I Timoteo 1
1
Mukanda Mutangi Wasingaga Paolo ku Timoteo. Paolo Ekusambizia Timoteo.
1Paolo, musingua wa Klisto Yesu, ku kukakizia kua Kalaga Monia weitu, nu Klisto Yesu kilemanizio kietu; 2ku Timoteo, muana wane nunse mu bukatizio: mponga, nu kiombo, nu bubobelelo, bikutukaga ku Kalaga Tateisue, nu Klisto Yesu Mukota weitu bibe kuguli.
BaEfeso Bekuibilila Mulembe.
3Anga bubo bunakusengezizie buno wizizie ku Efeso, ganendaga ku Makedonia, buno uzugile bamozi buno tabegisie meigisia ma lungo lukita, 4aba tabange misumo nu misagu za bibuti ziteli na kuzinda, zikulusia miango, ta mulimo wa Kalaga uli mu bukatizio. 5Tondo kuzinda kuikakizio kuli lutundo lukutuka ku mutima musoga nu ku kalenganio kasoga nu ku bukatizio buteli bua buengelezi; 6bamozi batukile ku bitondo bibino, bagalukide kutendatenda kua buliabulia; 7nu bekutandukuba basozi ba mulembe, tondo tabeizi bubekutenda, aba bubekuigisia. 8Tondo tuizi buno mulembe uli musoga, ndi muntu akita anga buguli, 9nu kumenya buno, mulembe tagukubikua ku kabamba ka muntu wisanana, tondo ku kabamba ka basombi ba mulembe nu bekubenga, nu batakuanza Kalaga, nu bagi, nu batasuaga, nu bekulingaga, nu bekulibula beisibo, nu bekulibula baninabo, nu beiti, 10nu bitazi, nu bamulume bekulimbania buabo buabo, nu beibi ba bantu, nu bekuekaga buza, nu bekulumbila buza, nu ndi kili kingo kiengukana na meigisia ma bulili; 11anga buli mu musagu musoga wa lutanuno lua Kalaga wa mbogimbogi, unasambalidue.
Paolo Ekubogaboga Buno Asombuedue na Kalaga.
12Nunne nkusima Klisto Yesu Mukota weitu, wandindizie, kubuno ankengede buno nili mukatizia, ambikile mu mulimo wage; 13nalingaga kuba mulingani, nu nababazagia bantu, nu nabezaga nsuzi: tondo nakuilidue kiombo, kubuno nakitile bubuno mu bukongolo nu mu kutakatizia; 14nu mponga za Mukota weitu zitide nunse mu bukatizio nu lutundo luli mu Klisto Yesu. 15Mu sagu wono watananina kukatizibua, nu watunganana kuitabizibua nunsania, buno Klisto Yesu avule mu kisi onie bagi; nunne uwatinga: 16tondo ku bubuno nakuilidue kiombo, buno mundi umualingile Yesu Klisto kulolesia kuikalila kunsania kuage, buno nibe kalolesio ku babo bekuzinda kumukatizia, buno babe na kalamo katanakuzinda. 17Kano kaluma ku Mukota wa nkiko na nkiko utakukuaga, utakumonekagako, Kalaga umozi tugu, kube lutanuno nu luanzo ku nkiko na nkiko. Amena.
Timoteo Alange Bukatizio Buage.
18Muana wane, Timoteo, nkukukakizia kukakizia kukuno, anga buli bulengania buwalenganizizibue, buno mubo ukeitana bita bisoga; 19ukokomezie bukatizio nu kalenganio kasoga, anga buabisombile bango nu basungizibue ku musagu wa bukatizio; 20mu babano muli Umenayo nu Alesandelo; nabakasene ku Satana, beigisibue buno tabalinge Kalaga.
Currently Selected:
I Timoteo 1: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
