Psalms 57
57
Aŋaiyyun Ikayuquvluni
Atuqtit aullarriŋannun. Atuunmun “Maqunnagu.” Psalm aglaaŋa David-gum, qimaaganiŋamman Saul-miñ qaiġusugmun.
1Naglikkutiqaġiñ uvamnun, God, nagligiŋŋa,
ilignuktuŋakiuvva annaksaqłuŋa.
Taġġisimaaqama isaqqugni anayanniulaitchuŋa
anayanaqtuaq qaaŋiġataqtillugu.
2Ququulagiga God, Qutchigñiqsrauruaq,
God-mun, naamasipkairuamun pigiraksrapayaamnik.
3Ilaata kiuniaġaaŋa qiḷagmiñ aasii annautiluŋa;
akiisinniaġaich nagliksaaqtitchiritka.
God-im maniuġniaġaa uvamnun nuŋulaitchuaq iḷumutuuġniñi nakuaqqutiniḷu.
4Avatkaanŋauvva akiḷḷiima,
laiyaqpaktun iñuktuqsiññaatun.
Panatullu qaġruŋisullu pisiksich kigutiŋich ittut;
uqaqaqtut ipiktigiruanik igḷuktuuliktun.
5Tautuktirruŋ kamanaqtilaan siḷami, God-auruatiin, suli kamanautin
nunapayaamiḷu.
6Akiḷḷiitka isivitchiŋarut kuvraġukkaluaqłuŋa;
qanuqsausiiġaanŋauvva iluiḷḷiuġutit.
Nivaktut mitaiḷamik putumik apqutimnun,
iliŋisaaglaan katagvigigaat.
7Naamaruamik nalupqisuutairrutiqaqtuŋa, God-auruatiin;
Atuġniaqtuŋa nanġaġutin!
8Iqiiġiñ, iḷitqusiiŋ!
Iqiiġitchik, harp-lu lyre-lu!
Iqiiġñaġiagniaqtuŋa qaummaġiksiŋaiñŋaan.
9Quyanaaġniaġikpiñ, Ataniiq, akunġanni nunaqpaich.
Nanġaġniaġikpiñ akunġanni iñuich.
10Nuŋulaitchuam nakuaqqurvich tikiñŋagaich qiḷaich;
iḷumutuuġutikpiñ aksiŋagaat siḷa.
11Tautuktirruŋ kamanaqtilaan siḷami, God-auruatiin,
nunapayaamiḷu.
Currently Selected:
Psalms 57: INUPIAQ
Highlight
Copy
Compare
Share
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
