجان بۆجیگ مان رُپت، بله ایسّا واب اَت. 25مرید آییئے کِرّا آتکنت، آگَهِش کرت و گوَشتِش: ”او هُداوند! مارا برَکّێن، که اێر بُکّگی#8‏:25 بُکّگ، بزان آپا اێر رئوگ، بُڈّگ، گَرک بئیگ. و مِرَگی اێن.“ 26گۆن آیان گوَشتی: ”او کَمباوران! شمارا چێا تُرسیت؟“ رَندا پاد آتک، گوات و گوَرمی هَکّل داتنت و توپّان پَهک اێرمۆش بوت. 27آ سجّهێن بَه منتنت و گوَشگا لگّتنت: ”اے چۆنێن مردمے که گوات و چئول هم اِشیئے هُکما مَنّنت.“

دو جِنّی گنۆکئے دْرهبکشی

(مَرکاس 5‏:1‏–17؛ لوکا 8‏:26‏–37)

28وهدے ایسّا مَزَن‌گوَرمئے دومی پهناتا، گَداریانی#8‏:28 لهتێن دَزنبشتا آتکگ: ”گِراسیانی“ یا ”گِرگِسیانی“. سرڈگارا رَست، گڑا دو مردم که چه کبرستانا در آتکگ‌اَت، گۆن آییا دُچار کپتنت.#8‏:28 دُچار کپگ، بزان ڈیکّ ورگ، یکدگرا گِندگ. آیان جِنّ پِر اَت و همینچُک وَکشی و تُرسناک اَتنت که کَسّێا چه آ راها گوَستَ نکرت. 29آیان کوکّار کرت و گوَشت: ”او هُدائے چُکّ! ترا گۆن ما چِه کار اِنت؟ چه گیشّێنتگێن وهدا#8‏:29 اِدا گیشێنتگێن وهدئے مانا آهِرتئے رۆچ اِنت. پێسر، په مئے اَزاب دئیگا آتکگئے؟“

30چه آیان کمّے گِستا#8‏:30 گِستا، بزان دور، یکّ کِرّ، جتا. و آ کَشتر، هوکّانی رمگے چَرگا اَت. 31گڑا پلیتێن روهان چه ایسّایا دَزبندی کرت و گوَشت: ”اگن تئو مارا چه اے مردمان درَ کنئے، گڑا راه دئے که هوکّانی جسما پُترێن.“ 32ایسّایا گۆن آیان گوَشت: ”بپُترێت!“ نون آ در آتک و هوکّانی جسما پُترتنت و هوکّانی سجّهێن رمگ چه جُمپا جَهلگا اێر کپانا گوَرما بُکِّت و مُرتنت. 33گڑا هوکّانی شوانگ شهرا تتکنت و اے سجّهێن هال و جِنّی گنۆکانی سرگوَستِش په مردمان رسێنت. 34گڑا شهرئے سجّهێن مردم ایسّائے چارگا آتکنت و گۆن آییا دَزبندی‌اِش کرت که آیانی سرڈگارا یله بدنت و برئوت.

Currently Selected:

مَتّا 8: HPKB

Highlight

Copy