Psalms 51
51
Aŋaiyyun Suliqutigiŋaiquvluni
Atuqtit aullarriŋannun. Psalm aglaaŋa David-gum, uqautianigmani God-im Uqaqtaata Nathan-gum allatuqatiqaqtilaaŋanik Bathsheba-mik.
1Naglikkutiqaġiñ uvamnun, ilvich God-auruatiin,
pisigivlugu nuŋulaitchuaq nakuaqqutin.
Pisigilugulu kamanaqtuaq naglikkutiqpaiñ
piikkich piḷuutitka!
2Iqaġilugu pigiiḷḷiqutipayaaġa
salummaŋŋa piḷuutimniñ!
3Puttuqsriruŋa patchisipayaamnik;
iñiqługu nayuġaanŋa piḷuusiqutigma.
4 #
Ro 3.4. Piḷuksiŋaruŋa paaqłakłutin—kisivich paaqłakłutin—
suraġaqłuŋa ilvich pigiitchuaġiraġnik.
Tavraasii ilvich iluakkuaqtutin isivġiqsruqamŋa;
ilvich nalaunŋaruagurutin tatavsautikun isivġiqamŋa.
5Pigiiḷḷiqun uvamniinniqsuq aniñimniñ-qaŋa;
siŋaiyaagunimniñ-qaŋa piḷuutiqaqsimaruŋa.
6Piŋŋuaġutairrun iḷumutuuġniġlu iñuggutigitqumagikkiñ;
immiġuŋ isummatiga isumattutigiraġnik.
7Piiġḷugu piḷuutiga, salummaqtauyumauŋa;
iqaġiŋŋa, qatiqsił̣haaġumauŋa apunmiñ unnii.
8Tusaalaŋa quviatalaruanik;
aasii suksraunġiġaluaġumŋa navipiallaglugu irrusiġa,
quviatchavsaaqtinniaġiŋma nalupqinaitchuamik.
9Qiñiŋaikkich piḷuutitka
suli salummakkich iluqaisa pigiiḷḷiqutipayaatka.
10Savagiñ salumaruamik uummanmik uvamni, God-iiŋ,
aasii nutaqsaġlugu iḷumutuuqtuamik iḷitqusiġa.
11Piiqsinniaġnaŋa takkuġniñ;
Iḷitqusiġiksuallu piiġñiaġnagu uvamniñ.
12Qaitqiguŋ uvamnun quvianaqtuan qaisuuruaq annautikkun,
suli kamaksriyumalaaliqsilluŋa ilignun.
13Taimmaliasii uvaŋa iḷisaurriyumauŋa piḷuusiqirinun piraksriutikkun,
aasiiḷi iliŋisa utiġvigilutin.
14Annautiŋŋa God-iiŋ iñuaŋanimniñ, annaksaġviuruatiin,
aasii uvaŋali quviasugluŋa iḷisimapkaġumagiga nalaunŋatilaan.
15Ikayuŋŋa uqallallasiḷuŋa Ataniiq,
aasii nanġaġniaġikpiḷḷi.
16Ilvich aitchuutinik piqaġuŋitchutin,
qaiññiaġaluaġitkali;
iviġaummatigiŋitkitin ikipkautikkaluat.
17God-im iviġaumagigaa aitchuun, atchiksuaq iḷitqusiq;
ilvich ayyagniaŋiññiġiñ atchiksuaq isumalitqiksuaġlu.
18Ilvich God, naglikkutiqaġiñ Zion-mun suli ikayuġlugu;
nappatqigḷich katchiŋich Jerusalem-gum.
19Tavraasiiñ iviġaummatigiḷḷasiyumagitin nalaunŋaruat aitchuutit,
iviġaummagivlugiḷḷu ikipkaŋaruat aitchuutit;
aŋusalluniglu aitchuiḷḷasiyumaugut ikipkaivigñi.
Currently Selected:
Psalms 51: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
