Bakolosai 4
4
1Bakota, kitilazi bakiti beinyu bulili nu buisanana; menyazi buno muli na Mukota muigulu.
Kumbaminazi Kalaga Nkungu Insania.
2Segazi na komanizia, nu kesiazi ntende mu masego, nu simazi; 3tusegelazi nuisue, buno Kalaga atuigulile luibi ku musagu wage tutende kakungu ka Klisto, ku kabamba kako nakandilue; 4buno nikasambale anga buantunganana kutenda. 5Endazi na menge kubabo batakatizia, ikokomeziazi bindi binsania. 6Kutenda kueinyu kusuage bindi binsania, nu kuganunue nunse, mumenye lukita lumuatunganana kuakula muntu na muntu.
Paolo Ekubasingila Bango baKlisto.
7Tukiko, mubuto wane, unatunda, wozo mukiti u mukatizia muida wane mu Mukota amusambalile misagu zane insania: 8namusinga kumuli buno mumenye misagu zeitu, nu kubobelezia mitima zeinyu; 9gamozi na Onesimo, mubuto wane mukatizia nu mutundua, muntu wa kueinyu. Bamusambalile musagu unsania wa gano.
10Alisitako unakandilue nage amusambizia, nu Malako, mubuto wa Balanaba (kubuno namusambalide misagu zage; nu ndi avua kueinyu, nti muamusekela), 11nu Yesu wamanagua Yoseto, nu babano u bamonesibua; umpanga babano ubankukitaga nabo mulimo umozi wa bukota bua Kalaga, nubo bambobelezizie. 12Epapulo, muntu wa kueinyu, mukobe wa Yesu Klisto, amusambizia, ekumusegela bindi binsania na komanizia, buno musililile nu mube na kilemanizio nunse mu kusombola kunsania kua Kalaga. 13Kubuno nizi misako zage, buno amutunda nunse, nu babo bango beli ku Laodekia, nu babo bango beli ku Eliopolo. 14Luka, wozo musakizi mutundua, nu Dema bamusambizia. 15Nsambiziazi mibuto zane zili ku Laodekia, nu Numpa, nu ekelezia lili mu numba zabo. 16Ndi muasila kusoma mukanda wono, nti muagusomia mu ekelezia lia Laodekia; nu wozo wa Laodekia nti muagusoma. 17Bulazi Akipo bune, Alange mulimo wozo wakasilue na Mukota, agusililizie.
18Samba kumuli nne Paolo nowasanza. Kengelazi buno nakandua. Mponga zibe kumuli.
Currently Selected:
Bakolosai 4: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
