I Batesolonike 1
1
Mukanda Mutangi Wasingaga Paolo ku baTesolonike. Paolo nu Siluano nu Timoteo Bekubasambizia.
1Paolo, nu Siluano, nu Timoteo, ku ekelezia lia Tesolonike mu Kalaga Isi nu Mukota Yesu Klisto: Mponga nu bubobelelo zibe kumuli.
Paolo Ekubogaboga ku Bukatizio Buabo Busoga.
2Tukusimaga Kalaga bindi binsania ku kabamba keinyu bansania, tukumusegela; 3tukukengelaga milimo zeinyu za bukatizio nu kukita kumukukita mu lutundo nu komanizia keinyu ka kilemanizio kili mu Mukota Yesu Klisto ku Kalaga Tateisue; 4mibuto zeitu, batundua ba Kalaga, tukumenya buno muasombuedue. 5Muizi buno musagu musoga weitu tawabasile kumuli kukutenda tugu, tondo gamozi na magala, nu mu Muuza Wasililila, nu mu kumenyinina kusoga nunse, nu muizi nkita zituabezaga nazo kumuli ku kabamba keinyu. 6Nu muabede muse muatususania nu kususania Mukota, gamuamenyine idagi muasungizibue nsungio ningi, na mbogimbogi za Muuza Wasililila; 7bubo muabede kalolesio ku bakatizia bansania ba ku Makedonia nu ba ku Akaya. 8Kubuno kutukila kueinyu idagi lia Mukota liungubua kunsania, ta ku Makedonia nu Akaya tugu, tondo nu mu kiziki na kiziki bukatizio bueinyu bumuli nabo ku Kalaga buamenyua; nu tatunabusambala bungo. 9Kubuno babo benyene bekusambala misagu zeitu anga butuabasile kueinyu; nu lukita lumuagalukide Kalaga nu kusiga nkisi, bubo kukitila Kalaga uli mulami nu wa bulili, 10nu kulindila Muana wage kutuka kuigulu, wayukizie ku bakuzi, u Yesu, watonezie ku bongoa bukavua.
Currently Selected:
I Batesolonike 1: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
