Bagalatia 6
6
Bantu ba Kalaga Beigisanie.
1Mibuto zane, ndi muntu amona munyage akita musako na musako wa buagi, inyue bagomia na Muuza, musubiazi muntu wono mu mutima wabota; ku kuidanga uwenyene, buno unavua kulindikua nugue. 2Mukuilane kiombo, nu bubo muasililizie mulembe wa Klisto. 3Kubuno ndi muntu ekuikutia, nu ntekukutibua, nti ekuidundula. 4Tondo na muntu na muntu akengele tanga buli mulimo wage wenyene; ugago akaba na kitondo kia kuikaka we wenyene, nu ta ku wa munyage. 5Kubuno na muntu na muntu akeikuila kiombo.
6Tondo we ukuigisibua mu Idagi akase wozo ukumuigisia ku bieli nabio. 7Tamuengelelue; Kalaga ntelilikue; kubuno kikuyika muntu, ukikio kiakatubula. 8Kubuno we ukuyika ku bumba bua buagi ku bumba bua buagi akatubula lukuo; tondo ukuyika ku Muuza, ku Muuza akatubula kalamo katanakuzinda. 9Nu tatukutue ku kukita busoga; kubuno ku nkungu zasuagia nti tukatubula, ndi tatuatamba. 10Umpanga ndi buakulungana, kasi tukitile bantu bansania busoga, kulinga tanga ku babo beli mu kikanga kia bukatizio.
Paolo Ekubasambalila Kitondo kia Muti wa Magu wa Klisto,
11Lolazi masanzo manene manamusanzide nnenyene. 12Bansania bekuikengela buno beli basoga, ubabo bekumukakizia buno mumonesibue; tabasungibue ku kabamba ka muti wa magu wa Klisto. 13Nu babo bamonesibua tabakukokomezia mulembe; tondo bekutunda buno mumonesibue, ku bubo bekutunda bune, mube na lukita luabo. 14Tondo nne, nsiganune nunse umpanga ku muti wa magu wa Mukota weitu Yesu Klisto, buno kisi kiatakilue kuane, nunne ku kisi. 15Kubuno kumonesibua takena, aba kutamonesibua, tondo kuba kibumbua kito. 16Nu bansania bekuyanga mulembe wono, bubobelelo kubeli, nu kiombo, nu ku balsalele ba Kalaga.
17Kutukila kano kaluma muntu ntansune; kubuno nili na mikolu za bukobe bua Yesu.
18Mibuto zane, mponga za Mukota weitu Yesu Klisto zibe mu tulamo tueinyu. Amena.
Currently Selected:
Bagalatia 6: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
