Psalms 52
52
God-im Isivġiutaa Nagliktuutaalu
Atuqtit aullarriŋannun. Poem aglaaŋa David-gum. Doeg Edomite-guruaq ullautianigman Saul-mun suli kilikługu: “David igluanuŋaruq Ahimelek-gum.”
1Summan uqavigaaqpich pigiirrutignik, kamanaqtuatiin?
Uvvauna God-gum iḷumun ittuaguniŋa taimuŋa inmiuq.
2Sivunniuġaqtutin uvva allat suksraunġiutiksraŋiññik;
qanġiñ uvva ittuq ipiktuatun saviḷḷuuratun.
Sagluusuŋaiññaġuurutin.
3Piḷuktuaġlu iḷumun inŋitchuaġlu nakuaġiłhaaġikkiñ
nakuuruamiḷḷu iḷumun ittuamiḷḷu.
4Iñuich anniallatugitin uqalugnik, sagluturualuuk!
5God-guptauq suksraunġiġñiaġaatin isuitchuamun;
tigułłagutin piiqsauniaqtutin aimaaġvigniñ;
piiqsauniaqtutin nunaŋanniñ iñuuruat.
6Iḷumuuqtuat tautukkumirruŋ taamna iqsitchagniaqtut;
iglautiginiaġaatin aasii uqallagmiḷutiŋ,
7“Tautuksiuŋ, unauvva ukpiqsrautaitchuaq God-mun munaqsruutiksrakkaluamiñun,
ukpiqsraqsiññaqłuniaglaan umialgutisalagmiñun, qaunaksrigiyumavlugulu
ilaan pigiitchuaguniñi.”
8Uvaŋaaglaan arriqaqtuŋa olive napaaqtuatun nauruatun igluani God-im;
Ukpiġipiallakkiga ilaata isuiḷaaq nakuaqqutaa isuitchuamun taimuŋa.
9Quyanaaŋaiġumiñaitkikpiñ God savaaġnik;
takkuani iñukpich
uqausiġiniaġiga ilvich nakuuruaguniġiñ.
Currently Selected:
Psalms 52: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
