Zôo 27
27
Zôo è gbîŋ maa sere-faa kɛ̀
1Nya ƃe Zôo è ŋɔ́nɔ pɛ̀lɛ lônoi ǹyɛɛi,
2“Ɣâla fé tûa-ní a ńyãa a ǹɛ́lɛɛ.
Ŋ̀wála-wâla kélee Ɣalai a ǹíi ŋwána.
3Tãi nɔ́ Ɣâla aâ ńɛ̂wo loŋ lɛɛ ńyêei,
fúlu-laa loŋ kɛ́ ƃò niî ńyêei,
4Ɣâla fé ḿvɛli-woo mɛni, ḿve pâi lɛ́ɛ kɛ̂i,
kpaa máŋ ŋá núu da pɛlɛ.
5È folôŋ kpɔ́ ḿâ, ḿve pâi fâai ma a gɛɛ ka tɔ̃yâ mɛni ƃô.
Ḿve pâi wɔ́lɔ fâai ma a gɛɛ ŋá mɛni nyɔ́mɔ da kɛ̀.
6Ŋá gɔ́lɔŋ a gɛɛ ŋa teniŋ ƃô tua kɛ̂i.
Ḿve pâi teêi mà. Ńii fé nîi mó ní ḿâ a gɛɛ ŋâa mɛni nyɔ́mɔɔ kɛ́ ŋákɛ-ɣeniɛi su.
7“Tɔɔ Ɣâla é ŋ́gbɔara-ƃelai kula maa kɛ́ yɛ̂ɛ berei a ŋ̀wana-lɔ̂ɔ-ƃelai kula maa kɛ̂ lai.
Tɔɔ diai kélee dítɔɔ̂i ḿâi Ɣâla é díkula maa kɛ́ yɛ̂ɛ diai dífe a teniŋ-ƃo-ƃelai.
8Kili-kɛ-zu kɛ́ɛ léŋ ƃé gáa ǹúui nyii ve Ɣâla mɛni kɔ́lɔŋ
yêei à kɛ̀ Ɣâla a ŋɔfúlu-laai sîɣe?
9À kɛ̀ mɛni kpɔ̂lu su gɛ̀ Ɣâla fɛ̀li kpɔŋ-maa mɛni ma,
Ɣâla a pâi ŋ̀óo mɛnîi?
10Dîi pɔ̀ri Ŋ̀wála-wâla kélee Ɣalai ŋɔlii sêei kɔ̂rii.
Dîi pɔ̀ri kɛ̂i Ɣâla fɛlîi a ɣele kélee.
11“Ŋa pâi Ɣâla ŋɔwála-wala-laai lɛ̂i kâa.
Ŋa pâi Ɣâla ŋɔmɛni kpɛtɛɛ-ŋai lɛ̂i kâa.
12Kákelee kpɔ́ ka m̀ɛni-ŋai ŋí ŋá káa a ǹɛ́lɛɛ.
Lé mɛni ƃé ka lônoi la a ƃoo-perei?
13“Bere sîi ŋí ƃé Ŋ̀wála-wâla kélee Ɣalai a pâi ŋ̀wana-lɔ̂ɔ-ƃelai
da diai da núu mɔ̃lɛi díkula maa kɛ̂i la.
14À kɛ̀ ǹônii da kɛ̀ a dí támaa,
da pâi lɛɛ̂i kɔ́ su,
kpaa má puru é dípaa.
15Dínîa-pɛlɛɛ nyii-ŋai dífe pâi sâai kɔ́ sui, kɔlɔ-fela a pâi dípâai.
Ǹyaŋ dípɔɔ-nɛyãai dífe pâi dísaa wɔ̂lɔ kɛ̂i.
16A nɛ̃ɛ ma ŋ̀wana-lɔ̂ɔ-nuui é káne ŋáa tɛ́ gîe mà yɛ̂ɛ ŋãya,
é seɣe ŋáa tɛ́ ma gîe mà yɛ̂ɛ sĩi,
17vé pâi lɛɛ̂i ɣele ma a gɛɛ é zeɣei tóo gɔŋ ma, gánei é lɛ́ɛ ǹyêei
kɛ́lɛ sɔŋ lɛ̂lɛ-nuu ƃé pâi gánei siɣêi é zeɣei tóo gɔŋ ma.
18Ŋɔpɛ́rɛi nyii a dɔ̀ɔi a kɛ̂ nɔ́ yɛ̂ɛ ŋɔni-taa, va tûa.
À kɛ̂ nɔ́ yɛ̂ɛ kpanâŋ sàa nyii ŋɔni-kpɛ nia-pɛlɛɛ-ŋa da kɛ̂ mù díkɛ vóloi maa kpɛ̂ŋ.
19À kɛ̂ a tɔɔ-nuu gɛ́ lì lâai.
Kɛ́lɛ tãi a ŋ̀ɛ́i láa ƃò lai, va ŋɔ́nɔ ŋɔtɔɔ-sãai da kàa.
20Yao a ǹyée mɛi ɣâle yɛ̂ɛ ya fɛ̂ɛ kɛ́tɛ,
fãa kɛ́tɛ é tɛ́ɛ la.
21Vãai nyii a kûla vóloi-ƃelai perei,
a pâi gulâi ŋɔpɛ́rɛi mu é tɛ́ɛ la.
22Vãai ŋí a pâi vɛ̂ɛi kpɔ́ a ŋa ŋánaa.
A kɔ kpɔ́ a ŋánaa a gɛɛ é kúla vãai ŋɔwála-wala-laai perei.
23A pâi kîrɛ siɣêi vãai kɛ́ gbɛ̀ zu-kara mɛ̂ni ma.
Currently Selected:
Zôo 27: KWB
Highlight
Share
Copy
Want to have your highlights saved across all your devices? Sign up or sign in
