Bagalatia 4

Umpanga Bakatizia Beli Bana ba Kalaga.

1Tondo nkutenda bubuno, mupieni nkungu insania zeli muana ntengukana na mukobe ku kitondo kimozi, tondo eli mukota wa bansania. 2Tondo nti angatua na begisia nu balangi aba nu nkungu zasila kubikua neisi. 3Bubo nuisue, gatuabezaga tukili bana, tuabezaga tukukitibua nunse ku bitondo bia kisi: 4tondo gakukile nkungu, Kalaga asingile Muana wage, abutilue na mukikulu, abutilue mu mulembe, 5buno abakulule babo babezaga mu mulembe, buno tubikue bana. 6Nu kubuno inyue muli bana, Kalaga asingile Muuza wa Muana wage mu mitima zeinyu, ukulila bune, Aba, Tateisue. 7Umpanga uwe ntuli lingo mukobe, tondo muana; nu ndi uli muana, kasi nti uli mupieni wa Kalaga.

8Tondo nkungu zezo, zimuabezaga tamumenya Kalaga, muakitide tuto tuteli na bumba bua tulaga: 9tondo kano kaluma gamuasila kumenya Kalaga, aba gamukumenyua na Kalaga, buni bumuasubia lingo ku bitondo bitasuaga nu bia muzambo, mukutunda lingo kubikitila P 10Mukukengela bindi, nu miezi, nu nkungu, nu miaka. 11Nkukua boba ku kitondo kienyu, embe namukitide tugu butasuaga.

Balingile Kukatizia Iyuki Lia Paolo; Tondo Balisombile.

12Nkumusengezia, mibuto zane, mube anga bundi, kubuno nunne nili anga bumuli; tamuankitide bubi bumozi: 13tondo muizi ku kutamba kua mubili nalingile kumusambalila musagu musoga: 14nu mubili wane wabezaga idindiko kumuli tamuagubengile, aba kugusomba: muansekede anga mugenzi wa Kalaga, aba anga Yesu Klisto. 15Umpanga kuni kuli kubogaboga kumuabogagabogaga? Kubuno nkumulongekela buno, songo bunakulungene, songo muneitikizie meiso meinyu nu kumpamo. 16Ndi nabede muiti weinyu, kubuno nkumubula buli bulili? 17Babo bekumuyanga, tondo ta ku kitondo kisoga; bekumusomba; buno munavua kubayanga. 18Tondo lebelebe buli busoga kuyangua bindi binsania mu bitondo bisoga, aba ta ku nkungu zindi neinyu tugu. 19Bana bane, nili lingo na lubaba ku kabamba keinyu anga lubaba lua nina gakubuta muana, aba nu Klisto akabumbua mumuli— 20nu bubo nkutunda nunse kuba neinyue kano kaluma, nu nkugalukia iyuki liane; kubuno nili na kangonongono kumuli.

Kisusania kia Isaka nu Isamele.

21Mbulazi, inyue bekutunda kuba mu mulembe, tamukungua ku mulembe? 22Kubuno buasanzilue bune, Abalahama abezaga na bana babili, umozi wa mukobe, nu ungo wa mukikulu wage. 23Tondo wozo wa mukobe abutilue ku lutundo lua bumba bua buagi, nu wozo wa mukikulu wage, kuidagano. 24Bibino biabezaga tugu kabali: kubuno bakikulu babano beli anga malagano mabili; umozi wa ku muiduko wa Sinai, abutile kikanga kia bakobe, u Haga. 25Kubuno Haga u muiduko wa Sinai uguli ku Alaba walingimana na Yelusalema wa kano kaluma: eli mu bukobe na bana bage. 26Tondo Yelusalema uli kuigulu uli mukandulua, uli meisue. 27Kubuno buasanzilue bune,

Bogaboga, mugumba utakubuta;

Laluka neiyuki, ulile uwe uteli na lubaba lua kubuta muana:

Kubuno bana ba kigilua beli beingi kutinga ba wozo uli neiba. #Yesaya 54:1.

28Umpanga, mibuto zane, anga buabezaga Isaka, tuli bana beidagano. 29Tondo anga busi bubo, we wabutilue ku lutundo lua bumba bua buagi ababazizie wozo wabutilue ku Muuza, bubo buli nu kano kaluma. 30Tondo buni bukutenda isanzo? Imbiazi mukebe nu muana wage; kubuno muana wa mukobe ntapiene gamozi na muana wa mukikulu weidagano. 31Umpanga mibuto zane, isue tatuli bana ba mukobe, tondo ba wono weidagano.

Currently Selected:

Bagalatia 4: NTKI57

Highlight

Copy