Zôo 18
18
Beeda è lòno Zôo pɔ́ ŋɔ́nɔ
1Gɛ́ɛ tíi, Sûa lɔii su nuui Beeda è zôo wóo su tòo ǹyɛɛi,
2“Lé tãi ƃé ya pâi í mɛi saâi lai?
Í mɛi sáa a daloŋ, gɛ̀ ní kwa pâi lônoi ípɔ.
3Lé mɛni ƃe ya kú kâai la yɛ̂ɛ fɛnɛ-sãai?
Lé mɛni ƃé ya kú kâai la yɛ̂ɛ ƃoo-ƃelai?
4Zôo, íkpɔɔi lii-ŋwanai ká ŋí ípaai.
Ya ǹɛ̂i a gɛɛ ǹûai kélee dí dípôlu tɔ̀ɔ ǹɔii kélee ma kpɛ́ni fêi íkaa a teniŋ ƃô nuu?
Ya ǹɛ̂i a gɛɛ Ɣâla è ǹyée kpaya-kpayai kélee tàa-taa a gɛɛ é ílii láa?
5“Vúlu-laai nyii gáa ŋ̀wana-lɔ̂ɔ-ƃelai yêei a pâi niîŋ-nii nɔ́ yɛ̂ɛ ŋɔŋ-leŋ.
Ǹyaŋ a pâi kɛ̂i nɔ́ yɛ̂ɛ ŋɔŋ a lìiŋ.
6Ŋɔŋ a líiŋ ŋɔpɛ́rɛi mu.
Ŋɔlâŋpoi kɛ̀ lénîi ŋuŋ mɛi a líiŋ.
7Va ŋɔ́nɔ sìa a wála-wâla a gɛɛ va lâa too la.
Ǹyaŋ ǹia-wooi ƃoi a dɛ̀ɛ núu da kpɛ́ni-ŋa pɔ́i, a zòŋ ǹyaa kpîŋ.
8Gbɔ́ɔ-kpɔɔ kɔɔi a bìli ƃáre ŋá.
A pîli puŋ su a tóo.
9A pili ƃáre ŋá a zoŋ a gɔ́ɔ.
10Da ƃáre tɛ̀ zia-perei su.
11“Maa yâo-sãa da tînaŋ m̀a
díkɛ gbɛ̀ a gɛɛ dí zoŋ.
12Puru a gɛ̀ víi é kpɛ́ɛ.
A gɔ́ɔ tùa kwaa ma nyɔ́mɔɔ-ŋa ma.
13Núu-paa kɔlɔ-fela a gbono sóŋ
nyii a gɛ́ ǹyée da gɔ́ɔ díkɛ́ lùla mai.
14Da ŋ̀ála da gula ŋɔpɛ́rɛi mu ƃɛ́i è kɛ̀ naa ŋuŋ ma ƃô sui.
Dí ŋ̀ala dí lí la mɛni kpɔ̂lu ŋɔkâloŋ ŋɛ́i-tuɛ.
15Núu da kélee a pɔ̂ri kɛ̂i ŋɔpɛ́rɛi mu nyii è ǹɛɛ bôlui.
Dí sɛŋ da kpɛ̂mɛŋ ŋɔpɛ́rɛi mu
a gɛɛ nàa-ƃela dífe kɔ̀lɛ.
16Gáa yɛ̂ɛ wúru ƃé zame a lûlai ǹɔii mu
gɛ́ tòo ŋ̀owôi ŋ̀elêi pere.
17Ǹûai kélee kpɔ́ ŋ̀éniɛi su da nia maa mɛni ma.
Maa mɛni kíli fé ŋɔ́nɔ núu da ŋá.
18Ɣâla a pâi duãnii é gula ǹúu fulu-ŋai dílɔii su
é doo zaa-ƃelai dílɔii su kpíniɛɛi su pere.
19Ǹônii dɔnɔ kpîŋ fé pâi kɛ̂i naa
é lɛ́ɛ bɔ́ɔ-ŋa ŋɔpɛ́rɛi mu.
20Zaa pere a pâi kɛ̂i a laa kpala-maa mɛni
vóloi kulai-pere da vóloi liî pere ƃelai dîa.
21Tɔ̃yâ kpîŋ ma, ƃáre ƃé pâi ŋ̀wana-lɔ̂ɔ-ƃelai su karâi
da diai nyii-ŋai dífe láa ní a Ɣâlai.”
Currently Selected:
Zôo 18: KWB
Highlight
Share
Copy
Want to have your highlights saved across all your devices? Sign up or sign in
