Bagalatia 5
5
Paolo Ekubalolesia Bubekala mu Klisto.
1Umpanga mu bukandulua bubuno Klisto atukanduide: lindazi, tamuingile lingo mu kikando kia bukobe.
2Unguililazi, nne Paolo nkumubula buno, ndi mukumonesibua, Klisto ntamutalikile kena. 3Kubuno nkumusambalila lingo ku muntu na muntu ukumonesibua, nti buamutananina anze mulembe unsania. 4Muanzukanibua na Klisto, inyue bansania bekutundaga kubingibua ku mulembe; muagalukile nu mukusiga mponga. 5Kubuno isue mu Muuza ku bukatizio tukulindila kilemanizio kia kuisanana. 6Kubuno mu Yesu Klisto kumonesibua takuli kena, aba kutamonesibua; tondo bukatizio buli na magala mu lutundo. 7Muendaga kantangoa busoga; nazi wamubigene, tamuanze bulili? 8Kulubikania kukuno takuatukile ku we wamumanine. 9Mugago mukeke ukugagia biasola binsania. 10Nili na kilemanizio kumuli mu Mukota, buno tamube na mutima wa lungo lukita; tondo we ukumusuna asungibue wenyene, aba ndi eli nazi. 11Tondo nne, mibuto zane, ndi nikinasambalaga musagu wa kumonesibua, kubuno nikinababazibua P ugago ikitano lia muti wa magu Iiatikizibue, 12Ninatunda babano bamubikilaga mitima ibili beiketule ku mibili zabo.
13Kubuno inyue, mibuto zane, muamaninue buno mukandulue: tabube ku kitondo kia kuyanga lutundo lua bumba bua buagi, tondo ku lutundo mukitilane. 14Kubuno mulembe unsania wazindilila mu kitondo kimozi, nukio ukikino: utunde munyobe anga buwitunda uwenyene.#Lewitiki 19:18. 15Tondo ndi mukutoana nu kuliana muidange, buno munavua kuzikania.
16Tondo nkutenda bune, Endazi mu Muuza, nu tamukazindilizia lutundo lua bumba bua buagi. 17Kubuno bumba bua buagi bukusakaga na Muuza, nu Muuza ukusakaga na bumba bua buagi; kubuno bibino biengukana bibinyene; aba tamukuvuama kukita anga bumukutunda. 18Tondo ndi mukusondelezibua na Muuza, tamuli mu mulembe. 19Kano kaluma misako za bumba bua buagi zikumonekako, uzeno: butazi, nsese, nsoni, 20kukumbamina nkisi, buganga, lusombo, nsake, lugi, bongoa, miango, kulekanuka, 21musona, kukua na maku, buliangundu, nu bitondo biasusania bibino; nkumukengeleziabio, anga bubo bunasilile kumukengelezia, buno babo bekukitaga bitondo bia lukita luluno tabapiene bukota bua Kalaga. 22Tondo kiguma kia Muuza kili lutundo, mbogimbogi, bubobelelo, nkiki, mponga, busoga, bukatizio, 23kubota, kuisungula; ku kitondo kikino takuli mulembe. 24Nubo bantu ba Klisto Yesu basila kutaka bumba bua buagi nu makengelo mabi nu ntundo mbi.
25Ndi tukulama mu Muuza, kasi tuendazi mu Muuza. 26Tatuiganune buliabulia, ku kusunana, nu kutonania.
Currently Selected:
Bagalatia 5: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
