II Batesolonike 3
3
Paolo Ekutunda Bamusegele ku Kalaga.
1Umpanga, mibuto zeitu, mutusegele buno idagi lia Mukota libalangane nu liganunue, anga buli kueinyu; 2nu tonibue ku bantu batasuaga nu babi; kubuno bansania tabeli na bukatizio. 3Tondo Mukota eli mukatizia, amulindie, nu amulange ku wozo mubi. 4Nu tukulemanina Mukota ku bitondo bieinyu, buno mukukita nu muakite butukumukakizia. 5Nu Mukota amulolesie lutundo lua Kalaga mu mitima zeinyu, nu mu komanizia ka Klisto.
Tabagomie na Bantu Babi.
6Tukumukakizia, mibuto zeitu, muizina lia Mukota weitu Yesu Klisto, buno muidekanukie na wozo ukukita butakulungana kumuli, aba utakuyanga meigisia matuamuigisizie. 7Inyue benyene muizi bumunatususania: kubuno tatuamulubikanizie; 8aba tatualile kua muntu unsania buliabulia, tondo tuakitile milimo nu tuakutilue musi nu kindi, tatuakutizie muntu umozi wa kumuli: 9tondo ta kubuno tatuabezaga na buangato, tondo tuatundaga tugu kumulolesia bumutususania. 10Kubuno aba nkungu zezo zituabezaga kueinyu, tuamukakizizie kitondo kikino buno ndi muntu ntekutunda kukita mulimo, kasi ntalie idia. 11Kubuno tukungua buno kuli bamozi ba kumuli bekukita butakulungana, tabakukita mulimo, tondo bekulubikania. 12Umpanga tukubakakizia babano nu kubasengezia mu Mukota weitu Yesu Klisto buno, bakite mulimo ku bubobelelo, nu kulia idia liabo libekukita. 13Tondo inyue, mibuto zeitu, tamukutue mu kukita busoga. 14Tondo ndi muntu ntekukita anga butuatenda mu mukanda wono, nti muakokomeka muntu wozo, aba tamugomia nage, buno embe anakua na nsoni. 15Tondo tamumukengele buno eli muiti, tondo mumuane anga mubuto weinyu.
16Kano kaluma Mukota wa bubobelelo wenyene amukase bubobelelo bindi binsania ku nkita insania. Mukota abe neinyue bansania. 17Samba kumuli nne Paolo nowasanza, bubuno buli kakengelesio mu mikanda zane insania; ububo bunkusanza. 18Mponga za Mukota weitu Yesu Klisto zibe neinyue bansania.
Currently Selected:
II Batesolonike 3: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
