Psalms 53
53
Iñuum Piḷuktuaguniŋa
Atuqtit aullarriŋannun. Mahalath-kuaqługu. Poem aglaaŋa David-gum.
1 #
Ro 3.10-12. Isumalluaġiitchuat inmigni uqallagaqtut,
“God-aitchuq imña.”
Iluqaġmiŋ piaġiitchuagurut,
savaguummiut naġġunapiaġataqtuanik suraġautchiñik;
atausiq unnii iluaqtualiqiŋaitchuq.
2God-im qiñiqtuaġaġigaich iñuich anmun qiḷagmiñ
tautukkumavluni imma kiña isumattutiqaqtilaaŋanik,
kiñalu inmiñun aŋaiyyuuqtilaaŋanik.
3Aglaan iluqaġmiŋ asivaġuurut;
ativlutiŋ iluqatiŋ piḷuktuagurut.
Atausiq unnii iluaqtuamik savayuitchuq,
atausiuraq unnii.
4“Naluvat makua?” God apiqsriruq.
“Tamarra makua pigiiḷḷiqirit, tainnatun nalutigivat?
Iñuusuurut tigligaiyugaqtuaqługich iñutka,
suli aŋaiyyusuiñmiut uvamnun.”
5Tikiññiaġaat aglaan imma iqsittualaviksraqtiŋ
qaŋaunnii sivuani uuktuaŋaisaqtiŋ,
atakkii God-im siaminniaġai sauniŋich akiḷḷiqsruqtuat ilaata iñuŋiññik.
Kanŋunaqsiḷiŋagisikii,
God-imkii ayyaktuŋagai.
6Aŋaayyuuqtuŋa Israel-miut akimmatiqaquvlugich
Zion-miñ, God-im inaaniñ.
Quviatchapalukkisirut iñuŋich Israel
God-im utiqtitpauŋ piḷḷuatautaat!
Currently Selected:
Psalms 53: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
