Psalms 56
56
Aŋaiyyun Ukpiqsraqtuamiñ God-mun
Atuqtit aullarriŋannun. Atuunmun “Tiŋmiaq uŋasiksuami Oak-gich napaaqtuŋiññi.” Psalm aglaaŋa David-gum, Philistia-ġmiut pisaġianigmarruŋ David Gath-mi.
1Nagligiŋŋa, Ilvich God,
uvvaataŋ piyuumigipiaġataġaanŋa;
akiḷḷiima nagliksaaqtitkaanŋa ataramik.
2Uvluqtutilaaŋatun akiḷḷiġma piyuumigigaanŋa.
Iñugiapiaġataqtut paaqłaŋaritka.
3Iqsitchakkama, Kamanaqtuatiin Ataniiq,
ukpiġutiqaqtuŋa Ilignun.
4Ukpiġigiga God aasii iqsiñiaŋitchuŋa;
Nanġaġiga, Ilaan unniqsuqłiutiŋich pisigivlugich.
Iñugruiññam suyumiñaqpaŋa?
5Akiḷḷiġma iluiḷḷiuġutiksritchuugaanŋa uvlupaiqł̣ugu;
sivunniuqtuaġaqtut anniġumavluŋa!
6Katittaqtut iriqtuqłutiŋ
supayaatigun naipiqtuqłuŋa,
tuqutchumavluŋa.
7Tatavsakkich, God, pigiiḷḷiqutiŋisigun;
akiiḷikkich tamatkua iñuich ilvich qinnautikkun!
8Iḷisimagigma qanutun iluiḷḷiuqtilaamnik;
nalunaiqsimagitin agliurruqługich qulvitka.
Agliusimaŋitpat makpiġaaġni?
9Uvlumi ququulagupkiñ,
akiḷḷiitka qapiġniaqtut.
Taamna iḷisimagiga qanukkii God tunulliḷiqsimaaġaaŋa;
10God-auruam, unniqsuqłiutiŋich nanġaaġiratka.
Atanġuruam, unniqsuqłiutiŋich nanġaaġiratka.
11Ilaanun ukpiqtuŋa, tainnamik iqsiñiaŋitchuŋa.
Iñugruiññam suyumiñaqpaŋa?
12God-auruatiin, aitchuiñiaqtuŋa unniqsuqłiutimnik;
aitchuiḷuŋa quyyatikun aitchuutinik,
13atakkii annautiŋagiŋma tuqqunmiñ
akimapkaqłuŋalu.
Pisuaqtuŋaasii takkuani God-im,
qaummaġiksuaŋani iñuggutim.
Currently Selected:
Psalms 56: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
