Bakolosai 3

1Umpanga ndi muayukile na Klisto, londazi bitondo bili kuigulu, gago gekile Klisto ku kuboko kuidume kua Kalaga. 2Kengelazi bitondo bili kuigulu, ta bitondo bili mu kisi. 3Kubuno muakule nu kalamo keinyu kabisilue na Klisto mu Kalaga. 4Gamoneke Klisto, we uli kalamo keitu, ugago nuinyue muamoneke nage mu lutanuno.

Sigazi Misako Mibi, nu Muyange Misako Misoga za Kalaga.

5Umpanga musige misako zeinyu mibi zili mu kisi: butazi, nu nsese, nu makengelo mabi, nu lutundo lubi, nu kutonia, ukukumbamina nkisi; 6ku kabamba ka bubuno Kalaga akongelua babo bekunana: 7nuinyue mualingaga kukita misako zeno; 8tondo kano kaluma nuinyue lekanukazi na misako zeno: bongoa, nu kasungu, nu miango, nu bubi, nu kuililika, nu tamulingane: 9tamuekane buza; kubuno muasigile kukita misako za bumba bua buagi, 10nu muse na misako misoga, zikusuaga mu bumenyinino, nu zikususania wozo wamubumbile: 11takuli muGeleka aba mu Yuda, kumonesibua aba kutamonesibua, mugeni, muBilongo, mukandua, mukandulua, tondo Klisto eli binsania nu mu bansania.

12Umpanga, inyue basombolua ba Kalaga, nu basuagibua, nu batundua, mube na kiombo, nu mponga, nu kuibotia, nu busoga, nu nkiki; 13muikalilane nu kusigililana, ndi muntu eli na mabingo kungo; bubo buamusigilide Klisto, bubo ububo nuinyue musigililane: 14nu kuikitila nunse mube na lutundo, ukusililila. 15Nu bubobelelo bua Klisto buangate mu mitima zeinyu, kubo muamaninue mu mubili umozi; nu mube bantu bekusima. 16Idagi lia Klisto likale mumuli nunse; mu menge mansania ku kuigisania nu kuanana ku nimbo za baYuda, nu nimbo za kuganuna, nu nimbo za muuza, nu muimbile Kalaga na mponga mu mitima zeinyu. 17Nu kinsania kimukukita, ku kutenda aba ku makitilo, kitazi binsania muizina lia Mukota Yesu, nu simazi Kalaga Isi mueli.

Kitondo kia Bakikulu nu Beiba Babo, nu Bana Baheke nu Bababuta, nu Bakambi nu Bakota Babo.

18Inyue bakikulu anzazi beiba beinyu, anga buasuagia mu Mukota. 19Inyue beiba tundazi bakazi beinyu, tamube na kangonongono nabo. 20Inyue bana, anzazi bamubuta mu bitondo binsania, kubuno kitondo kikino kiatananina mu Mukota. 21Inyue beisibo, tamulingie bana beinyu, banavua kukutua. 22Inyue bakiti, anzazi bakota beinyu mu bitondo binsania; ta kukita tugu umpanga kungua beligo, anga bekutananizia bantu, tondo na mutima umozi, kubuno mukukua Mukota boba: 23kinsania kimukukita, kikitazi na mutima umozi, anga ku Mukota, aba ta ku bantu; 24menyazi buno mukakasua ku Mukota lukaso lua bupieni; kubuno mukukitila Mukota Klisto. 25Tondo we ukukita bubi, akakasua anga buakitaga: nu takuli kukutibua kua bantu.

Currently Selected:

Bakolosai 3: NTKI57

Highlight

Copy