Malako 13
13
Yesu Ekutenda na Beigisibua Bage ga Muiduko wa Oleue.
Mat. 24:1, 2; Lk. 21:5, 6.
1Nu gatukile mu numba za kukumbamina, umozi wa beigisibua bage amutendile bune, Musozi, lola, makozi nu kubaka kukuno! 2Nu Yesu amutendile bune, Ndi mukumona ku kobaka kukuno buno, kuli kunene? tagakasigala ikozi gantata geikozi, litakabungulua.
Yesu Ekutenda na Beigisibua Bage ga Muiduko wa Oleve.
Mat. 24:3-14; Lk. 21:8-19.
3Nu geikalile ga muiduko wa Oleve, buigi na numba za kukumbamina, Petelo, nu Yakobo, nu Yoana, nu Andele bamubuzizie ku lumbisombiso bune, 4Tubule buni bukaba bitondo bibino? Nu ku kalolesio kakizi kabakamenyinine buno bitondo bibino bise biazindilila? 5Nu Yesu alingile kubatenda bune, Idangazi, buno muntu ntamuengelele. 6Kubuno beingi bakavua muizina liane, nu bakatenda bune, Nnowe; nu bakengelela beingi. 7Nu gamukongua ku bita nu misagu za bita, tamuzangezange: bitondo bibino biatunganana kuvua; tondo kuzinda takuika. 8Kubuno kilongo kikaluana na kingo kilongo, nu bukota bukaluana na bukota; nu kukaba tulingini ku kisi ku lulenge na lulenge; nu kukaba munganda: bubo ukulinga kua lubabazio.
9Tondo idangazi; kubuno bakamubasia ku nusu za milondo, nu ku numba za musanganano mukalibulua; nu mukabasibua ku bangati nu ku bakota ku kabamba kane, bukaba bulongeki ku beli. 10Kubuno musagu musoga watunganana tanga kulinga kusambalua ku babilongo bansania. 11Nu gabakamusondelezia ku lusungio, nu kumugabula, tamulemanine bumuatende; tondo kinsania kimuakasague nkungu zezo ukimukatenda; kubuno teinyue nti ubakutenda, tondo Muuza Wasililila. 12Nu mubuto wa muntu akagabula mubuto wage buno akue, nu isi wa muana akagabula muana wage buno akue; nu bana bakabinga bababuta, nu bakabagabula buno bakue. 13Nu mukasombua na bantu bansania ku kabamba keizina liane; tondo wozo weidindika aba nu kuzinda, nti akonibua.
Gabezaga Yesu ku Muiduko wa Oleve, Abuide Beigisibua Bage Kabebe Kanene Kako Katendagua na Mulengania Danyele.
Mat. 24:15-26.
14Tondo gamukamona ku lusombo lua kubiga Iuemane mu kiziki kilutakulungana (wozo ukusomaga bubuno amenyininebo), babo beli mu Yudaya batine ku miduko: 15nu wozo uli gantata numba ntagele kutikia bili mu numba zage; 16nu wozo ukasangua kuisoa ntasubanie kutola nsulu zage. 17Tondo kabebe kanene ku beimisu nu bakumomia mu busi bubo! 18Nu musege buno bitondo bibino tabibase mu nkungu za mpego. 19Kubuno mu bindi bibio kukaba lubabazio Iunene: lutebezaga lingo kutukila ku kulinga kua kisi kiabumbilue na Kalaga, nu talukaba lingo. 20Nu songo Mukota ntakegezie bindi bibio, takunonine muntu wampa: tondo ku kabamba ka basombolua, basombueidue, ukiansile bindi bibio biakegibuako. 21Ndi muntu amubula buno, Lolazi! Klisto eli gano; aba Lolazi, kuko; tamumukatizie: 22kubuno kukavua boza beingi bakeimana Klisto nu balengania beingi ba buza, bakakita migeleko minene nu maganogano nu buno bageleka kuengelela basombolua tondo tabukakulungana. 23Tondo inyue idangazi: kubuno nasila kumutonda.
Yesu Ekubula Beigisibua Bage ku Muiduko wa Oleoe. Kusubia Kuage Kua Mabili.
Mat. 24:29-34.
24Tondo kusila kua bindi bibio bia lubabazio, kisongo kia busi kikaba kapilo nu muezi tagukasana lingo, 25nu nkeninkeni za muigulu zikakoloka, nu magala ma muigulu makatengatenga. 26Nu ububo Muana wa muntu bakamumonako mu bimpa bigulu na magala nu lutanuno luage lunene. 27Nu akasinga migenzi kukundamania basombolua bage ku ndenge inazi, kutukila kuzinda kua kisi aba nu ku kuzinda kuigulu.
Yesu Ekubula Beigisibua Bage Musumo wa Figi ku Muiduko wa Oleve.
Mat. 24:32, 33; Lk. 21:29-31.
28Nu muiyigisie musumo wa muti wa figi: gakutitulaga ntabi, nu nti zise zalinga kuasa ingo nsamba, nti muamenya buno nkungu za nzogo zise buigi; 29bubo nuinyue gamukamona ku bubuno, mumenye buno wozo eseli buigi nu nti eseimine ku nibi. 30Lebelebe, nkumubula buno, kibuti kikino takikatinga aba nu kusila bubo bunsania. 31Igulu nu kisi bikatinga: tondo malagi mane tamakatinga nunse. 32Tondo ku busi bubo aba nkungu zezo takuli muntu umozi wizi, aba migenzi muigulu, aba Muana tondo ndi nteli gamozi neIsi. 33Idangazi, kesiazi ntende nu segazi: kubuno tamuizi gakabela nkungu zezo. 34Buli anga muntu, wendile ku kingo kisi, asigile numba zage, nu akasile bakobe bage buangato buno, muntu na muntu akite mulimo wage, nu akakizizie mulangi wa luibi buno akesie ntende. 35Kesiazi ntende: kubuno tamuizi busi buavue mukota wa numba, ndi muigolo, aba ndi mu kindi, aba ndi ku mukelo, aba mu nindunindu; 36anavua kumubasila kitangala besi nu kusanga muiyombeka. 37Nu bubuno ubunkumubula, nkubula bansania buno Kesiazi ntende.
Currently Selected:
Malako 13: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
