II Batesolonike 1
1
Mukanda Weibili Wasingaga Paolo ku baTesolonike. Paolo nu Siluano nu Timoteo Bekubasambizia.
1Paolo, nu Siluano, nu Timoteo, ku ekelezia lia baTesolonike lili mu Kalaga Tateisue nu Mukota weitu Yesu Klisto; 2Mponga zibe kumuli nu bubobelelo bukutukaga ku Kalaga Tateisue nu Mukota weitu Yesu Klisto.
Paolo Ekubogaboga ku Kalaga ku Bukatizio Buabo nu Magala Mabo.
3Buatunganana kusimaga Kalaga bindi binsania ku kabamba keinyu, mibuto zeitu, anga buasuaga, kubuno bukatizio bueinyu bukukula nunse, nu lutundo lueinyu lumuatundana nunse; 4aba isue benyene tukuikakila mumuli mu maekelezia mansania ma Kalaga ku komanizia keinyu nu bukatizio bumuli nabo mu nsungio zeinyu nu mbabazio zimukuikalila; 5zili kalolesio ka lusungio luisanana lua Kalaga; buno muatananina kuingila mu bukota bua Kalaga, ku kabamba kabo mukubabazibua: 6kubuno buli buisanana ku Kalaga akabababazia babo bekumubabazagia, 7nuinyue bekubabazibua akamubogiabogia neisue, mu nkungu za kumoneka kua Mukota Yesu kutuka kuigulu na migenzi za magala mage mu ndembelela za keiya, 8akasungia bateizi Kalaga, nubo batanza musagu musoga wa Mukota weitu Yesu Klisto: 9bekuligua lusungio lua lukuo, luteli na kuzinda kulekanukibua na Mukota nu ku lutanuno lua magala mage, 10gakavua kuganunua mu basuagibua bage, nu kuba iganogano mu bansania bakatizizie (kubuno bulongeki bueitu buakatizizibue kumuli) mu busi bubo.
Paolo Ekubasegela ku Kalaga.
11Kubuno tukumusegela bindi binsania, buno Kalaga weitu amutekule kuba batananina mu mubila weinyu, nu azindilizie nunse lutundo na lutundo lua busoga nu mulimo na mulimo wa bukatizio; 12buno izina lia Mukota weitu Yesu liganunue mumuli, nuinyue mueli, ku mponga za Kalaga weitu nu Mukota Yesu Klisto.
Currently Selected:
II Batesolonike 1: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.