Psalms 45
45
Atuun Umialik Katitinman
Atuqtit aullarriŋannun. Atuunmun “Lilies-tigun.” Poem aglaaŋat iḷaŋisa Korah-m. Tuvaaqasiġnikun atuun.
1Piqpagnaqtuat uqaluich siḷivitkaat isumaga,
atuusiuġutillaan uumiŋa umialik.
Aglausiatun aglayuqtuam
uqaluksranigaqtuŋa aglaaksramnik.
2Aŋutigigñiqsraurutin uvva aŋutiniñ;
uqayuġmiutin.
God-im ataramik piḷḷuatautiqaqtitchuugaatin,
3Tavsiġmiuttuuŋ savikpaiñ, suaŋaruatiin umialiik;
Qaumaniliktun ittutin suli kamanautiqaqtutin.
4Kakaksiġiñ qutchiksiḷutin akimayyaġutin
akimmatisaġlugu iḷumun ittuaq pitqiksiġautairrullu.
Suaŋaniqpich akimmasiqsuaġisigaatin!
5Qaġrutin ataŋ ipikhutiŋ,
uummatchiraġigaich umialgum akiḷḷiŋich;
nunaqpaich aasii isigagnun ulġuvlutiŋ.
6 #
He 1.8, 9. Umialgun God-im qaisaŋa ilignun;
itchaġataqtuq taimuŋa isuitchuamun.
Atanniqsuivḷutin iñugnik pitqiksiġautaitchuakun;
7nakuaqsrirutin iluaqtuamik aasi uumigivlugu piḷuktuaq.
Tainnaqhuni God-im, ilvich God-ikpich, piksraqtaaġiŋagaatin
suli quviasuutiksrił̣haaqłutin allaniñ unnii umialguruaniñ.
8Myrrh-nik aloes-nik cassia-niglu tivraġiksaŋarut annuġaatin;
atuqtuuraqtit naalaktuannaraaqtitkaatin umialgich igluŋiññi qiñiyunaqsaŋarani tuugaaniñ.
9Akunġanni aġnat aniiqsuaġviata tamarraptauq paniutiŋich umialgich,
aasii taliqpiani aquppiutaqpich makitaruq umialgum aġnaat,
atuqługich qiñiyunaqusiat kaviqsuamik manigmik.
10Nuliaksrautauruatiin umialigmun, naalakkich uqalutka—
iñutin puigukkich nanmiñikkaluatin unnii.
11Aġnaġikł̣utin umialgum pigiliutisukpagniaġaatin;
ilaa ataniġigiñ, kamagiraksraġigiñ.
12Iñuŋisa Tyre-m aatchiñiaġaatin aitchuutimignik;
umialguruallu iviġaumagipkaġniatagniaqtut ilignun.
13Umialgum paniŋa igluqpaŋaniittuaq aġnaġikpaktuq!
Qaliġuuraŋa miquŋagaat kaviqsuamiñ manigmiñ ivaluliamik.
14Qiñiyunaqtuamik qalġuuraqtuqłuni umialigmuutigaat,
aquliraqługu niviaqsiaqatiŋisa.
15Ikiaqtalaaqhutiŋ quviasualallaġmiŋ aggiqsut
isaarut umialgum igluqpaŋanun.
16Ilvich, uvva umialiik, iġñiġukkaqsiñiaqtutin
kiŋuvaatin umialiguqtaulutiŋ,
ilvich aasii atanniqsuiriġuqtillugiḷḷi nunapayaamun.
17Atuusiaġma puiguumapkaġniaŋitkaa piḷġusiñ taimuŋa isuitchuamun,
taimmaasii kisupayaam nanġaqsaġataġlutin taimuŋa isuitchuamun.
Currently Selected:
Psalms 45: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
