Luk MALOŴE GANDANDA
MALOŴE GANDANDA
Ngani Syambone sya Yesu Klistu syakulembedwa ni Luka sikulosya kuti Yesu ali Mkulupusyo juŵakulupwisye Aisalaeli, nambo soni ŵandu ŵa pacilambo capasi pano. Luka akutusalila mu buku jakwe kuti Yesu ŵaŵilanjidwe ni Msimu Ŵaswela ŵakutyocela kwa AMBUJE “kuti alalicile Ngani Syambone kwa ŵakulaga.” (4:18) Maloŵe ga m'bukuji gakulosya mtima wacanasa wakusaka kwakamucisya ŵandu ŵakulaga pa yakusoŵa yawo. Maloŵe ga m'buku ja Luka gali gakumpa mundu lukondwa, mnopemnope maloŵe gandanda gakwamba ya kwisa kwa Yesu, soni maloŵe gambesi pa ndaŵi jele Yesu jiŵajigalidwe kwawula kwinani. Luka mkulemba soni jwa buku ja Masengo ga ŵandumetume akulosya soni mucajendelecele cikulupi mbali syosope mwamacili ga Msimu Ŵaswela ŵa kwa Mlungu.
Pana mbali siŵili (mtwe 1 mpaka 2 ni mtwe 9 mpaka 19) mwamuli yindu yejinji yayikusimanikwa mu Ngani Syambonesi, mpela ngani jakwamba nyimbo ja malayika, kunguluka kwa ŵakucinga pa ndaŵi jiŵapagwile Yesu, Yesu ku Nyumba ja AMBUJE piŵaliji mcanda, yitagu ya Msamaliya jwambone ni Mwanace jwakusocelela. Mu Ngani Syambonesi ngani jekulungwa mnope jijegamile pa lipopelo, Msimu Ŵaswela, masengo ga acakongwe mu ndaŵi ja utumiki wa Yesu, ni kululucila ulemwa kwa Mlungu.
Mitwe ja ya mkatimu
Maloŵe gandanda 1:1-4
Kupagwa ni Ucanda wa Yohane M'batisi ni kwa Yesu 1:5—2:52
Utumiki wa Yohane M'batisi 3:1-20
Ubatiso ni kulinjidwa kwa Yesu 3:21—4:13
Utumiki wa Yesu ku Galileya 4:14—9:50
Ulendo wa kutyoka ku Galileya kuja ku Yelusalemu 9:51—19:27
Mlungu wakumalisya ku Yelusalemu 19:28—23:56
Kwimuka ku ŵawe kwa Yesu, kulilosya kwa ŵakulijiganya ŵakwe, kukwela kwawula kwinani 24:1-53
Currently Selected:
Luk MALOŴE GANDANDA: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014