Psalms 46
46
God Nayuġaatigut
Atuqtit aullarriŋannun. Atuutiliaŋat iḷaŋisa Korah-m. Alamoth-kuaqługu. Atuun.
1God uvva uqqisimaaġvigigikput suaŋŋatigivlugulu,
itqanaitchuq ataramik ikayuġumavluta iluiḷḷiuġutiptigni.
2Tainnamik iqsiñiaŋitchugut, nuna aulayyakkaluaqpan
iġġiḷḷu katagaaġaluaqpata taġiumum.
3Ulivragaqtaqtuatun taġiutun qasaqtaqtuatullu qaiḷḷiqtun,
iġġiḷḷu aulayyaktaulutiŋ qasaqtaqpaiḷḷuni.
4Kuuk ittuq quviasuusiqsiruaq iniqpaŋanun God-im,
salumaruamullu igluanun Qutchigñiqsrauruam.
5God nayuutiruq taaptumani iniqpagmi, suksraunġiqsauyumiñaitchuami;
qausaġataqpan aggiġñiaqtuq anniqsuġiaġlugu.
6Nunaqpaich tatamaaliqsut, umialgutillu aulayyaktut;
God nivliġman kalluktun, nuna nuŋuruq aukługu.
7Atanġum Sapiġñaġniqsrauruam nayuġaatigut;
God-iŋa Jacob-gum uqqisimaaġvigigikput.
8Qaiḷusi tautugiaqsiuŋ Atanġum savaaġikkaŋaa.
Qiñiqsiuŋ qanutun kamanaqtuanik savaŋatilaaŋa nunami.
9Nutqaqtitkai aŋuyaktuapayaat siaminŋaruat sulliñipayaaŋani nunam;
navgiruq pisiksiñik, suksraunġiivḷuniḷu pananik,
akkiaġautit unnii ikuallaktitkai.
10“Nutqaġitchi,” Ilaa uqallaktuq, “iḷisimalusi God-autilaamnik,
qutchiłhaaqtuaq nunaqpaupayaaqtuaniñ,
atanniqsimaaqługulu nuna.”
11Atanġum Sapiġñaġniqsrauruam nayuġaatigut;
God-iŋa Jacob-gum uqqisimaaġvigigikput.
Currently Selected:
Psalms 46: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
