I Batesolonike 3
3
Paolo Ekubasingila Timoteo Buno Abalindie.
1Umpanga ku bubuno gatutavuamine kuikalila ku bubo, tuatundile buno tusigale tubenyene ku Atene; 2nu tuasingile Timoteo, mubuto weitu, mukiti wa Kalaga mu musagu musoga wa Klisto, buno amulindie, nu amubobelezie mu bukatizio bueinyu; 3nu muntu ntatengetenge na mbabazio zeno; kubuno inyue benyene muizi buno tuabikilue ku bitondo bibino. 4Kubuno gatuabezaga kueinyu, tualingile kumubula buno tukababazibua; anga bubo buabede, nuinyue muamenyine. 5Ku bubuno nunne, gansiavuamine kuikalila ku bubo, nasingile muntu buno nimenye buni buli bukatizio bueinyu, buno mulindiki, anavua kumulindika, nu mulimo weitu unavua kuba bulia. 6Tondo gatukile Timoteo kueinyu, atuvuilide na musagu musoga wa bukatizio bueinyu nu lutundo lueinyu, nu buno mukutukengelaga bindi binsania, mukutunda nunse kutumonako, anga butukutunda nuisue kumumonako; 7ku bubo, mibuto zeitu, tuabezaga na mbabazio nu nsungio ningi, tondo gatungule ku musagu wa bukatizio bueinyu tuabogilebogile: 8kano kaluma tuli na kalamo, ndi muimana na magala mu Mukota. 9Kubuno kusima kukizi kutukusima Kalaga ku kabamba keinyu, ku mbogimbogi insania zituli nazo kumuli ku Kalaga weitu; 10tukusegaga nunse musi nu kindi buno tumumoneko, nu kutalikila bingo bitondo bimuidile mu bukatizio bueinyu?
Paolo Ekubasegela ku Kalaga.
11Umpanga Kalaga wenyene Tateisue, nu Mukota weitu Yesu Klisto, batusondelezie buno tubase kueinyu: 12nu Mukota amukuzie nu kumuitizia mu lutundo bueinyu bueinyu, nu ku bantu bansania, anga bubo butuli nuisue kumuli; 13bubo alindie mitima zeinyu geteli mabingo mukusililila ku Kalaga Tateisue, mu nkungu za kuvua kua Mukota weitu Yesu Klisto na basuagibua bage bansania.
Currently Selected:
I Batesolonike 3: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
