Atos 19

Éfeso anushũ Paulõ hatu yusĩnikiaki, na hãtxarã

1Apolõ Corinto anushũ hatu yusĩayã hanua Paulori mati matipa anu kapukei Ásia mai pakea anu kakũkaĩni Éfeso anu hikitã ikũwaĩbuki nukushũ 2hatu yukakĩ:

—Hanu mã Jesus ikũwãkĩ taewairã, hawẽ Yushĩ Pepatunã, ma matu atxitã matuki hikimamẽ?— hatu wa

habũ yuikĩ:

—Deusũ Yushĩ Pepakiri tsuã hakiri hawa yusĩkĩ nuku nĩkamariamaki— akabu

3hanushũ Paulõ ana hatu yukakĩ:

—Haskatã tsuã yununi kuxipawẽ matu naximabu mã ikimamẽ?— hatu wa habũ kemakĩ:

—Haska Naximanika Joãonẽ hatu naximakĩ yusĩniwẽ taeshunã— akabu

4Paulõ ana hatu yuikĩ:

—Joãonẽ hatu naximakĩ hau hatũ txakabu henekĩ hatũ xinã betsa watã hau Deus anu benũbũ aniki. Hanushũ hatu ana yuikĩ: “Kuxipahaira ea katxu txipu huikiki. Ikũwãshãkãwẽ”, hatu wakubaĩnikiaki. Ha kuxiparã, Jesuski— hatu wa 5hatu haska wa nĩkatã:

—Haskakenã, Shanẽ Ibu Jesusũ kena kuxipawẽ ea naximawe— akabu hawenabu dasibi hatu unãti wamakĩ Shanẽ Ibu Jesusũ kenawẽ taeshũ Paulõ hatu naximatã 6-7hatu haska watã ha 12 hunibuki hatuki mamepikũkaunaya Deusũ Yushĩ Pepa hatuki butuakeakeaya hanua habu tibiki nawã hãtxa betsa betsapawẽ hãtxaisbumabiakẽ hatũ hãtxawẽ Deusũ hãtxa hatu yuimakĩ meshtãmanikiaki.

8Hanushũ ushe dabe inũ besti nitxĩ hanu judeubu itxamisbu hiwe anu hikitãtani dateama shabakabi hatube hãtxanamekĩ hawẽ Messias Jesus nukũ mekenãwẽ taea Deus shanẽ ibushanaikiri Paulõ hatu ikũwãmakatsis ikũkaĩnaya 9hanua judeubu hatiri huĩti kuxikĩ Jesus mekenã Bai Bena ikũwãkatsi ikama dasibibũ nĩkaibũ hãtxa txakabukĩ txakabu yuiaibuwẽ taea hanua Paulo ana hatube itxama hatu henebaĩkĩ ikũwaĩbu tari hatu iyushũ Tiranõ escola anushũ hatu itxawashũ Jesuskiri yusĩ shaba tibi hatube hãtxanamekũkaĩkĩ 10ano dabe nitxiãyã ha mai pakea Ásia anu hiweabu dasibi judeubu inũ judeubumã Shanẽ Ibu Jesus mekenãkiri yusĩaĩ nĩkakubaĩnaibũ 11hanushũ Deusũ Paulo merabewaya dami tsuã atiruma betsa betsapa waya 12Paulo Deusũ kuxipa haya unãkĩ hawẽ tari tuashwẽ buneshekexina inũ hawẽ dayati tari saweshũ pekaxina bushũ isĩ teneaibu hawẽ hatu dakukĩ hawẽ tariwẽ betsabu shushawakĩ betsabu anuari yushĩ txakabubu kaĩmakĩ kaya wapakeaibũ

13hanushũ judeubu betsabũ pei binũ ishũ bai namakishũ Deusũ hãtxa kenenibuwẽ yushĩ txakabu kaĩmakubaĩmisbu Paulõ akai keskari wanũ, iwanã, Shanẽ Ibu Jesusũ kena kuxipawẽ yushĩ txakabu yunukĩ: “Jesusũ kena kuxipawẽ Paulõ amis keskari wakĩ ẽ matu yunuai kaĩrikãwẽ!” hatu wakubainaibũ

14hatiri shukuabu betsabu Deusbe hawenabu hãtxashunika shanẽ ibu Cevã sete huni bake mukayabũ haska wakĩ yura betsabu anua yushĩ txakabu kaĩmabiamisbuwẽ taea ana kuxipanũ, iwanã, Shanẽ Ibu Jesusũ kenawẽ kaĩmakĩ yunukĩ:

—Haska Paulõ amis keska wakĩ ẽ mia yuiai Jesusũ kuxipawẽ taea kaĩwẽ— akĩ 15abiamisbu betsatiã yushĩ betsa kaĩmapanãbũ yushĩ txakabũ hatu kemakĩ:

—Deusũ Katua Jesusũ kuxipawẽ ẽ dateaii. Paulokiri ẽ unãriaii. Hamẽ maturã, mã tsuabu iki ikai? Tsuã kuxipa mã hayamẽ?— hatu wa

16ha hatu haska watã huni yushĩ txakabuyatũ hatu detekĩ yushĩ txakabũ kuxipawẽ hatu itxakahairawakĩ hatu nuitapawaya tariuma himi habai hiwe anua txĩtu kuxibaĩnabu 17Éfeso anuabu dasibi judeubu inũ judeubumã nĩkatã datehairakĩ Shanẽ Ibu Jesusũ kena kuxipa unaĩ itsakĩ: “Nũ hamẽ datãkeaketirumaki”, ikĩ Jesusũ kena pawanibukiaki.

18Hanu ikũwaĩbu itxabu anua betsabu benishũ haska wakĩ txakabuwakubaĩnimabu hatuki shabakabi txanikubaĩnaibũ 19betsabu habu mukayakĩ unãmisbũ Jesus txibanũ, iwanã, hawẽ mukayakĩ unãti una beshũ dasibibũ besuuri mãtxĩshũ tanakĩ hawẽ pei karu 50.000 prata pei heshe tanashũ hawẽ nuiama kuakĩ keyunibukiaki. 20Haska waibũ Shanẽ Ibu Jesusũ kaka pepa inũ hawẽ kuxipakiri betsabũ hatu unãmakĩ dasibibu hatu nĩkamakĩ keyukĩ nati anibuki.

21Hanushũ Paulõ xinãkĩ yuikĩ:

—Macedônia inũ Acaia mai pakea anu kashũ ikũwaĩbu ana uĩkubaũtani Jerusalém anu ana ẽ kashanaii. Hari kashũ hatu uĩtani Roma anuaburi Deusũ ea yunuaiwẽ taea ẽ hatu uĩ kakatsis iriaii— itã 22hanua hau bebũkiri Macedônia anu bunũbũ hawẽ merabewanika dabe Timóteo inũ Erasto yunutã ana usha eskarabesi Paulo Ásia mai pakea anu baxikuyuaya

Éfeso anuabu itimaskanibukiaki, na hãtxarã

23-24ha hatu haska wakĩ Jesusũ Bai Benakiri hatu unãmaibũ hanua prata mane hushupa dami wanika hawẽ kena Demétriõ yushĩ hawẽ kena Diana hawẽ kẽwãti hiwe dami mixtĩ wamistũ habe dayaibũ pei itxapa bimisbuwẽ taeshũ Demétriõ Paulõ yusĩa bena abuama yurabu Éfeso anuabu hatu itimaska wakĩ 25habu habias keskari dayamisbu hatu itxawashũ yuikĩ:

—Ebe dayamisbuũ, haska nukukiri txakabu yuiaibu matu yuinũ ea nĩkairakãwẽ. Nukũ dayawẽ pepai nũ hiwemisbu mã unaiĩ. 26Ha yusĩnã Paulõ hatu yuikĩ: “Mekenẽ hunĩ damiwarã, yushĩ kuxipa deusmaki”, akĩ yurabu habũ bimisbu nuku putamakanikiki. Nenu nukũ mae Éfeso anu bestima hakia Ásia hirabi anushũ hatu yusĩkubaunai nĩkakĩ hatu haska wai mã unaiĩ. 27Haskarã, meseki. Nũ damiwai dayakĩ nũ hawẽ pei bimisbu nuku meshteabu nũ ana hawa hayatirumaki, danaĩbuwẽ taearã. Haska bestimarã, nuku merabewamis yushĩ dami aĩbu nai anua kawani Diana inũ hawẽ kẽwãti templorã, habu Ásia anu hiweabu inũ mai hirabi anuri hiweabũri ikis abukĩ kẽwãmisbuki. Hakia Paulõ hãtxa nĩkakĩ Diana ana kẽwãma hawẽ kẽwãti hiwe benukĩ danãshãkanikiki, Paulõ yusĩa besti nĩkakinã— hatu wa

28hatu haska wa nĩkatã Pauloki sinatakĩ bis iki sai ikĩ hui kuxipawẽ yuikĩ:

—Éfeso anu nukũ yushĩ Diana pepahairaki!— ikĩ yui heneabumakẽ

29haskaibu yurã kaiãnẽ nĩkatã Efeso mae hirabi anua dasibi itimaskai berukuakeakebaũkĩ Macedônia anua Paulobe beimabu Gaio inũ Aristarco atxibaĩkĩ hanu dasibi itxa tsaumisbu anu hatu sharabaĩkĩ iyuabu 30hanua dasibi ma itxabu anu Paulo naxui ikaĩ hatu hãtxa wai kapanã ikũwaĩbũ hari nitxiãma nemabu 31ha dikabi Ásia mai pakea shanẽ ibubu Paulõ haibuaibũ hatũ hãtxa bumakĩ: —Mesekanikiki. Hau huyamanũwẽ— akĩ Paulo habuã nemariabu 32hanua ma itxabu itimaskahairakĩ hãtxa kuxipa betsa betsapa yui bis iki xã xãki iki itimaskaibũ itxapabu hawa unãma bea itxabu yuka ikĩ:

—Haskai nũ itxa ikanai?— ikaibũ 33hakia haratutũra itxabu hau judeubukiri hawa txakabu hayama hau hatu unãmakĩ daewanũ judeu shanẽ ibu betsa Alexandre itxabu anua yunukĩ shutubaĩ hatu bebũ nitxiãbu hau pesnũbũ hawẽ mekẽ hatu sanãshuna 34hakia Alexandre judeu uĩkĩ hatunabuma unãtã danãkĩ hawẽ hãtxa nĩkakatsi ikama hãtxa kuxipawẽ bis ikĩ yuikĩ:

—Éfeso anu nukũ yushĩ Diana pepahairaki!— ikĩ yui yane heneama duas hora habias hãtxa kuxipawẽ yuiaibũ 35atimas hatũ mae shanẽ ibu betsa hatũ hatu keneshũmistũ hatu nesewashũ yuikĩ:

—Éfeso anua enabuũ, matu yuinũ ea nĩkakãwẽ. Nukũ yushĩ Diana hawẽ dami nai anua kawani inũ hawẽ kẽwãti templo hawẽrua nũ mekehairamis mai hirabi anuabũ unã keyukanikiki. 36Haska txanimawẽ taea pestã xinã pewama mã haskatirumaki. Uĩrakãwẽ. 37Na huni dabe mã iweatunã, nukũ yushĩ Diana kẽwãti templokiri hawa atimapa wai inũ hawa hakiri txakabu yuiabumaki. 38Hakia Demétriõ habe dayamisbubetã txitekĩ hatu ha akatsi ikinã, na hatu haska waibu nukũ shanẽ ibu pewanikabu itxashũ hatũ hãtxa nĩkashũ habubetã unãti watirubuki, haska habuã amiskirirã. 39Hakia matũ hawara betsa mã pewakatsis ikairã, nukũ mae shanẽ ibu pewanikabube itxashũ hawara mã abuama mã yuka hatubetã mã pewariatirubuki, hatube itxashunã. 40Hamẽ haskawẽ taeama itxa mã itimaskahairaibu natiã haskakiri mã pewama Romano shanẽ ibubũ matu ha atirubuki. Matu haska waibũ nemakĩ nũ hawa matukiri yuitirumaki. Ana haska hãtxayamakãwẽ— 41hatu watã hatu nitxĩnikiaki.

Currently Selected:

Atos 19: cbsBR

Highlight

Copy