Psalms 86
86
Aŋaiyyun Ikayuqsimaaquvluni
Aŋaiyyutaa David-gum.
1Naalaġniŋŋa, Ataniiq, suli kiuluŋa,
qanuqsausiitchuŋakii piqaqtuksrauvluŋalu.
2Annautiŋŋa tuqqunmiñ, kamagisimaaġukkikpiñkii;
annautiŋŋa, qanuq kivgaġigiŋma suli ukpiġisimaaġikpiñ.
3God-igigikpiñ, naglikkutiqaġiñ uvamnun;
aŋaiyyuvigisuugikpiñ uvluqtutilaatun.
4Kivgaġiran quviatchaktirruŋ, Atanġuruatiin,
aŋaiyyutitkakii takpamuŋa iliŋnuguurut.
5Ataniiq nakuuruagurutin suli suliqutigiŋaiqsisuurutin,
nakuaqqutiqpaqaqłutin nuŋulaitchuamik iluqaiññun aŋaiyyusuuruanun iliŋnun.
6Tusaagguuŋ, Ataniiq, aŋaiyyutiga;
naalaġniuŋ qirratiga ikayuquvluŋa.
7Isumaaluunmun tikitkuma ququullaviginiaġikpiñ,
kiuniaġitinkii aŋaiyyutitka.
8God-aitchuq iliktun ittuamik, Ataniiq,
kiña unnii savagataŋaitchuq iliktun.
9 #
Rev 15.4. Iluqaġmiŋ nunaqpauruat savaaġiŋaratin
qaiñiaqtut purvigiyyaġlutin;
nanġaġniaġaat qutchiksiḷiġlugu atqiñ.
10Suaŋŋatiqpaqaqtutin suli aliuġnaqtuanik savaguurutin;
kisivich God-aurutin.
11Iḷisautiŋŋa, Ataniiq, ilvich pitqutignik,
aasii kamaginiaġikpiñ iḷumutuuġluŋa;
iḷisautiŋŋa savautiyumiñaqsiḷutin avigaaŋŋataiḷḷuŋa.
12Nanġaġniaġikpiñ uummatiga iluġaaġlugu, Ataniiq God-igiraqpiñ;
Quliaqtuġniaġiga kamanaqtuaguniġiñ isuitchuamun.
13Qanutun kamanaqtigiruq nakuaqqutin uvamnun!
Annautiŋammigigma tuqqunmiñ.
14Arguaŋaruat iñuich akiḷḷiġivluŋa qairut piyuumigivluŋa, God-auruatiin;
suurimmaaŋił̣ł̣utiŋ naglikkutaitchuat iñuich ivaġaanŋa tuqutchukłuŋa—
tamatkua iñuich suunnaġiŋił̣ł̣utin iñuuruat.
15Aglaan ilvich, Atanġuruatiin, God-aurutin, iḷunŋusuutiqaqłutin suli naglikkutiqaqłutin.
Igḷutuutiqaqłutin, nagliktuutiqaqłutin suli piŋitqataalaił̣ł̣utin.
16Saanŋa suli nagligiluŋa;
suaŋŋatiksriñŋa annautiluŋalu,
savautigikpiñkii aakaptun.
17Iḷitchuġipkaŋŋa nakuutilaaġnik, Ataniiq;
uumigiritka kanŋutchakkumaut
iḷitchuġigumiŋ iliŋnun quviasaaqtilaamnik suli ikayuqtilaamnik.
Currently Selected:
Psalms 86: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
