YouVersion Logo
Search Icon

Misako 6

6
Bekusombola Balangi ba Ekelezia.
1Mu bindi bibio, gatalikidue iganzo lia beigisibua, ba Yuda batendaga mutendezi wa baGeleka bagambaga baEbelo, ku­buno misigala zabo beibililagua ku bibio bibabeganagia busi na busi. 2Nu babo ikumi na babili bamanine kikanga kia beigisibua, nu batendile bune, Tabunatutananina kusiga musagu wa Kalaga, nu kukita mulimo wa meza. 3Mibuto zeitu, sombolazi bantu mutuba kamo kumuli bakulumbibua, beiyala na Muuza Wasililila, nu menge, nu tubabike mu mulimo wono. 4Nuisue tuakokomezie kusega, nu kusambala musagu musoga. 5Nu bubuno buatana­nizizie musanganano unsania: nu basombuede Setefano, muntu weiyede na bukatizio nu Muuza Wasililila, nu Filipo, nu Polokolo, nu Nikanoli, nu Timoni, nu Palimeno, nu Nikalao wagalukile wa ku Antiokia; 6bababikile ku basingua; nu gabasilile kusega, ba­babikile maboko geitoe.
7Nu idagi lia Kalaga lietide; nu iganzo lia beigisibua mu Yelusalema liatalikidue nunse; nu basankoga beingi banzile bubo bukatizio.
Bekukata Setefano.
8Nu Setefano, eiyede na mponga nu magala, akitile magano­gano nu tulolesio tunene munkatini mua bantu. 9Tondo bantu bamozi ba numba za musanganano, zamanagua numba za musanga­nano za Bakandulua, nu za baKuleni, nu za baAlesandelia, nu za baKilikia, nu Asia, bakanizanizie na Setefano. 10Tondo taba­vuamine kukinda mamo menge, nu Muuza Wasililila watendaga nage. 11Nu balubikanizie bantu batendaga bune, Tungua kualinga muntu wono alinga Mose nu Kalaga. 12Batulanizie bantu, nu bakulu, nu basanzi, bamuvuilide, bamukatile, nu bamuekile ku ngatu, 13nu babikile bantu bemukandike, batendile bune, Muntu wono ntemenka kulinga kiziki kikino kiasuagibua, nu mulembe: 14ku­buno tuamungule ekutenda buno, wono Yesu wa Nazaleta akeita kiziki kikino, nu agalukie nkita zituakasilue na Mose. 15Nu bansania bekalaga mu lulo lusu lua luango, bamulolile kisozi, nu bamonine ku meiso mage anga meiso ma mugenzi.

Currently Selected:

Misako 6: NTKI57

Highlight

Share

Copy

None

Want to have your highlights saved across all your devices? Sign up or sign in