Misako 14

Paolo nu Balanaba Beli ku Ikonia.

1Nu beingide mu numba za musanganano wa baYuda ku Ikonio, nu beigisizie, nu bantu beingi ba baYuda nu baGeleka bakatizizie. 2Tondo baYuda babo batakatizizie balutile babo baBilongo nu bababikile makengelo mabi ku mibuto. 3Nu beizizizie kuko, basambede na luatu mu kukatizia Mukota, balongekede idagi lia mponga zage, nu bakitile migeleko nu maganogano na maboko mabo. 4Tondo musanganano wa mu wozo muino wibeganizie; bamozi babeide ku lulenge lua baYuda, nu bango ku lulenge lua basingua. 5Nu gabeide misona za baBilongo nu za ba Yuda nu za bangati babo, bababengile, nu kubalibula makozi, 6bamenyine bubo, nu batinine ku mino za Lukanonia, nu Lusta, nu Delebe, nu ku kisi kiabezaga muntungo: 7nu kuko basambalaga musagu musoga.

Paolo nu Balanaba ku Delebe nu ku Lusta.

8Nu ku Lusta muntu umozi, abezaga kitunga ku magulu, uwabutilue, ntatabangaga nunse. 9Muntu wono ongule ku kusambala Paolo: nu Paolo amulolile kisozi nu amenyine buno, anakatizia buno onibue, 10atendile neiyuki inene bune, Emanuka ku magulu mobe. Nu asasizie kuemanuka nu atabangile. 11Nu gamonine musanganano bubo buakitile Paolo, balalukile na moki mabo, batendile ku mutendezi wa kiLukoni bune, Tulaga tuatugelela ku kisusania kia bantu. 12Nu bamanine Balanaba, buno, Yupita, nu Paolo, Mekulio, kubuno we uwalingile kutenda. 13Nu sankoga wa numba za musanganano za Yupita zabezaga kuisula lia muino, avule na ngombe nu nkumbu za maluba ku nibi za mu muino, nu atundaga kukita kisansa gamozi na musanganano wa bantu. 14Tondo gongule basingua Balanaba nu Paolo ku bubo, batile nsulu zabo, nu bazugide musanganano, balalukile bune, 15Bamulume, kubuni kumukukitila bubuno? Nuisue tuli bantu anga inyue; nu tukumuigisia musagu musoga buno mugaluke ku Kalaga uli Mulami nu kusiga misako zeno zitongana, kubuno Kalaga uwakitile igulu nu kisi nu kitatenge, nu binsania bili mubio: 16wakalazi asigile baBilongo bansania buno bende bubakutunda. 17Tondo ntabasigile kuteli bulongeki, akitile busoga nu abalokezizie mbula za kuigulu nu nkungu za kunagia biguma, eiyazizie mitima zeinyu neidia nu mbogimbogi. 18Nu ku kutenda bubuno musanganano tawabakitide kisansa.

19Tondo bango baYuda batukile ku Antiokia, nu ku Ikonio: nu bavule buno balubikanie nu bagalukie makengelo ma musanganano; balibuide Paolo makozi, nu bamubulutile kuisula lia muino, bakengede buno, akua. 20Tondo beigisibua gababezaga bekumutimba, bamutimbikania, emanukile nu eingide lingo mu muino; nu gakeide busi endile na Balanaba ku Delebe. 21Nu gabasilile kusambala musagu musoga mu wozo muino, nu balutile beingi nubo babeide beigisibua, basubizie ku Lusta nu Ikonio nu Antiokia, 22galindizie mitima za beigisibua, babamanine beikale mu bukatizio, nu ku nsungio ningi tuatunganana kuingila mu bukota bua Kalaga.

Bekusombola Bakulu ba Ekelezia.

23Nu gabasilile kusombola bakulu ba ekelezia na ekelezia, basegile nu tabalile, bababikile mu maboko ma Mukota ubakatizizie. 24Nu batingile mu Pisidia, nu bavule ku Pamfulia. 25Nu gabasilile kusambala idagi ku Pelega, bagelile ku Atalia; 26nu kutuka kuko bendile na buato aba ku Antiokia, ukuko kubabikilue mu mponga za Kalaga ku mulimo ubasilizizie. 27Nu gababasile nu kukundamania ekelezia, babasambalide bunsania buabakitide Kalaga, nu anga buigulide baBilongo luibi lua bukatizio. 28Nu beizizizie kuko na beigisibua.

Currently Selected:

Misako 14: NTKI57

Highlight

Copy