I Batesolonike 4
4
BaKlisto Babe Bantu Basililila.
1Umpanga, mibuto zeitu, tukumusengezia nunse nu kumuana mu Mukota Yesu, anga butuamuigisizie buno mukite nu kutananizia Kalaga, nu anga bumukukita, muitile nunse mu bubo bindi binsania. 2Kubuno muizi kukakizia kutuamukakizizie mu Mukota Yesu. 3Kubuno bubuno ukusombola kua Kalaga, kusuagibua kueinyu, buno tamukite butazi; 4buno muntu na muntu angate mubili wage mukusuagibua nu mu luanzo, 5ta mu lukita lua lutundo lubi anga baBilongo beteizi Kalaga; 6muntu ntengelele mubuto wage aba kumukanga mu kitondo kikino: kubuno Mukota ukusubaga musubo ku bitondo bibino binsania, anga butualingile kumusambalila nu kulongeka. 7Kubuno Kalaga ntatumanine ku nsese, tondo kuba basuagibua. 8Tondo wozo ukusomba, nti ntakusomba muntu, tondo Kalaga nti uwakusomba, ukumukasa Muuza wage Wasililila.
BaKlisto Batundane.
9Ku kitondo kia kutundana mibuto zeitu, nsikutunda namusanzila: kubuno inyue benyene muigisizibue na Kalaga buno mutundane; 10kubuno mukutunda mibuto zeitu insania zili ku Makedonia. Tondo tukumusengezia, mibuto zeitu, muitilile bindi binsania; 11nu bobelelazi, nu kukengela bitondo bienyu mubenyene, nu kukita milimo zeinyu mubenyene anga butuamukakizizie; 12bubo kitazi busoga ku babo batakatizia, aba tamuide kena.
Kuvua kua Yesu nu Kuyuka kua Bantu baKlisto ku Bakuzi.
13Tondo, mibuto zeitu, tukutunda muamenya musagu wa babo bakule; tamube na kabebe, anga bango, beteli na kilemanizio. 14Kubuno ndi tuakatizia buno Yesu akule nu ayukile, ububo babo bakule mu Yesu, Kalaga abalusie nage. 15Kubuno tukumutenda bubuno kuidagi lia Mukota, buno isue beli na kalamo, nu basigala aba nu nkungu za kuvua kua Mukota, tatuatange babo bakule, 16Kubuno Mukota wenyene agele kutuka kuigulu, nu mugenzi munene alaluke neiyuki inene, na monze wa Kalaga; nubo bakule mu Klisto balinge kuyukibua; 17nuisue beli na kalamo tukalinga kusigala, kumbusa tuekue nabo gamozi mu bimpa, nu tuakulumane na Mukota mu mpelela: nu bubo tukabezaga na Mukota nkiko zitanakuzinda. 18Umpanga mubobelezanie ku bitondo bibino.
Currently Selected:
I Batesolonike 4: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
