I Timoteo 2
2
BaKlisto Basekele Bantu Bansania.
1Umpanga nkulinga kuana, buno musege, nu kusega na komanizia, nu kusima, nu kusegela bantu bansania; 2bakota nu bansania beli na buangato; tulame nabo kalamo kola nu ka bubobelelo mu kuisanana nu kubota. 3Bubuno buli busoga nu buasuaga ku Kalaga Monia weitu; 4ukutunda bantu bansania bonibue, nu kuba na bumenyinino bua bulili. 5Kubuno kuli Kalaga umozi tugu, nu mukulumania umozi gasamba Kalaga nu bantu, muntu wono u Klisto Yesu, 6wikasene wenyene buno akulule bansania; u bulongeki bualongekilue ku nkungu zezo; 7ku bubo nabikilue buno nibe musambazi nu musingua (nkutenda buligo, nsikueka buza), musozi wa baBilongo mu bukatizio nu bulili.
Bakikulu Babe na Luanzo mu Numba za Kalaga.
8Umpanga nkutunda bamulume basege ku kiziki na kiziki, kulambia maboko masuaga, geteli bongoa nu miango. 9Nu bubo, bakikulu bidebie na nsulu zabatananina nu beikue nsoni, nu kuisungula; ta ku kusuika nzuili, aba olo, aba makozi ma bukunza, aba nsulu za bukunza bubibu; 10tondo (anga buatananina bakikulu bekuitenda buno bekuanza Kalaga) babe na makitilo masoga. 11Mukikulu eibotie mu kuiga na luanzo lunsania. 12Tondo nsiakasa mukikulu buangato bua kuigisia aba kuangata wamulume, tondo eibotie. 13Kubuno Adama uwalingile kubumbua, kuzinda Eva; 14nu Adama ntengeledue, tondo mukikulu uwengeledue nu agile: 15tondo akonibua mu kubuta, ndi beikala mu bukatizio nu lutundo nu kusuagibua nu kuizugila.
Currently Selected:
I Timoteo 2: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
