Psalms 88
88
Qiavluni Ikayuqtisiuġman
Atuun. Psalm aglaaŋat iḷaŋisa Korah-m. Atuqtit aullarriŋannun. Mahalath leannoth-kuaqługu. Poem aglaaŋa Heman-gum Ezrahite-guruam.
1Ataniiq God, annaurrimaaŋ, qirruktuŋa iliŋnun uvluqtutilaaŋatun
unnuaqtutilaaŋatunlu sivuġaġni.
2Tusaallagniaġuŋ aŋaiyyutiga;
naalaġniuŋ qirratiga ikayuquvluŋa!
3Iḷitqusiġa silvinŋaruq iḷuiłłiuġutinik
suli iñuggutiga isukłiññiuraaliqsuq.
4Irrusiqaqtuŋa tuquyasiuraqtuatitun;
suaŋŋataiġutipiallaktuŋa.
5Unirruiñaġaanŋa akunġanni tuquruat;
Tuqutauŋaruatun iḷuvvivigñi ittuŋa,
tamatkunatitun piigupiallaŋaraqtun,
ikayuġumiñaiŋaraqtun.
6Iginŋagiŋma atchigñiqsraŋanun iḷuqsram,
taaġniqsrauruamun suli itiniqsraŋanun iḷuqsram.
7Qinnautikpiñ uqumaiḷḷiraqtitapiaġataġaaŋa,
naniġvaktitauruatun qaiḷḷiġnun.
8Avilaitqatimnun suksraaqtinŋagigma;
naġġugiliqsipiaŋagiŋma iliŋiññun.
Umŋurrauvluŋa qanuġluŋa annakkumiñaiŋaruŋa;
9irraka sayaiḷḷaktuk nagliksaaqpaił̣ł̣uŋa.
Ataniiq, uvlutuaġaġimman ququullavigiugaġikpiñ
isaaqsimavluŋa aŋaiyyuraqtuŋa.
10Savallavich aliuġnaqtuanik tuquaniŋaruanun?
Makitchuuvat aasii nanġaaqsivḷutin?
11Nuŋulaitchuaq nakuaqqutin uqausiġisuuvarruŋ iḷuvvivigmi,
naakkaunnii piŋitqataaŋiññiġiñ inaani suksraunġiġvium?
12Aliuġnaqtuat savaatin qiñiġnaġumiñaqpat taaqtuami
naakkaunnii nakuuniġiñ nunaŋanni piiguqtauŋaruat?
13Ataniiq, ququulaŋagikpiñ ikayuquvluŋa;
uvlaatuaġaġimman tavra aŋaiyyuuqtuŋa iliŋnun.
14Summan ayyaktuiññaqpiŋa, Ataniiq?
Tunuttaqpiŋa imña summan?
15Nutaġauraunimniñ qaŋa tavra, nagliksaaġaqtuŋa suli tuquqqayaġataqłuŋa;
Piḷaipiallaktuŋa akigaaġivlugich tatavsautitin.
16Qinnautiqpakpich siquptaġigaanŋa;
tatamaanaqtuat piyuaġutikpich suksraunġiġaanŋa.
17Uvluqtutilaaŋatun avattaġigaanŋa ulittuatun;
tikirruiññaġaġigaanŋa sugnamiḷḷiqaa.
18Piqpagiratka avilaitqatiitkalu aullaqtitaŋagitin,
suli tamarra taaqtuaq kisian nayuqtigiraġigiga.
Currently Selected:
Psalms 88: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
