Zôo 26
26
Zôo fé ŋ̀oli tɔɔni Beeda ŋɔlia-wooi ma
1Nya ƃe Zôo è ŋ̀óo su tòo a ɣɛ́lɛ maa kuláa kponôi père, ǹyɛɛi,
2“Yâa kpɔŋ mâa tɛ̀ɛ núu fíi kpɛɛ kɛ́ɛ yɛ̂ɛ ńyãa ḿbɔ
nyii pɔ̂ri fé ḿîi.
3Berei káa yâa kili-ŋa pôno tɛ̀ɛ la ƃoo-nuu kɛ́ɛ yɛ̂ɛ ńyãa ḿbɔi.
Yaâ táre támaa lɛ́ ḿâ.
4Gbɛ̂ɛ ƃé dáre-ŋai ŋí tɛ̀ɛ ípɔi?
Gbɛ̂ɛ ƃé gili-ŋa sîa sii ŋí lɛ̀ yâ íkɛ lòno a gɛɛ ŋii?
5“Zaa mɔ̂leŋ-ŋai díkaa ǹɔii da ǹyái mu perei,
da kpɛ̃lînii.
6Ɣâla káa saa-taa gwaa kélee kâai.
Ǹaa mɛni da fa lôo ma.
7Ɣâla è yá-ŋua ɣele-kɔlɔŋ
da ŋ̀éniɛi sɛ̀lɛŋ.
8È ŋ̀ele-kɔlɔŋ kolei láa fɛ̀ɛ a tuna
ǹyaŋ duna-yai fé niî ŋ̀ele-kɔlɔŋ ƃɔ́ ní.
9È ŋ̀aloŋ mɛi pɛ̂lɛ a ŋ̀ele-kɔlɔŋ kolei.
10È kpíni da kwaa ponoɔɔ
loai lâa yúo mɛi.
11À kɛ̀ Ɣâla a ŋ̀ele-kɔlɔŋ sòŋ-sãai maa yào,
da kɛ̂ kpɛ̃lînii a yao.
12Ɣâla è yúo su-sɛŋ maa pɔlɔ-pɔlɔi nyii da kɛ̂ ma Leɣai pâa
a ŋɔwála-walai é gɛ́ yúo é see tɔ̀ŋ.
13Ɣâla è ŋ̀ele-kɔlɔŋ ma fɛ̂ɛ a nɛwo nàa é pono
é yúo su kali kɛ́tɛi páa a ǹyée.
14M̀ɛnii nyii-ŋai ŋ́gaa sâa môi díkaa nɔ́ a dûa-pere-ŋai sũa loŋ,
ǹyaŋ m̀ɛnii nyii kélee kwa m̀ɛnii é pîlaŋ mɛni-ŋai dîa a gɛ̀i, díkaa nɔ́ a nɛɣɛ-nɛɣɛ.
Gbɛɛ ƃa pɔ̂ri Ɣâla ŋɔkɛ́tɛ-laai ŋá kâai.”
Currently Selected:
Zôo 26: KWB
Highlight
Share
Copy
Want to have your highlights saved across all your devices? Sign up or sign in
