Psalms 91
91
God Munaġirikput
1Kiñaliqaa uqqisimaaqtuaq Ataniġmi Qutchigñiqtauruami,
minġuiqsiġñiaqtuq taġġaŋani Sapiġñaqtuam,
2ilaan uqallautiginiaġaa Ataniq,
“Annaksaqtuġvigigiga suli munaqsrigivlugu
God ukpiqsimaaġviga.”
3Iḷumutun annautiniaġaatin nalunaqtuaniñ nigatchianiñ
suli iluqaiññiñ naŋirrutiqpagniñ tuqunaqtuaniñ.
4Ataaniitinniaġaatin isaqqugmi;
anayanniuġniaŋitchutin munaqqutaani;
Iḷumun ittuaguniŋa akkiaġautiginiaġiñ suli annaksimaaġvigilugu.
5Iqsisiqaġniaŋitchutin tatamaanaqtuaniñ unnuami,
naakkaunnii pisiksautigiraŋiññiñ uvlumi;
6naakkaunnii naŋirrutiqpagniñ tuqunaqtuaniñ aquliraqtuaq taaqsimman
naakkaunnii piaġiitchuaniñ tuquttaisuuruaniñ qitiqqaġman uvluq.
71,000-guruat ulġuġaalaniaqtut saniġaġni,
10,000-gich avatigni,
aglaan qalliñiaŋitkaatin unnii.
8Tauktuksiññaġniaġitin
pigiiḷḷiqirauruat tatavsaqtaukpata.
9Atanġuruaq annaksaġviḷiutiŋagiñ,
Qutchigñiqsrauruaq nayuqtualiŋagiñ,
10pigiitchuapayaam piñiaŋitkaasi,
naakkaunnii iluirrutiqpaich qalliñiaŋitkaat aimaaġvigiran.
11 #
Mt 4.6; Lk 4.10. God-im piraksriġñiaġaich isaġuliñi munaġitqulusi
sumupayaaġaluaġuvsi.
12 #
Mt 4.6; Lk 4.11. Isaġulġich tiġummiñiaġaasi argagmigñik
isikkaaquŋiḷḷusi uyaġagnun.
13 #
Lk 10.19. Tunmalugniaġitin lion-gich nimiġiallu,
iqsiñaqtuat lion-paich nimiġiallu tuqunaqtuat.
14God uqaqtuq, “Annautiniaġitka piqpaksriruat uvamnik
suli munaġiniaġitka iḷisimaruat Atanġutilaamnik.
15Ququullavigikpanŋa, kiuniaġitka;
isumaaluunmun tikitpata, itqatiginiaġitka.
Annautiniaġitka qutchiksiḷiġlugiḷḷu.
16Akiḷiusiaqaqtinniaġitka sivisuruamik iñuggunmik;
Annautiniaġitka.”
Currently Selected:
Psalms 91: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
