Popular Bible Verses from Malako 13

Share

Nu mukasombua na bantu bansania ku kabamba keizina liane; tondo wozo weidindika aba nu kuzinda, nti akonibua.

Idangazi, kesiazi ntende nu segazi: kubuno tamuizi gakabela nkungu zezo.

Nu gabakamusondelezia ku lusungio, nu kumugabula, tamulemanine bumuatende; tondo kinsania kimuakasague nkungu zezo ukimukatenda; kubuno teinyue nti ubakutenda, tondo Muuza Wasililila.

Igulu nu kisi bikatinga: tondo malagi mane tamaka­tinga nunse.

Tondo ku busi bubo aba nkungu zezo takuli muntu umozi wizi, aba migenzi muigulu, aba Muana tondo ndi nteli gamozi neIsi.

Nu gamukongua ku bita nu misagu za bita, tamuzangezange: bitondo bibino biatunga­nana kuvua; tondo kuzinda takuika.

Kesiazi ntende: kubuno tamuizi busi buavue mukota wa numba, ndi muigolo, aba ndi mu kindi, aba ndi ku mukelo, aba mu nindunindu; anavua kumubasila kita­ngala besi nu kusanga muiyombeka. Nu bubuno ubunkumu­bula, nkubula bansania buno Kesiazi ntende.

Kubuno kilongo kikaluana na kingo kilongo, nu bukota bukaluana na bukota; nu kukaba tulingini ku kisi ku lulenge na lulenge; nu kukaba munganda: bubo ukulinga kua lubabazio.

Kubuno musagu musoga watunganana tanga kulinga kusambalua ku babilongo bansania.

Kubuno beingi bakavua muizina liane, nu baka­tenda bune, Nnowe; nu bakengelela beingi.

Tondo idangazi; kubuno bakamubasia ku nusu za milondo, nu ku numba za musanganano mukalibulua; nu mukabasibua ku bangati nu ku bakota ku kabamba kane, bukaba bulongeki ku beli.

kubuno kukavua boza beingi bakeimana Klisto nu balengania beingi ba buza, bakakita migeleko minene nu maganogano nu buno bageleka kuengelela basombolua tondo tabukakulungana.

Tondo kusila kua bindi bibio bia lubabazio, kisongo kia busi kikaba kapilo nu muezi tagukasana lingo, nu nkeninkeni za muigulu zikakoloka, nu magala ma muigulu makatengatenga.