Zôo 17
17
1“Ńɛ̂wo aâ kɛ́ kpɛɛ̂i.
Ŋ́âa nâa kɛ́ pâi saâi.
Daâ nâa ḿolôŋ tée.
2Ǹûai kélee díkaa ɣɛ̂lɛi ḿa,
ǹyaŋ ŋa gâai berei da ɣɛlɛ̂i la ḿâ a ŋwana-lɔ̂ɔ perei.
3Ɣâla, ye ḿaa tée mî.
Núu da fé naa nyii a pɔ̂ri gɛ̂i tí mî.
4Ya ḿbarâai kɛ́ dífa ŋɔ́nɔ pɔ̀ri díkili-ŋa siâi,
díkpera, díyee fé tɛ̀ɛ ḿâ.
5Yɛ̂ɛ berei dí wɔlɔ mò lai,
í mii-sɛŋ ŋáa kɔ̀lɛ í ǹɛɛ naa ínîa-pɛlɛɛi dí saa a puru.
6A gɛ́ ǹûai díkɛ ɣɛ́lɛ-maa wule tòo ḿâ,
díkɛ díla-ya pù ḿâ a ŋume-pere.
7Ŋá maloŋ too-maai a ŋ́ɛi pú.
Ńzua-ŋai da kpála ḿâ da kɛ́ yɛ̂ɛ ninîŋ.
8Gúlaai a diai dîyɛɛ díkaa a ƃaa kɛ́-maa-ƃelai.
Dí dílii ŋ̀wana díkɛ mò dîyɛɛ ḿve láa ní a Ɣâla.
9É máŋ kɛ́ tí, ǹúui nyii ǹâai a Ɣâlai a pâi kɛ̂i nɔ́ Ɣâla pôlu.
Ǹyaŋ ǹúui nyii ǹyée ma waâi dɔɔ̂i a pâi kɛ̂i nɔ́ a gbanaŋɔɔ a ɣele kélee.
10Ka pá ŋɔ́nɔ ká m̀ɛni-ŋai ƃó nyii-ŋai ká kɛ̀ môi a maa-ŋuŋ.
Ŋá gɔ́lɔŋ a gɛɛ ḿve pâi táre-nuu tɔnɔ kpîŋ kâai kásama.
11“Ŋá kɛ̀-ɣeniɛi aâ kpɛɛ,
ŋá kili-ŋa-siai máŋ aâ kpɛɛ ǹyaŋ kili kɛ-zu fé ŋɔ́nɔ ńyêei.
12Ḿarâai dífe kpíni da ɣele-ƃɔɔ loai kɔ́lɔŋ.
Tãi gbínii a kɛ̂ pɛlɛ̂i lai, da mò dîyɛɛ kwaa ponoɔɔ aâ kɛ́ pâi.
13Zɛŋ nɔ́ ŋ́ɛi káa berei nya ƃa saa.
Ǹyaŋ ŋa pâi nɔ́ nâa kɛ̂i nɔ́ gbínii su.
14Ŋa pâi môi m̀olôŋ ma ńyɛɛi, ‘Ƃolôŋ, íkaa nɔ́ yɛ̂ɛ ńâŋ.’
Ŋá mó gbeli-ŋai dîa ńyɛɛ, ‘Kpeli-ŋa, kákaa nɔ́ yɛ̂ɛ ńee da ńzaaƃɔlɔ-nɛyaa.’
15Lé ƃa ŋá kili-kɛ-zui?
Núu da a pɔ̂ri ŋá kɛ-ɣeniɛi ŋɔtínaa tuɛ-pere kâai?
16Kwa kili kɛ-zu ƃé pâi liî molôŋ su a tãi tɔnɔi?
Ǹyaŋ gili kɛ-zui gáa ńyêei kwa ǹyaa ƃé pâi saâi?”
Currently Selected:
Zôo 17: KWB
Highlight
Share
Copy
Want to have your highlights saved across all your devices? Sign up or sign in
