Zabbuli 39
39
Ya mukulu w'abayimbi, ya Yedusuni. Zabbuli ya Dawudi.
Okusaba amagezi n'okuluŋŋamizibwa
1Nnagamba nti, “Nneekuumanga amakubo gange,
Nnemenga okusobya mu bye njogera.
Nnaasirikanga,
Ababi nga bali nange.”#1 Bassek 2:4, Yob 2:10, Zab 34:13
2Nnasiruwala ne nsirika
n'ebirungi saabyogera;
Okunakuwala kwange ne kweyongera.#Yob 40:4,5
3Ne nneeraliikirira,
Bwe nnalowoozanga, nga nnyongera kweraliikirira.
Ne ndyoka ŋŋamba nti:#Yer 20:9, Luk 24:32
4“Mukama, ontegeeze enkomerero yange,
N'ebbanga lye ndiwangaala.
Ntegeere bwe ndi omumenyefu.#Zab 90:12
5Laba, ennaku zange wazigerera ku luta.
N'obulamu bwange buli nga si kintu gy'oli:
Mazima, buli muntu, n'ebwawangaala, mukka bukka.#Yob 14:1,2, Zab 62:9; 89:47 (Seera)
6Mazima buli muntu atambulira mu kifaananyi ekitaliimu.
Mazima, beeraliikiririra bwereere:
Akuuma obugagga, so tamanya agenda okubutwala.#Yob 27:16,17, Mub 2:18,21, Luk 12:20, 1 Kol 7:31, Yak 4:14
7Ne kaakano, Mukama, nnindirira ki?
Mu ggwe mwe nnina essuubi.#Zab 38:15
8Nziggyaako ebibi byange byonna,
Tonfuula kivume ky'abasirusiru.#Zab 44:13
9Nnasiruwala, ssaayogera,
Kubanga wakikola.#2 Sam 16:10, Yob 2:10, Zab 38:13
10Toyongera kumbonereza,
Amaanyi gampeddemu olw'okukuba kwo
11Bw'obonereza omuntu olw'okwonoona kwe,
Omumaliramu ddala obulungi bwe, nebuba nga obuliriddwa ennyenje.
Mazima, buli muntu mukka bukka.#Yob 13:28, Zab 39:5; 49:14 (Seera)
12Wulira okusaba kwange, Ayi Mukama,
owulire okukaaba kwange.
Olw'okukaaba kwange, nnyamba.
Kubanga nze ndi mugenyi gy'oli,
Omutambuze, nga bajjajjange bonna bwe baali.#Leev 25:23, 1 Byom 29:15, Zab 102:1, Beb 11:13
13Onsaasire, ndyoke nziremu amaanyi,
Nga sinnava muno ne ssibeerawo.”#Yob 10:20,21; 14:10-12
Currently Selected:
Zabbuli 39: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.