Psalms 85
85
Aŋaiyyun Nunaqpauruam Iłuaġniaġniŋagun
Atuqtit aullarriŋannun. Iḷaŋisa Korah-m. Psalm.
1Ataniiq, naglikkutiqaqtuagurutin nunagiraġnun;
Israel piḷḷuataqtualitqiksinŋagiñ.
2Suliqutigiŋaiŋagitin piḷuutiŋich iñugiraqpich
suli suliqutigiŋaiqł̣ugich piluusiqiaŋich.
3Qinnautiŋaiŋagitin
suli tunułługu qinnautiqpakkaluan.
4God, Annaurigiraptigiñ, utqutisigut,
iviġaumairrutiŋaiġḷuta!
5Uumisuutiniaqpisigut imña isuitchuamun?
Qinnautiŋaniaqpisigut taimuŋaaglaan?
6Suaŋasitqiksitchumiñaitpisigut,
aasii iñugiraqpich nanġaġumagaatin?
7Maniraġiuŋ nuŋulaitchuaq nakuaqqutin, Atanġuruatiin,
aasii annautiluta.
8Naalaġniruŋa qanuq Ataniq God-auruaq uqaġniaqtilaaŋanik;
unniqsuqłiiŋagaatigut tutqiunmik, ilaan nanmiñiq iñugivluta,
utiġvigiŋitkuptigik isumalluaġiił̣ł̣uta piḷġusikkaluavut.
9Iḷumutun annautaa qanipiallaktuq qiksiksraqtuanun ilaanik,
aasii ilaata qaumanġata nayuġuuniaġaatigut nunaptigni.
10Nakuaqqunlu iḷumun ittuaġlu kasuutiniaqtuk;
nalaunŋarualiqiniġlu tutqiunlu iqimmalaaġniaqtuk.
11Iḷumun ittuaq puiñiaqtuq nunamiñ,
aasii God-im nalaunŋaruaguniŋa anmun qiñiġluni qiḷaŋmiñ.
12Atanġum piḷḷuatautiqaqtinniaġaatigut,
nunakput aasii nauriaqsiḷuni iḷaŋaniiqsuaġluni.
13Nalaunŋarualiqiniġum sivulliuġniaġaa Ataniq
suli itqanaiġḷugu avluġaaġviksraŋa.
Currently Selected:
Psalms 85: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
