II Batesolonike 2
2
Paolo Ekubakengelezia Kuvua kua Yesu.
1Kano kaluma tukumusengezia, mibuto zeitu, mu musagu wa kuvua kua Mukota weitu Yesu Klisto, nu kukundamana kueitu kueli; 2tondo tamusasie kugalukia makengelo meinyu, aba tamuzangibuezangibue mu lungo lukita, aba kuingo misagu, aba ku mukanda ubekutenda ukutuka kutuli, ukutenda buno busi bua Mukota buse buigi; 3muntu ntumuengelele mu bitondo bibino: kubuno busi bubo tabunaba ndi bulili tabusombua, nu kulolesibua kua wozo muntu wa buagi, muana wa lukuo, 4ukuemanaga nu ukuizanzulaga gantata ga kinsania kikumanua kalaga aba kikuganunua, nu ekuikala mu numba za kukumbamina Kalaga, ekuidolesia we wenyene buno eli Kalaga. 5Ndi tamukukengela, buno, nkungu zinabezaga nikili neinyu, namubulaga bitondo bibino? 6Nu kano kaluma mukumenya kikio kikumusunga, buno alolesibue mu nkungu zage. 7Kubuno bumba bua kubenga ubukukita mulimo kano kaluma: tondo umozi ukusunga aba nu gakatikibua. 8Nu gakalolesibua wozo muana wa kabenga, nuwe Mukota Yesu akamuita na muuza wa kanua kage, nu akamusungia gakavua; 9nu kuvua kuage kuli mu lukita lua makitilo ma Satana na magala mansania nu migeleko nu maganogano ma buza, 10nu mu buengelezi bunsania bua bubi ku babo bazimina; kubuno basombile lutundo lua bulili, kububo tabonibue. 11Nu ku kabamba kakano Kalaga ekusinga magala ma buengelezi, aba nu bakatizie buza: 12buno basungibue bansania batakatizizie bulili, tondo babezaga bekuibogiabogia mu bitondo biteisa.
Bakokomezie Mitima Zabo mu Bitondo bia Kalaga.
13Tondo buatutunganana kusima Kalaga bindi binsania ku kabamba keinyu, mibuto zeitu, batundua ba Mukota, kubuno Kalaga amusombuede kutukila wakalazi buno monibue mu kusuagibua kua Muuza Wasililila nu bukatizio bua bulili: 14kubuno amumanine na musagu musoga weitu, buno mube na lutanuno lua Mukota weitu Yesu Klisto. 15Umpanga, mibuto zeitu, lindazi, nu mukokomezie meigisia mamuigisizibue, ndi ku kutenda kueitu, aba ndi ku mukanda weitu.
16Nu Mukota weitu Yesu Klisto wenyene, nu Kalaga Tateisue watutundile nu watubobelezizie kubobelela kutenakuzinda nu kilemanizio kisoga ku mponga zage, 17abobelezie mitima zeinyu nu kumulindia mu makitilo mansania masoga nu kutenda kunsania kusoga.
Currently Selected:
II Batesolonike 2: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
