I Timoteo 3
3
Bakulu nu Balangi.
1Musagu wono watananina kukatizibua, buno ndi muntu ekutunda mulimo wa mukulu, nti atunda mulimo musoga. 2Umpanga buatunganana mukulu ntabe na lukumu lubi, wamulume uli na mukikulu umozi, nu ukuizugila, nu wola, nu mukulumizi, nu musambizia, nu muigisia wa lebelebe; 3nu ntanue maku, nu ta mulibuzi, tondo wabota, ta musaki, nu ntuidambe bikulo; 4ukuanzua na kikanga kiage, nu bana bage bekumuanza nunse; 5(tondo ndi muntu ntekuanzua na kikanga kiage, buni buanalanga ekelezia lia Kalaga?) 6ta muntu muto ku bukatizio, aba anavua kuba na luikotio nu kusungibua anga buasungizibue Satana. 7Busoga alumbibue na bantu batakatizia; buno ntabe na lukumu lubi nu kukatua mu matega ma Satana. 8Nu bubo ku balangi ba ekelezia babe bola, nu tababe na matendelo meingi, nu ta bantu bakunua mazi ma biguma magagibua bubibu, nu ta bantu bekuelama bikulo bia nsese; 9bakokomezie kakungu ka bukatizio mu kalenganio kasoga. 10Nu babo, balinge tanga kulindikua; nu nti bakite mulimo wa balangi, ndi bamenyua buno tabeli na lukumu lubi. 11Nu bakikulu nubo babe bola, nu ta bakandiki, tondo beiya kuizugila, nu bakatizia mu bitondo binsania. 12Balangi babe na mukikulu umozi, bangate bana babo busoga mu kikanga kiabo. 13Kubuno babo bakitile mulimo wa mulangi busoga bakuimonena kiziki kisoga, nu kilemanizio kinene mu bukatizio buli mu Klisto Yesu.
Lutanuno lua Klisto mu Ekelezia.
14Nakusanzila bitondo bibino buno nkulemanina nisasie kuvua kuguli; 15tondo ndi nizizia, nti wizi bugunakita mu numba za Kalaga, zili ekelezia lia Kalaga uli mulami, iyango nu kibanza kia bulili. 16Geteli miango, kakungu kanene kakuanza Kalaga;
We wamonekile mu mubili,
Abingizibue mu Muuza,
Amonekile na migenzi,
Asambedue ku baBilongo,
Akatizizibue mu kisi,
Ekilue muigulu mu lutanuno.
Currently Selected:
I Timoteo 3: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
